LUKAS 11:41 - BIBALDA TA PELDETTA

⁴¹ May vulgit ti vulda minda ta may goy haygi kalaf pata, nala slen pet ma muɗ goy bay-gese kigiya.

LUKAS 11:41 Iomraidhean Croise

NULLA 112:9

Nam was slena, nam vul mi sa hawna, ɗigerta valamu ka ta-ta hay vatɗita. Miyokŋa valamu ma wulis kulo'o hiɗi gajijita.

NULLA 41:1

Tam ma ŋolla vi sa gi nulla. Vi David.

LAW MA NIR-NIRAMNA 14:31

Sa ma las sa ma hawna ŋul sa ma kotomna, may sa ma lisi slugota subur sa ma kotsina.

LAW MA NIR-NIRAMNA 16:6

Por jiw-zlata hiɗi ŋaata ŋolda, hiɗi gasita kaw, hiɗi narta kuɗ Ma-Vatɗina san as cal goy hiɗi joota.

LAW MA NIR-NIRAMNA 19:17

Sa ma wi haw sa ma maŋayna ni bal mi Lawna, nala Lawn ma hotom ŋaa na'ta.

DANIEL 4:27

Mulla sli ditiya di'e: Tan kayni mi Babilon ma ŋolla ma nan inimu kay tun ziyn ma mulda haya, nan inimu hiɗi gaŋeraŋa vi donota vanu, kay suburta vi gajijita vanu ɗisu?

MATEWUS 26:11

Kay sa hawna ka hiɗi nigi dok-doko, may nan may hiɗi nigi dok-dokɗi.

MATEWUS 5:42

La san siɗawaŋ kay va'a, naŋ vulumta, la san min ni bal kaŋu, naŋ ma muɗ bugolaŋ talamɗi may.

MARKUS 7:19

Kay nam kal hay dikamɗi, may hay ruwatam ɦawa, capis goy hay liy ma gal tuɗoŋo. Nam di ala sle ma tin kaf nam bay-liwisi.

LUKAS 12:33

Gusgi slena vigi goyo, vulum mi sum sa hawna, duɓgi birim ma tiyof goyɗina, kotgi timgil ma ɓulakɗina hay wuralawna, hay liyn ma kulla co hayamɗi, fotna fi comɗi kaw.

LUKAS 16:9

May nan digiya: Vigi bono hiɗi faray ma bay-ɗigera, kay hay li ma nigi hinawa goy hawi, nam ma tapgi kuɗumu hay ziy ma vatɗina.

LUKAS 18:22

Hay li ma Yesu hum kayni, nam dumu: Va mara hini kep bay li kaŋ tuwa: Tuɗaŋu, gusaŋ slena vaŋ goy kafe, ɓurawam goy mi sa hawna, naŋ ma fi farayna hay wuralawna, naŋaya tapaŋ kuɗanu.

LUKAS 19:8

May Sakewus col vok Bum-Sumuna, nam dumu: Humaŋu Bum-Sumuna, gal farayna vanu nan vulum mi sa hawna, la nan yaw gurjut kay sa hiɗi dono'o, nan hot wurakamti sem fiɗi suwa.

LOPNA 10:15

Hay semda ma'ta del ka di talam lo ala: Va ma Lawna muɗum goy ŋaa'a cet-cet' naŋ as ɗuwum ki nam liwisi nala loɗi.

LOPNA 11:29

Sa hatayna ŋra vunsiya, gigekaw kuɗ asta valamu valamu, kay vul slena tam ɓosiyosina sa hay Yudiya.

LOPNA 24:17

Bugol busata kalay ŋol kalay, nan ma'a kay li vulda tam sa hay jafna vanu, kay mar vulda kaw tam Lawna.

2 KORINTENA 8:12

La minda kay li vulda ka'a, na' ŋaa'a hay li ma slen ka'a, may na' may ŋaaɗi hay li ma slen mayɗi.

EFESENA 4:28

Sa ma kul jewe, nam ma kul loɗi, may ŋaat kayni nam ma li lop hiɗi ɓalam ŋaa'a, kay nam ma fi va'a kay vul mi sa ma va valam mayɗina.

TITUS 1:15

Slen pet ka peldete kay nisi sa peldetna. May sa liwisna hiɗi sa bay-vina va ma peldete may kisi noŋ ne'ɗi. May varta visiya hiɗi tap-wida visi ka liwisi.

HEBRENA 13:16

May, lita ŋaata hiɗi vulda vi slen tam sumuna yigi ma jokomɗi kaw; kay ɗifinna ma kir sa ŋaana kayni mi slen ma ki kayn nala.

HEBRENA 6:10

Kay Lawna may bay ɗigertaɗi; lopna vigiya, minda vigiya ta nigi ɗeka' goy kay semda valam hay lopna ma nigi lumu, ma nigi ka lum lo tam sa peldetna kaw, yalam as jok kaynɗi.

YAKUB 1:27

Vida gasita bay gese vok Lawna Bumna kayn ala: Sar guro sa kuyuna hiɗi boy sa duhulla hay lasta visiya, ŋom tuwaŋu kay liwisna vi nagata kaw.