LUKAS 11:13 - BIBALDA TA PELDETTA

¹³ Kay na'ta nigi sa joon kaw, la nigi wi kay vul sle ma ŋaan mi gurona vigiya, nala bugi ma hay wuralawna ma vul Ŋusta-Peldetta mi nisi sa siɗawamu kaw.

LUKAS 11:13 Iomraidhean Croise

MATEWUS 7:11

Kay na'ta la nigi sa joon kaw wi yal kay vul sle ma ŋaana mi gurona vigiya, nala kaw bugi ma hay wuralawna ma vul sle ma ŋaana mi nisi sa siɗawamna suwa sem gaage?

YOHANA 4:10

Yesu hota' dita: Lali nak wi vulda vi Lawna, lali nak wi sa ma dag ala vulan niy ma ci'en zawni, Jobom kay niy ma cin ɗawn ti nak kay tuwagu, nala nam ɗawn ma vulag niy ma irina.

ROMENA 8:32

Namu ma ŋay Goora valam goy kayɗi, may vulum goyo kay kafe, nala nam min vulay slen kaf kuɗumɗi su?

LAW MA NIR-NIRAMNA 1:23

Muɗgi irgi aya kay hum bayta vanu, Humgiya, nan ma yam ŋusta van goy kigiya, nan ma ɗekgi kay yoboyna vanu.

LOPNA 2:38

Peter disiya: Hamgiya, gigekaw jargiya ma fi baptisma hay semda vi Yesu Kristu, kay gida vi sulukŋa vigiya; nala nigi ma fi vulda vi Ŋusta-Peldetta.

EZEKIYEL 36:27

Nan ma tun ŋusta van hay dikgiya, nan ma li a nigi tap kuɗ ɗota-gatta vanu, a nigi ma li kuɗ dita vanu, ŋoma'a kaw.

ESAYA 49:15

Cata ya' as jok goor ma ci miir diga'na su? Na' may wi haw goor ma diga'naɗi su? La ya' jokom kaw, nan hayɗin yan as jokagɗi.

MATEWUS 6:14

Kay la nigi vul gida mi sumuna kay sulukŋa visiya, bugiya ma hay wuralawna ma vulgi gida kaw,

MATEWUS 6:32

Kay slen kayni garam si sum sa waana, may bugi ma hay wuralawna wi ala nigi minimu.

LUKAS 11:2

Nam disiya: Hay li ma nigi siɗawa, nigi ma di ala: Buma'a hay wuralawna, Hin semda vaŋu li goy peldete, Hin mulda vaŋu ma'a.

MATEWUS 6:30

May la Lawna cuk sligara nala tam us ma hay sinena ma vaydi colay zawni kay gum goy hay kut jifini, nam ma cuk sligar tigi nigi suwɗi su? Nigi sa vida vigi kiɗayna!

MATEWUS 5:45

Kay nigi ma muɗ goy gurona vi bugiya ma hay wuralawna. Kay nam hin fatta valamu day kulo'o kay sa joona hiɗi sa ŋaana, nam hin niyn si gaa kay sa ɗigera hiɗi sa bay-ɗigera,

MATEWUS 5:16

Nala nigi kaw hingi haraŋa vigi wile goy vok sumuna, kay nisi ma wi lopna vigiya ma ŋaana, subur bugiya ma hay wuralawna kaw.

NULLA 51:5

Kay nan wi raw-goyta vanu, sulukŋa vanu ka vok iran dok-doko kaw.

ROMENA 7:18

Kay nan wi ala va ma ŋaa'a may hayanɗi, kayn di ala hay sliwna vanu: Nan ka hiɗi minda kay li va ma ŋaa'a, may gaŋeraŋa van as kay kaynɗi.

ROMENA 5:17

Kay la kuɗ raw-goyta vi sa ma kepna, mitta li gaŋeraŋi, suw kayni ŋolo kaw, nisi sa fi slugotawa ŋolo hiɗi vulda vi ɗigerta, nisi ma li gaŋeraŋi kuɗ irita vi ma kepna Yesu Kristu kaw.

TITUS 3:3

Kay nay jewe ay si sum sa bay-yalla, ŋel vunu, viy goyo, muɗi gorvo vi niŋata hiɗi darta vi slen mara'a mara'a, lakay hay ɦiyda, hunaya, lakay hay gawta jar-tuwsiya kaw.

CAWA'TA TUNITA 8:21

Ma-Vatɗina his his ma fayna, nam ka di hayam kalaf ala: nagat wulin kayni nan min beɗa' goyo kuɗ san loɗi, kay san kayni, varta vi dikam joo'o hay goorta valam pa, sle ma irin kaf nan min vatam goyo ki nan li kayni nala loɗi.

LUKAS 11:12

Lebo la goora job sena, bulum as vulumti ti ɦurduwta su?

LUKAS 18:7

Nala kaw sa vilekay-goyna vi Lawna, sa siwel talamu hay falayta hiɗi henjeta dok-dokŋa, nam as gut kuɗsiɗi su? Lebo nam as vi yalam tisi su?