LUKAS 12:4 - BIBALDA TA PELDETTA

⁴ Nan digiya nigi boniyonna, nisi sa ci tuwn goyo, may bugolda li va mara'a suw kaynɗina, nigi ma li nar kisiɗi.

LUKAS 12:4 Iomraidhean Croise

LAW MA NIR-NIRAMNA 29:25

Narta vok sumuna gan jawta, may nam ma vi hay Ma-Vatɗina ka ŋomiya.

NUL MA SUW NULLA 5:1

Nan kalay hay jardeŋŋa vanu, ɓasunta, bananta; nan ja hum miir hiɗi aromatna vanu, nan ti yumda vanu hiɗi soora va'a, nan ci vinna vanu hiɗi miira vanu. Tigiya, boniyonna, cigiya, ɦoygi hiɗi darta.

NUL MA SUW NULLA 5:16

Vunamu lumaɗ ŋolo, tuwam noŋ kaf san as daramu. Dukanna nam ki kayn nala, bananna nam ki kayn nala, guro-boyna vi Yerusalem.

ESAYA 41:8

May nigi sa Israyella, sa sunda vanu, jafna vi Yakub sa nan vilekgiya, jafna vi Abraham, bananna,

YEREMIYAS 1:17

May naŋu, junaŋ furaŋu, fokaŋ kulo'o, slen kaf ma nan daŋu naŋ ma dum tisiya. Tuwaŋ ma li nar kisiɗi, kay a nan ma muɗaŋ nar voksiɗi.

YEREMIYAS 1:8

Naŋ ma li nar kisiɗi, kay nan ka hiɗi naŋu kay butaŋ goyo, din mi Ma-Vatɗina.

YEREMIYAS 41:18

gine hiɗi sa Kaldeena sa nisi ka li nar kisiya, kay mige Ismayel goora vi Netaniya ci Gedaliya goora vi Ahikam goyo, kay tun Gedaliya guverner hay kayni mi mulla vi Babilon.

EZEKIYEL 2:6

Naŋu, goora vi sana, naŋ ma li nar kisiɗi, li nar kay ɓakŋa visiɗi, kay sum nisin kayni si zigiy-olla hiɗi gu-zigiyna, naŋ ma mus ɗawni gaa kay ɦurduwna; naŋ ma li nari kay ɓakŋa visiɗi, naŋ ma muɗ ɦuyum' kay voksiɗi kaw, kay nisi kayni si jaf-sum sa ŋel gatta.

MATEWUS 10:28

Sum sa ci tuwn goyo may ci ciwt goyɗina nigi ma li nar kisiɗi, may ligi nari kay nam ma as ci ciwt goyo, ci tuwn goyo kaw, cukum goy hay kuta tewɗita.

YOHANA 15:13

Minda ta ŋol suw minda ta san vul irita valam goy kay ɓosiyomna kayni tayɗi.

LOPNA 20:24

May nan di law irita vanu ki na' mi va ma ŋaa'a kanu naɗi, say nan hob vun jaŋŋa van kulo'o hiɗi firita, kay lopna ma nan fumay tam Bum-Sumuna Yesu, kayni ala: Li di-goyta kay labara ma firina vi slugota vi Lawna.

LOPNA 4:13

Hay li ma nisi wi kursulita vi Peter hiɗi Yohana, nisi muɗi ɦuyum', kay humsi ka gisi lo ala sumun lakŋi, nisi ka hay vokŋa vi sum sa bay-hatta. May nisi wi goy haraŋ ala sumuna lakŋi ay hiɗi Yesu.

FILIPINA 1:28

Muɗgi nar kay sa gawt kigina hay va ne' noŋɗi, kay kayni mi wakka kisiya kay ba-goyta, may kigi nigiya nam mi su'da,

YAKUB 2:23

Nala vun-ɗota zawn ma hoba, na' ta di ala: Abraham vi kuɗ Lawna, kayn ŋaɓay kalamu ki ɗigerta nala. Nisi yum ala bana Lawna kaw.

1 PETER 3:14

May la nigi fi lasta kuɗ ɗigerta, sle'ta ka kigiya. Ligi nar kay sumunɗi, horgiɗi kaw.

WID-ŊAYAYTA 2:10

Naŋ ma li nari kay lasta ta naŋ ma ca'ta ɗawnɗi, humaŋu, Matna ma cuk segen jargiya hay daŋgayna, kay nigi ma li waki-wak, nigi ma ci lasta ir buur doogo. Musaŋ jigere ta-ta hay mitta, nan min vulaŋ bogorayna vi irita.