LUKAS 12:21 - BIBALDA TA PELDETTA

²¹ Nala kaw sa ma tok slen kulo'o hay Lawnɗi, may kay min li faray kay tuwam ma ɗeŋŋa ni, nam ki kayn nala.

LUKAS 12:21 Iomraidhean Croise

YAKUB 2:5

Humgi tige, ɓosiyon sa hayan kigina, Lawna vilek sum sa hawnawa hay nagat tani, kay nisi ma muɗ faraya hay vida, kay yaw mulda ta nam deŋa' tam nisi sa minimna kawɗi su?

LUKAS 12:33

Gusgi slena vigi goyo, vulum mi sum sa hawna, duɓgi birim ma tiyof goyɗina, kotgi timgil ma ɓulakɗina hay wuralawna, hay liyn ma kulla co hayamɗi, fotna fi comɗi kaw.

WID-ŊAYAYTA 2:9

Nan wi lasta ta naŋ ca'ta, hiɗi hawta vaŋ kaw -- may naŋ mi sa ma faraya -- hiɗi ŋulda vi nisi sa di ala nisi sum sa Yudiyana, may nisi si Yudiyaɗi, may sinagogayna vi Satan.

HABAKUK 2:9

Joot kay sa ma gar faray ma bay-ɗigera kay ziyna valamu, sa ma min in ziyna valam kulo hay liyn ma ginena, ala va ma joo ma fumɗi.

HOSEYA 10:1

Sa Israyella ay jew kayn ki gulda-guldan ma liy ŋol nala. Vuɗna visi ay ŋolo. Hay li ma vuɗna visi jor vokom kayni, liyn ma li ɗifinna visi ŋol suwa; hay li ma nagata visi ka muɗ faraya, slen ma girif Lawayna nisi inim ŋol suwa.

ROMENA 2:5

May hiɗi so'otta hiɗi bay-hamda vi dikaŋu, naŋ ka tok kitat kaŋu kay buur ma ɦiyda hiɗi buur ma Lawna ɗek kitata valam ta ɗigerta goyo.

LUKAS 16:11

Kay na'ta la nigi ŋom sle ma bay-gasin hay liyamɗi, sa ma as vulgi sle ma gasin hay ɓigi ɗawni mi gige?

LUKAS 6:24

May joot kigiya, nigi sa farayna, kay teŋ-irta vigi vatawa gaa tani.

2 KORINTENA 6:10

ki hay yorta nala, may numa ka firi dok-doko, ki sum sa hawna nala, may numa muɗ sumun ŋolo goy faraya, ki sa va may hay ɓisiɗi nala, may slen ka hay ɓuma kafe.

LAW MA NIR-NIRAMNA 13:7

Sa hena li tuwam ki nam faraya nala, may va valam mayɗi, sa hena li tuwam hawi, may nam ka hiɗi slena.

1 TIMOTEWUS 6:9

May nisi sa min muɗ faraya, nisi nig gaa hay nemda hiɗi jawta hiɗi darta joota ŋolo, hiɗi sle ma gunina mara'a mara'a, ma sir sumuna gaa hay ba-goyta hiɗi ɓulak-goyta.