LUKAS 15:10 - BIBALDA TA PELDETTA

¹⁰ Nan digiya: firita ka jar sa sunda-wuralawna nala kaw kay sa ma sulukŋa kep ma hamna.

LUKAS 15:10 Iomraidhean Croise

EZEKIYEL 18:23

Nan Bum-sumuna Ma-Vatɗina, nan mina' jew kayn ti mitta vi sana ma joona su? Nan min kayn ala nam ma cal goy hay hagata valamu mus iriya ɗisu? Din mi Bum-Sumuna Ma-Vatɗina.

EZEKIYEL 18:32

Kay nan min ala sa mit goyoɗi, hamgiya, nala nigi ma lak iriya. Din mi Bum-Sumuna Ma-Vatɗina.

EZEKIYEL 33:11

Yo! Naŋ ma disi ala: Nan ka iriya! Din mi Bum-Sumuna, Ma-Vatɗina. Minda van kayn ala sa ma joon ma mitaɗi, nan min kayn ala nam muɗ varta valamu mus iriya kaw. Hotgiyaya, hotgiyay bugolgi tam hagata vigi ta joota. Jafna vi Israyel, nigi mitis goy nala ɗawn kay mige?

MATEWUS 10:32

Kay na'ta la san di goy kanu vok sumuna, nan ma di goy kalamu vok bunu ma hay wuralawna;

MATEWUS 18:10

Nigi ma li ŋali kay guron lakŋi, nigi ma ɗuw mara jarsi kep birek-cekɗi, kay nan digi ala sunda-wuralawna visiya hay mulda-wuralawna ka ɗuw ir bunu ma hay wuralawna dok-doko.

MATEWUS 18:14

Nala kaw bugi ma hay wuralawna min ala gurosgurayn lakŋi kep kaw ma ba goy kuɗsiɗi.

LUKAS 12:8

Nan digiya: Sa ma di goy kanu vok sumuna, goora vi sana ma di goy kalamu vok sa sunda vi Lawna;

LUKAS 12:9

may sa ma puw vunamawa kanu vok sumuna, nan ma puw vunan kalamu vok sa sunda vi Lawna kaw.

LUKAS 13:5

A'a, nan digiya, la nigi hamgiɗi, nigi kaf ma ba goyo.

LUKAS 15:11

Nam di lo ala: San kepe gurona valam ka ma':

LUKAS 15:7

Nan digiya: Nala kaw firita ma li hay wuralawna kay sa ma sulukŋa kepe ma hama, suw kay sum sa dok-zleeŋe yam zleeŋe sa hamɗina.

LUKAS 15:9

Hay li ma na' fa'awa, na' yi boniyo' sa boyna hiɗi nuriyo'na sa ziyna disi ala: Firigi hiɗi nanu, kay gurju drakma ta ba goy kanta nan fa'awa.

LUKAS 7:47

Kay na'ta nan daŋu, sulukŋa va' ma ŋolla na' fi gidawa kalamu, kay na' li minda ŋolo. May sa ma vulum gida kay sulukŋa valam ir kiɗaya, min kiɗaya kaw.

LOPNA 11:18

Hay li ma nisi hum kayni, diksi tun gaa'a, nisi subur Lawna di'e: Lawna vul hagatawa kaw mi sa waana, a nisi ma hama kay nisi ma fi su'da.

LOPNA 5:19

May hay henjeta, sunda vi Bum-Sumuna kep mal vun daŋgayn goyo, nam cuksi goyo jiya disi ala:

2 KORINTENA 7:10

Kay na'ta, yorta ta kuɗ Lawna vuɗ hamda, ta nar tam su'da, su'da ta san as yor tuwam ka'ɗita, may yorta vi nagat vuɗ mitta.

FILEMON 1:15

Kla, kay jaram ɓuraway goy hiɗi naŋ kayni ir liyn neeɗa, a naŋ ma fumu hay vatɗita,

HEBRENA 1:14

Nisi kaf say si ŋusiyana sa sunda vi Lawna sa cuki goyo kay li sunda kay sa as fi su'da hay vocota ɗisu?