LUKAS 11:2 - BIBALDA TA PELDETTA

² Nam disiya: Hay li ma nigi siɗawa, nigi ma di ala: Buma'a hay wuralawna, Hin semda vaŋu li goy peldete, Hin mulda vaŋu ma'a.

LUKAS 11:2 Iomraidhean Croise

1 MULIYANA 8:43

Humaŋ siɗawta visi ay hay wuralawn pa, hay liyn ma musta vaŋu, sa ma pul namna naŋ ma vulum sle ma nam jobaŋ kalamna kaf, kay sum sa hay nagat kaf ma wi semda vaŋu, li nar kaŋu kaw, ki sumuna vaŋ sa Israyella nala, kay nisi ma wi ala semda vaŋu ka yiya hay ziyd na'ta ta nan ina'ta zawni.

2 MULIYANA 19:19

Wulin kayni, Ma-Vatɗina, Lawna vuma'a, butma goy hay ɓam Sankerib butge! A muliyana vi nagat kaf ma wi ala Lawn mi naŋ kepe, Ma-Vatɗina.

2 LABAR-MA-LIYNA 20:6

Nam di'e: Ma-Vatɗina, Lawna vi sumayma'a, naŋu may mi Lawn ma hay wuralawnɗi su? Naŋu mi ma ka ti mulda kay muliyana hay nagat kafɗi su? Donota hiɗi gaŋeraŋa ka kayni hay ɓaŋ naŋɗi su? Sa ma as duraŋ naŋ mayɗi!

NULLA 103:20

Suburgi Ma-Vatɗina, nigi sa sunda-wuralawna valamu, nigi sa gaŋeraŋ ŋolla sa hob vun dita valamu, hay li ma nigi hum kuɗ del yoboyna valamu.

NULLA 108:5

Kay ŋaata vaŋu ka kulo'o kay dukalawna, gasita vaŋu ka ta-ta tam ɗugulla kaw.

NULLA 11:4

Ma-Vatɗina ka hay Tempella valamu ma peldetna, zlamda-mulda vi Ma-Vatɗina ka hay wuralawna, iram ka ɗuwa, goŋ-iramu ka fek sum-wurana.

NULLA 57:11

Kay ŋaata vaŋu ka ŋolo, ta-ta co tam liyn ma kulona, gasita vaŋu co ta-ta tam ɗugulla kaw.

SA MA KUSTA 5:2

Kay duwayta as daŋ kayni hay li ma varta hobawa hay dikaŋu, nala del sa ma ɦay-ɦayna nay as humum kayni hay dita ma dak-dakŋa.

ESAYA 63:16

Buma'a kayni mi naŋu, buma'a Abraham may wuma' noŋɗi, Israyel kaw numa may kiram noŋɗi. May naŋu, Ma-Vatɗina, naŋ mi buma'a, naŋu mi ma hay vatɗita pa yaŋ ala ma butma goyna.

EZEKIYEL 36:23

Semda van ta ŋolda ta nigi muɗa' goy waa'a jar jaf-sumunta, nan ma muɗa' goy peldete, semda na'ta ta nigi muɗa' goy waa'a jar jaf-sumuna, nala jaf-sumun ma wi ala nanu mi Ma-Vatɗina, hay li ma nigi ma muɗ semda van goy peldete vok irsiya. Din mi Bum-Sumuna Ma-Vatɗina.

DANIEL 2:28

may Lawna mara ka kep hay wuralawna ma ɗek caw ŋayayta goyo, namu ma as ɗek kiraŋ naŋu mulla Nebukadnesar slen ma min li'e hay buur ma vokŋa. Kayni ti duwayta ta daŋu hiɗi va ma vul tuwam kiraŋu, hay li ma naŋ ka buri gaa kay va ma buura vaŋu:

DANIEL 2:44

Hay liyna vi muliyan nisina, Lawn ma wuralawna ma day yam mul tara kulo kepe, mul na'ta ma ɓulak goy noŋɗi, mulda na'ta jaf-sum sara ma kol ka'ɗi, mul hen lakŋi na' ma gurum goyo, tom goy kafe, mul na'ta ma mus ta-ta hay vatɗita.

DANIEL 7:18

may sa peldetna vi ma Kulo-Jamna ma fi mulda, nisi ma ŋom mulda ta-ta hay vatɗita, hay busat voko voko.

DANIEL 7:27

Mulda hiɗi kolda, ŋolda hay nagata gaa kuɗ dukalawna kaf ma vulis hay ɓam sum sa peldetna vi ma Kulo-Jamna. Mulda valamu ti mulda vatɗita, sum sa koli kay sumun kaf ma sunumu, hum kuɗumu kaw.

HOSEYA 14:2

Nigi sa Israyella, hotgiyay tam Ma-Vatɗina Lawna vigiya. Kay cukgi gaa kayn ti jiw-zlata vigiya.

SA LEVITNA 10:3

Musus di tam Aaron: Ma-Vatɗina di goy tigi kayn ala: Nam min ala sum sa min co goboy talamu ma sli yam peldetta valam kulo'o, nala nam ma fi suburta vok ir sumun kafe. Aaron min di vaɗi.

SA LEVITNA 22:23

Nigi as li ɗifin ma kuɗ minda hiɗi putna lebo goor ɦu-dimina ma batam fiyoko lebo giɗeŋe, may nam may ŋaa'a kay hob vun va ma nigi yum kiginɗi.

HABAKUK 2:14

Kay nagata ya' ma hoba hiɗi sum sa wi gajijita vi Ma-Vatɗina, ki niyn ɗub yam nagat nala.

MATEWUS 10:32

Kay na'ta la san di goy kanu vok sumuna, nan ma di goy kalamu vok bunu ma hay wuralawna;

MATEWUS 3:2

Nam di'e: Hamgiya, kay mulda-wuralawna maawa goboyo.

MATEWUS 5:16

Nala nigi kaw hingi haraŋa vigi wile goy vok sumuna, kay nisi ma wi lopna vigiya ma ŋaana, subur bugiya ma hay wuralawna kaw.

LUKAS 11:1

Yesu kal goy hay liyn mara'a fat tara kepe kay siɗawa. Hay li ma nam vat siɗawta, kep jar sa hatayna valamu ka dum ala: Bum-sumuna, naŋ hatma siɗawta ki Yohana hat sa hatayna valamu nala.

ROMENA 1:7

Tam nisi sa Lawna dikam tiy kisina kaf, sa yiy goyo kay muɗ peldete, sa hay Rom, hin slugota hiɗi toyta vi Lawna Buya hiɗi Bum-Sumuna vaya Yesu Kristu vulis tigi vulge.

ROMENA 8:15

Kay nigi fi Ŋusta gorvotaɗi, nala nigi ma li nar loɗi, may nigi fi Ŋusta vi goora ma vuɗina, hiɗi na'a nay siwel ala: Baba bunu.

1 KORINTENA 1:3

Slugota hiɗi toyta vi Lawna Buya hiɗi Bum-Sumuna Yesu Kristu ma vulis tigi vulge.

2 KORINTENA 1:2

Slugota tigiya, hiɗi toyta vi Lawna, Buya, hiɗi Bum-Sumuna vaya Yesu Kristu.

GALATENA 1:4

nam ma vul tuwamawa goyo kay sulukŋa vaya, kay suɗay goy hay liy ma joona ma nay ka hayam wulini, kuɗ minda vi Lawna vaya, buya,

EFESENA 1:2

Lawna buya hiɗi Bum-Sumuna vaya vulgi slugota hiɗi sle'ta tage.

FILIPINA 1:2

Lawna buya hiɗi bum Bum-Sumuna Yesu Kristu vulgi slugota hiɗi toyta tage.

FILIPINA 4:20

Gajijita tam Lawna buya hay vatɗita hay vatɗita. Amen!

KOLOSENA 1:2

tam ɓosiyayn sa peldetna sa viyna hay Kristu sa ka hay Koloseya, slugota tigiya hiɗi toyta vi Lawna Buy pa.

1 TESALONIKŊA 1:1

Paulus, Silvanus hiɗi Timotewus, tam sa viyna sa hay Tesalonika, sa ka hay Lawna bumna hiɗi Yesu Kristu Bum-Sumuna: Slugota hiɗi toyta ma vulis tigiya.

1 TESALONIKŊA 1:3

Humma ka guma dok-dok vok Lawna buma'a, kay lopna vi vida vigiya, lopna vi minda vigiya hiɗi vida donota vi cubta-sle'ta vigiya hay Bum-Sumuna vaya Yesu Kristu.

2 TESALONIKŊA 2:16

Bum-Sumuna vaya Yesu Kristu kay tuwamu, hiɗi Lawna Buya, nam ma minayawa, ma vulay teŋ-irta ta vatɗita hiɗi cubta-sle'ta ŋaata kuɗ slugota valamu,

WID-ŊAYAYTA 11:15

Sunda-wuralawna ma siɗiyana buw togolomna. Del ma dono'o ka di goy wuralawn pa ala: Mulda vi nagata vuli mi Bum-Sumuna vaya hiɗi Kristuna valamu. Nisi ma ti mulda ta-ta hay vatɗita vatɗita.

WID-ŊAYAYTA 15:4

Bum-Sumuna, sa ma as kay li nar kay semda vaŋɗin mi gige? Sa ma as subur semda vaŋɗin mi gige? kay naŋ kepe peldete, jaf-sumuna kaf ma ma'a kay girif gaa vokaŋu, kay mige ɗigerta vaŋu ɗek tuwa'awa goyo.

WID-ŊAYAYTA 19:6

Nan hum della ki della vi tok ma ŋolla hiɗi della vi niy-lum ma ŋolla, ki hiɗi della vi niy-ma-bayna nala kaw, ka di ala halleluya! Kay Lawna Bum-sumuna ma Gaŋeraŋ-Petna tun mulda valamawa.

WID-ŊAYAYTA 20:4

Nan wi zlamayn-mulda. Sum sa lakay kalamna donota vuli tisiya kay ka kitata. Nan wi ciwta vi sum sa sumun kaasi yisi goyo kuɗ di-goyta kay Yesu, kuɗ yoboyna vi Lawna kaw, hiɗi nisi sa bay girif gaa vok muura hiɗi va ma sli tuw muura, sa bay fi tumda vi nimerona hay voksiya hiɗi ɓisiya kaw, wulini sum nisin muɗi iriya, nisi ti mulda hiɗi Kristu ir busat birim kep.