Wulin kayni, yigi sa jobta vi Baal ay katan kafe, sa sunda valamu hiɗi muliyan-sa-ɗifinna valam kafe, mara kep kaw ma hinay goyɗi, kay nan min li ɗifin ma ŋolo tam Baal, la sa hiniyawa goyo, nam ma mus iri loɗi. Yehu la' kayn ti yalda, kay nam min ci sa sunda vi Baal goy kafe.
Ma-Vatɗina, suɗan goy hay ɓam sum sa hay nagat tanna hiɗi ɓaŋu, sum sa galla visi hay irita ta hay nagat tanta, sa naŋ hobsi haysi hiɗi slena vaŋu, gurona visi ka hobiya, slena visi nisi hinim bugolsiya kay gurosgurayna visiya.
Tuɗaygiya, laygi law ma yal tisiya; nay ma hinsi biya ŋol nalaɗi, kay hay li ma duur coowana, nisi ɗawn ma gi dirsi kuɗ sa gawta, nisi ɗawn ma duraya, bugolda nisi ma kal goy hay nagata vaya.
La san law joo'o tam goora vi sana, nam ma fi gida kay kayni. May la san law joo'o kay Ŋusta-Peldetta, nam ma fi gida hay liyn ma nay ka hayam wulinnaɗi, nam ma fi gida hay liyn ma vokŋaɗi kaw.
Sa ma ŋom sle ma kiɗay ɦawan hay liyamu, sle ma ŋulona nam as ŋomom hay liyam kaw, sa ma ŋom sle ma kiɗayn hay bay-ɗigerta, sle ma ŋulon nam ma ŋomom hay bay-ɗigerta kaw.
May nigiya, nigi mi jaf ma vilekay-goyna, muliyan-sa-ɗifinna, jaf-sum sa peldetna, sum sa gusina, kay nigi ma di goyo kay ŋaata vi nam ma yigi ay hay jufunda pa, tam haraŋa valam ma jifiy ŋolla.
Hiɗi kayni san fi poŋ ir gurona vi Lawna hiɗi gurona vi Matna goy haraŋi. Gigekaw ma li ɗigertaɗi, nam may vi Lawnɗi, sa ma min ɓasulumɗina nam ki kayn nala kaw.