Vafilipi 2:6 - Kyaasa Kiiya

⁶ mashika we muni lllya kipooka mmbo ekee na ngata ya Iruva, lyo we nnyalelollya iva wa ngata ya Iruva nkindo kyeekutira nakyo-fo;

BIBILLYA Mareiyo Meele a Iruva

⁶ mashika we muni llya kipooka mmbo ekee na ngata ya Iruva, lyo we nnyalelollya iva wa ngata ya Iruva nkindo kyeekutira nakyo-fo;

Vafilipi 2:6 Iomraidhean Croise

Matayo 1:23

“Lla-te mwana wa kyeny akaa naire mwana wa womi, na irina lyakwe vammbaange ni ‘Emanueli’ (Kwaallwa kyaamba; Iruva asasangyi neese).”

Yohane 1:18

Nkwiifo nndu alellollya Iruva-fo. Ni Mwana yeto wa Ngitany, yeto akee ng'undeny ta Nde, mmbwe yeto aleloora Nde.”

Yohane 10:30

Neeny na Nde mmbo lukee vamwi.”

Yohane 10:33

Nalyo Vayuda vakamwaallwa, “Nshi kimaruma kya ishora isha lukunndye ikukapa na mawe-fo. Ni kimaruma kya kirumu kyafo kyeeruma Iruva, na elyi yewe kukee nndu-da kwatana kwakwaalwa Iruva kumuni.”

Yohane 10:38

Indi kwakooya mmbo shaatana, na kikava mulakusirye neeny shimuni, kusiryeny na mashora yoo-te, naambo mweende mwiimanyaa na iipuye Nde mmbo asasangyi neeny, neeny nsasangi na Nde.”

Yohane 14:28

Mmbo mwiitye shivuviaa shiifo nkweenngyaa mmbewuyaa na kwany. Kwee mweeshikunndye mmbo mweefuraa elyi shakweenngya kwa Nde. Mashika Nde akee nniini ngota yeny.

Yohane 14:9

Yesu kammbia, “Fyeeri efi fifye indo shankaa neeni, neewe kulandeshimanya Filipo? Yeto ashilollye yeny, mmbwe alollye Nde. A kyavaany inda elyi yewe kwaamba, ‘Lwoore Nde!’

Yohane 17:5

Na ulaalu woi Nde shing'anisaany efo kwafo kwashiniinga nng'anu ulya shetiri efo kwafo kulaore ulana lwammbikwa.

Yohane 20:28

Toma kaallwa kammbia, “Nndumi wakwa na Iruva wakwa!”

Yohane 5:18

Naasa nkyo kimaruma Vayuda vakaengera iruuya mwaanya weembwaa, nshi kimaruma kya iimmbwa Sabato-fo, ni elyi aamba Iruva ni ndeye muni kakwiinanisa na Iruva.

Yohane 5:23

Naambo woose vainndye Mwana shaasa vashiindyaa Nde. Yeto ara nalainndya Mwana mmbo ara nalainndya Nde alenruma.”

Varome 9:5

nawo mmbo vasaawoye veru, neefo kwawo mfo Kristo aleuka kwi ngata ya mwiili. Mmbwe yeto akee uwe ya findo fyoose, Iruva, akee mwiitikiswa llung'anu, Amen.

2 Vakorinto 4:4

yewo iruva lya ulana yelu lyilesingira makusaro awo, kimmba valairikye, na sa ya nrumi ya nsia ya Kristo yeto akee kyaaso kya Iruva ikara ilavafumya.

2 Vakorinto 8:9

Mashika mwammanya simbo ya Nndumi weeru Yesu Kristo, shaasa aleva nkiva kimaruma kyany, lla elyi we ekee isimba, naambo yeni mwaluwa masimba kyiimuukye efo ukiveny lwakwe.

1 Timoteo 1:17

Naasany ulaalu Mangyi yeto wa llung'anu, nalashidimaa ifwa, nta nalalolyoo mmiso, akee Iruva we muni, nawoni iindyo na nnduma mmbwakwe llung'anu na llung'anu. Amen.

1 Timoteo 3:16

Na kyama yekyo kya weele nkiniini. Iruva mmbo aleorwa paa kwi ngata ya mwiili na ngata yeyo ya mumuyo ikammanya mmbo akee nsumanu. Kalollyo mmbasu kavambiswa masangeny, kavikwa nsia kunu masangeny. Kavikwa uwe efo itumbeny.

Tito 2:13

lwiivereyaa na nsia ekyo kyeende mbora na yoorwa itumbe lya Kristo Yesu, Iruva mmbwe akee Mwiikira weeru;

Vaebrania 1:3

Kimmba we akee ngyesa ya usuri lwakwe na wende lwakwe, eshipoo fyoose na ivavaso lya wiidimi lwakwe, ekimaa ivika wiilyiso lwa ulyamari, mmbo alekaa rembo woko usha lwa Uniini lwakwe efo iruveeu;

Vaebrania 1:6

Na lyingyi-se, elyi aende mwana wakwe mbee ulaniny kaamba, “Vasu woose va Iruva vamfiirye ndi.”

Vaebrania 1:8

Kyaindi kya mbony ta mwana mmbo aamba, “Kitima kyafo kya itumbe, woi Iruva nkya llung'anu na llung'anu; na rungu ya umangyi lwafo ni ya usumanu.

Vaebrania 13:8

Yesu Kristo ni we yeto muni da aiyoo, ukwau na inu na fika llung'anu.

Usukuyony 21:6

Kashivia, “Kyammaa iva. Yeny ni Alfa na Omega. Mapookyony na mafurumyony. Yeto atirwa nnyura mmbo nshenningaa ishena mura yoo usokeny lwa muu ruu.