Yuda 1:7 - BIBILLYA Mareiyo Meele a Iruva

⁷ Kimwi sha Sodoma na Gomora na miri ilya ya minyanuny shaasa valeva veetuusa vakavaka yeva, velatyaa ngaa ya mwiili ilya ya kasha, vakavaka yeva, nawo mmbo valelyamarwa ni muro wa llunganu.

Kyaasa Kiiya

⁷ Kimwi sha Sodoma na Gomora na miri ilya ya minyanuny shaasa valeva veetuusa vakavaka yeva, velatyaa ngaa ya mwiili ilya ya kasha, vakavaka yeva, nawo mmbo valelyamarwa ni muro wa llunganu.

Yuda 1:7 Iomraidhean Croise

Mapookyony 13:13

Kyeendi vandu va Sodoma vekee varavi, vakatanya Nndumi Iruva ngyulyamari shiingyi nnu.

Mapookyony 18:20

Nndumi Iruva kaamba, “Kimmba kiiyo kya Sodomu na Gomora kyannanga, na ngyulyamari tawo tamfumbuka nnu.

Mapookyony 19:5

Vakavaanga Loti vakammbia, “Vandu valya vasha kwafo kio ekyi nkwi vakai? Luveengye lukae nawo.”

1 VAMANGYI 22:46

Na lyingyi vandu vafiri woose valesaa urukeny, kyeeri kya Asa we ndeye kavauta-fo.

ISAYA 1:9

Kukooye kulaore Nndumi Iruva wa Matorito alelureeya-fo maata, mmbo lweeva sha Sodoma, neevaka Gomora.

ISAYA 13:19

Babilony itumbe lya mangyi toose na imanyika kwa irina lying'ani lya Vakaldayo, mmbo kushevakaa Sodoma na Komora, kyeeri yemamitwa ni Nndumi Iruva.

ISAYA 33:14

Valyamari vakee Sioni mmbo vakeyeereya; yewo valakee iinndya Iruva, mmbo vakererema na yaamba, “Ni-vi ashiidimaa iserikya muro yeu nnyasi? Ni-vi ashiidimaa isisirya fipala-pala fya muro ularumikaa llung'anu?”

YEREMIA 20:16

Nndu yeto naaluke sha miri Nndumi Iruva aleikapa kuleifo ilyillya; neete kyiyyio ngama na ngusana nsanyiny nnang'ani,

YEREMIA 50:40

Sha llya edenga Sodoma na Gomora na miri ilya yeefitani nawo, ni indi Nndumi Iruva aamba. Kulashekaa kusamye-fo nndu, nta mwana wa nndu ashekaa-fo.

FIIYO 4:6

Vandu vakwa mmbo vakee vakape vakairya valya va Sodoma. valya Iruva alevasheya tiny kavakapa.

HOSEA 11:8

“Israeli a niinda nshidimaa ikweera efo? A mmbo nkuraa inda? A nshidimaa ikumamita shaasa shetannya Adima, ao shikutannyi shaasa shetannya Zeboiimu? Nrima wakwa mmbushekeyaa shitani indo-fo Ikunda lyakwa kwafo yewe lyitiri finya nnu,

AMOSI 4:11

“Shishemamita vengyi vany shaasa shilemamita kulya Sodoma na Gomora. Yewo vany valekia-fo vakava sha fimwii filekirwa fyuutwa rukony.” Nta mulashiwuiye.

Matayo 10:15

Ni kya dede shamuvia, ‘Ekyo kya uruka lwa Sodoma na Gomora kishangwaa nkonu yeto wa mwaandu ngota kya muri yeto.’”

Matayo 11:24

Indi shamuvia, ‘Nalyo ekyo kya Sodoma mmbo kishangwaa nkonu yeto wa mwaandu ngota ekyo kyafo.’”

Matayo 25:41

Nalyo asheviaa na yewo va wokony lwakwe umuso naambe, ‘Ukeny yaa shikai mukee vandu vakee vandenge, mundefika efo murony ularumikaa, ulesurummyo Satana na vasu vakwe.

Luka 17:29

Naasa nkonu ulya Loti alekwiipoo kulya Sodoma, kukooloka mbua ya muro na kibiriti yuuka na efo iruveeu ikavakomba kombi.

1 Vakorinto 6:9

A mmbo mulaishi sheelyi varavi va ngata yeyo mmbawonaa umangyi lwa Iruva-fo? Mulasheelembika, vatuusi mmbashewonaa umangyi lwa Iruva-fo, nta veinndya maruva a wongo-fo, nta vaatuusi, na varavi va ngata eto,

NKUMBUYE WA UVAVASO 29:23

“Uruka lwakwe loose mmuro na shumbi, mmbo lukeeya, kulaifo ivaaya nta yuulula, nta mare nalammyaa-fo, lukavaka sodoma na Gomora, Adima na Seboimu, kulya Nndumi Iruva, alelyamara kyeendo ni unyafi lwakwe.”

2 Vatesalonike 1:7

Neeni mukeelyiswa ukyiva mutawa nsia ando amwi neese kyeeri ekyo Nndumi Yesu asheorwaa paa akee na finya eriyani na vasu va efo iruveeu.

2 Vatesalonike 1:8

Ekee na kipalapala kya muro, etaiyaa yewo valaishi Iruva neewo valairikye Nrumi ya Nsia ya Nndumi weeru Yesu;

2 Petro 2:2

Vandu veengyi mmbo vashesoraa uravi elo lwawo, na shia yeyo ya dede mmbo isheminwaa kyeendwa mmbo.

2 Petro 2:6

Lyo aleengye urumato miri ilya ya Sodoma na Gomora, ikaya ikatana yaaluka ifu yeni, naambo ive kindo kya ikumbura yewo vasheraa iindya Iruva elyi numa.

2 Petro 3:7

Indi ngina na ulana lwa ulaalu mmbo fikee fivike-u fivere muro, kyeendwa ni irero elyo, fikaringywa-u fivere muro nkonu wa mwaandu, na vandu yewo valashiindyaa Iruva nawo vashesarumya-da.