LUKAS 1:70 - BIBALDA TA PELDETTA

⁷⁰ Ki nam di hiɗi vun sa jobta valamu sa peldetna sa ay jew ɓa-ɓana nala.

LUKAS 1:70 Iomraidhean Croise

2 PETER 1:21

Kay yoboyn jobta-Lawna diy goy kayn may kuɗ minda vi saɗi, may sumun di dita vi Lawn goy kayni, zutsi ti Ŋusta-Peldetta.

ROMENA 1:2

ma Lawna dum jewe hiɗi vun sa jobta valamu hay ɗota-peldetta.

LOPNA 28:25

Hay li ma nisi tun caw mera hiɗi vunsi ɓuraway tak-tak, Paulus ka disi malam ɦawa ala: Slen ma Ŋusta-Peldetta dum tam sumaygiya kayni hay liyamu, hay li ma na' di'e hiɗi vun sa ma jobta-Lawna Esaya ala:

1 PETER 1:12

Dit ɗeki goy tisi ala, nisi di slen namna kayni may kisi nisi kay tuwsiɗi, may tigi nigiya, wulini labar namna diy tigiya hay vun nisi sa kus labar ma firin tigiya hiɗi Ŋusta-Peldetta, ta ga'ay kulo hay Wuralawn pa, Sunda-Wuralawn kaw gar a fek caw slen kayni.

LUKAS 24:44

Bugolda nam di tisiya: Kayni mi sle ma nan dum tigiya hay li ma nan ays hiɗi nigi tuwa; la nanige kaw sle ma ɗoy kanu hay gatta vi Musus, hay ɗerwelda vi sa jobta-Lawna hiɗi ɗerwelda Nulla kaw vunam ma hob goyo.

MARKUS 12:36

David kay tuwamu hay Ŋusta-Peldetta nam di ala: Bum-Sumuna di tam Bum-Sumuna vanu, Musaŋ gaa'a hay galan ta jufta, ta-ta nan ma cuk sa gawt kaŋŋa gaa kuɗ wur-seŋu.

YEREMIYAS 30:10

May nigiya, jafna vi Yakub, sa sunda vanu, ligi narɗi, Din mi Ma-Vatɗina, tuwgi wirgiɗi, nigi Israyella. Kay nan ma butgi goyo kay nagata gineta, nan ma but jafna vigi goyo hay ɓam nagata ta nigi ka haya' gorvota; jafna vi Yakub ma hotiya, nisi ma fi tun-sukka hiɗi lakka kiliŋga, sa as ɦiwirsi loɗi.

YEREMIYAS 23:5

Humgiya, buura ka ma'a, mi buura ma nan ma fok jaf ma ɗigera kulo hay jafna vi David; nam ma ti mulda, ma muɗ ŋol kaw, nam ma li ɗigerta hiɗi gasita hay nagata.

2 SAMUEL 23:2

Ŋusta vi Ma-Vatɗina law hiɗi delanu, yoboyna valamu ka hay vunanu kaw.

CAWA'TA TUNITA 49:10

Zugulda-mulda jara' as ja goy hiɗi Yuda loɗi, zugulda-mulda ka jakay gaa selem dok-doko, ta-ta hay li ma nam ma yum «Silo» ma co'o, ta-ta sumun ma hum gaa kuɗumu.

CAWA'TA TUNITA 12:3

Sum sa laŋ ŋaana, nan ma gisi bolo, Sum sa laŋ joona, nan ma beɗsi goyo. Jaf-sumun gaa hay nagat noŋ kaf fi ŋaat ɗawn kuɗaŋ naŋu.

CAWA'TA TUNITA 3:15

Nan min tun gawt jaraŋ hiɗi na'a, jar jafna vaŋu hiɗi jafna vi cata. Jafna va'a nam ma munaŋ yaŋ goyo, naŋ ma calam dubukamu may.

WID-ŊAYAYTA 19:10

Nan her gaa vok sunda-wuralawna kay girifimu, may nam danu: Tel tuwaŋu kay li van kayni. Nanu mi niraŋ ma lopna, nanu mi nir ɓosiyoŋŋa sa li di-goyt kay Yesuna kaw. Girifaŋgin mi Lawna. Kay di-goyta kay Yesu kayni mi Ŋusta vi dita vi vun jobta-Lawna.

HEBRENA 3:7

Kay na'ta, ki Ŋusta-Peldetta di nala: Vaydi la nigi ka humum delemu,

2 PETER 3:2

Kay humgi ma gigi kay yoboy ma sa jobta-Lawna sa peldetna dum jewe, hiɗi vun-ma-gatna vi Bum-Sumuna ma su'da ma sa Apostolayna vigi kusumna.