LUKAS 17:3 - BIBALDA TA PELDETTA

³ Ligi ŋali mi tuwgiya. La ɓasuŋŋa li sulukawa, naŋ ma gatamu, la nam hamawa, naŋ ma vulum gida.

LUKAS 17:3 Iomraidhean Croise

NULLA 141:5

Hin sa ma ɗigera watanu, kay kayni ti slugo'o; hinim gatanu, kayni ki mul ma ɦoki kanu nala, nan ma li ɦiy kay kaynɗi, may cirepta vi sum sa joona as tel siɗawta vanɗi.

KAL-GOYTA 34:12

Ligi ŋali kay bonota ta nigi ma juna' hiɗi sum sa nigi min co hay nagata visin ɗawni, kay nisi ma lin ti jawta ta ganay gaa vokgitɗi.

LAW MA NIR-NIRAMNA 17:10

Ɗek-kirta gut sa ma yalla, suw wat ma kisna ma wat sa ma to'ofayn hiɗi namna.

LAW MA NIR-NIRAMNA 27:5

Lawt fok goy jaray haraŋ kayni marya, suw bonota ta hiɗi mileta.

LAW MA NIR-NIRAMNA 9:8

Sa ma burahta naŋ dum kiramɗi, kay mige nam ɗawn ma kaŋ gawi. Sa ma yalla naŋ ma dum kiramu, nam ma minaŋu may.

SA LEVITNA 19:17

Nigi ma ka gaw hiɗi sugolgina hay dikgi noŋɗi, nigi ma hin sugolgin bay dum kiramɗi, may nigi tun sulukŋa vi sa hen kigiɗi.

MATEWUS 18:21

Hay na'ta Peter tuɗ talamu dumu: Bum-Sumuna, nan ma vul gida mi ɓasunna sem gaage la nam li suluk katanu? Co ta-ta sem siɗiya su? Yesu dumu:

LUKAS 21:34

Ligi ŋal mi tuwgiya, kay dikgi ma muɗ neke kay haramna vi slena hiɗi dolaynaɗi, kuɗ vaara kay slena vi nagatɗi kaw, kay a buur namna ma co kigi tukumu,

EFESENA 5:15

Nigi ma li ŋal hay poyta vigiya, nigi ma poy ki sum sa ɦoyayna nalaɗi, may nigi ma poy ki sa yalla nala;

GATTA-SEM-MA'TA 4:15

Kay hay buur ma Ma-Vatɗin law hiɗi nigi hay hiɗiyn hay Horeb kayni, irgi may wi saɗi, nala ligi ŋali hiɗi ciwta vigiya,

GATTA-SEM-MA'TA 4:23

Ŋomgi tuwgi ŋaa'a, kay bonota ta Ma-Vatɗina Lawna vigi juna' hiɗi nigita yigi ma joka'ɗi, kay nigi ma kot sle ma ceɗaynɗi, kay nigi ma ceɗ va mara ma sli tuw va maraɗi kaw, ki Ma-Vatɗina Lawna vigiya di tigi nala.

GATTA-SEM-MA'TA 4:9

May suw pet kayni, ligi ŋal hiɗi tuwgiya, lakgi jigere kay ŋom ciwta vigiya, hay buura irita vigi kaf, kay sle ma irgi wumna kayni yigi ma jokomɗi, kay jaram ma ja goy hiɗi nigiɗi, nigi ma ɗekem kir gurona vigiya hiɗi gurona vi gurona vigiya.

HEBRENA 12:15

Ɗuwgi tuwgi ŋaa'a, kay sa ma hin slugota vi Lawna goyɗi, kay sutayna ma galakŋa ma day kulo'o kay li va ma joo'o ta-ta sumun ŋolo ma muɗ liwis kuɗumɗi.

YAKUB 5:19

Ɓosiyonna, la sa jargiya cal goy gine hiɗi gasita, la sa hena hotomiyawa,

2 YOHANA 1:8

Ŋomgi tuwgi ŋaa'a kay vuɗna vi lopna vuma'a ma ba goyɗi, may kay nigi ma fi wurakŋa hay liyam kafe.