LUKAS 10:21 - BIBALDA TA PELDETTA

²¹ Hay li namna Yesu firi hay Ŋusta-Peldetta, nam di'e: Nan suburaŋu, Bunu, Bum-Sumuna vi wuralawna hiɗi nagata, nan suburaŋu kay mige slen kayni naŋ ŋayamawa kir sa yalla hiɗi sa wid ka kisina. Nan suburaŋu kay mige naŋ patam diramawa goyo kir gurosgurayna. Awa Bunu, kay kayni ti varta vaŋ ta ŋaata.

LUKAS 10:21 Iomraidhean Croise

NULLA 24:1

Nulla vi David. Nagata kayni vi Ma-Vatɗina, sle ma haya'na pet kaw; nagata hiɗi nisi sa lak haya'na pet kaw.

NULLA 25:14

Ma-Vatɗina li bono'o hiɗi nisi sa li nar kuɗumu, nam min ɗeksi kay bonota valamu kaw.

NULLA 8:2

Ma-Vatɗina, naŋ Bum-Sumuna vuma'a, semda vaŋu tiy ŋolo gaa kay nagata kafe, naŋ kot gajijita vaŋu kulo'o hay dukalawna.

ESAYA 29:14

Kuɗ kayni, fuma tuwma'awa, nan min muɗ sum nisin ɦuyum' hiɗi ɗekka, hiɗi ɗekka hiɗi sle ma ŋaana; sa yalla, yalda visi ma ba'a, sa yisi wina, wida visi ta kisit ma ŋay goyo.

ESAYA 35:8

hagat tara'a ma gi'e, haga heta ma gi'e kaw; nisi ma ya' ala hagat ta peldetta, sa ma liwisi as jik haya' noŋɗi; na' ma li visi nisi tuta, nisi sa jik haya' ɗawni, la si sum sa ɦay-ɦayn kaw nisi as viy goyɗi,

ESAYA 53:11

Bugol lasta vi ciwta valamu, irsi ma hoba hiɗi wida ta nisi ma fa' kuɗumu, sa ma sunda vanu ma ɗigera ma muɗ sumun ŋolo ɗigere, nam ma yaw jiw-zlata visi kalamu.

ESAYA 62:5

Ki sa ma joriyona muɗ goy juf goot-cata ta bay bur tam sa tuwa nala, gurona vag kaw ma muɗ ki jufiyag nala; ki cata darayta firi dik bana' ma dara'na nala, nak kaw ma firi dik Lawna vagu.

ESAYA 66:1

Ma-Vatɗina di'e: wuralawna mi zlamda-mulda vanu, nagata mi va ma nan tun sen kalamna. Nigi as inanti mi ziy mige? Liy ma nan tun suk hayna mi liy mige?

SOFONIYA 3:17

Ma-Vatɗina Lawna vigi ka jargiya, ki sa ma vul kolda mi sumuna valam nala. Dikam ma firi ŋolo kigiya, nam ma mus ŋal kiliŋ hay minda valamu. Dikam ma hob ŋolo hiɗi firita kigiya.

MATEWUS 16:17

Yesu hot dumu: Sle'ta ka kaŋu, Simon goora vi Yonas, wida kayni may vulaŋgi sliwna hiɗi busuwnaɗi, may vulaŋgi mi bunu ma hay wuralawna.

MATEWUS 21:16

Nisi dumu: Naŋ hum va ma nisi ka dumna su? Yesu disiya: Awa. Nam hot disiya: Yoboyn kayni nigi bay jaŋam tuwa noŋ su? Yoboy ma ala: naŋ tun suburtawa vun gurosgurayna, hiɗi guro sa dig sumaysina kay nisi ma suburaŋu.

MATEWUS 3:7

May hay li ma nam wi sa Farisena hiɗi sa Sadusena ŋolo ma talamu kay fi baptisma, nam di tisiya: Nigi jafna vi guyna, sa ma hatgi kay pir kay ɦiyda ta min maat ɗawni mi gige?

MARKUS 10:15

Nan digi gasita, sa ma vi mulda-wuralawna ki goorgoor naɗina, nam ma kal haya' noŋɗi.

LUKAS 15:5

Hay li ma nam fa'awa, nam wata'ay pelem hiɗi firita.

LUKAS 15:9

Hay li ma na' fa'awa, na' yi boniyo' sa boyna hiɗi nuriyo'na sa ziyna disi ala: Firigi hiɗi nanu, kay gurju drakma ta ba goy kanta nan fa'awa.

YOHANA 11:41

Wulini nisi poŋ hiɗiyn goyo. Yesu muɗ iram kulo'o di'e: Bunu, nan gaŋ deɓe kay naŋ humanawa.

2 KORINTENA 4:3

La labara ma firina vuma' ŋayaya, nam ŋayay kayni kir nisi sa ba-goyna;

EFESENA 1:11

Hay namu nay vilekay goyo kay lak goy ir valamu, ŋaɓay goy jewe kuɗ minda vi nam ma li slen kaf kuɗ minda valamu,

EFESENA 1:5

nam ŋaɓay goy jewe hay Yesu Kristu kay nam fi muɗay goy gurona valamu, hay Yesu Kristu kuɗ varta ŋaata valamu,