Yuda 1:6 - BIBILLYA Mareiyo Meele a Iruva

⁶ Naakwa ni vasu va iruveeu valya valera valaringa itumbe lyawo veni, vakakillya nnyanu wawo ulya ukwaani nawo, mmbo alevafinga llung'anu vakae ireeminy vavere uvingo lwa nkonu ulya nniini.

Kyaasa Kiiya

⁶ Naakwa ni vasu va iruveeu valya valera valaringa itumbe lyawo veni, vakakillya nnyanu wawo ulya ukwaani nawo, mmbo alevafinga llung'anu vakae ireeminy vavere uvingo lwa nkonu ulya nniini.

Yuda 1:6 Iomraidhean Croise

Matayo 10:15

Ni kya dede shamuvia, ‘Ekyo kya uruka lwa Sodoma na Gomora kishangwaa nkonu yeto wa mwaandu ngota kya muri yeto.’”

Matayo 25:41

Nalyo asheviaa na yewo va wokony lwakwe umuso naambe, ‘Ukeny yaa shikai mukee vandu vakee vandenge, mundefika efo murony ularumikaa, ulesurummyo Satana na vasu vakwe.

Matayo 8:29

Nawo akakawo vakoongora vakaamba, “Yewe mwana wa Iruva nkyikyi lutiri na yewe? A mmbo kulesha kunu kushelusisya kulaore kyeeri kyeru kyamfika?”

Yohane 8:44

Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

Varome 2:5

Kyaindi kyeendwa ni uumu lwafo, na nrima wafo ulatiri ngata ya ikurya, mmbo kwakudeesya unyafi kufike nkonu ulya wa unyafi na yaanduyo lyaorwa paa yoo usumanuny lwa Iruva,

Vaefeso 6:12

Mashika fira lutiri yekapana nshi ya samu na mwiili-fo, ni fira yekapana na ngyumangyi na finya, na vaniini veshillya efo ireeminy, na ya matorito a mimuyo mikasha ulaniny lwa mumuyo.

Vaebrania 10:27

lyo isheshaa ngapo yeeresye, na waami lwa muro yeto ushelyaa yewo valyang'a.

2 Petro 2:4

Mashika kwakooya kulaore Iruva aleauwa vasu valya valelyamara indi kaveera irininy evavikaa kifingyony kya ireema, varingyo-u kutani yaanduywa lyasha.

2 Petro 2:9

Kyikeeny indo, Iruva mmbo eeshi shaasa asheauwaa vasauwe vakwe efo fyeesony sha efyo, na irwaa yewo valakee va usumanu ando a yoorotwa kufike nkonu yeto wa mwaandu.

Yuda 1:13

Vakawuya ivaka matundulu a yeeve alavaa isiika, na irosa maffwe akee nng'u sony yaawo, vakavaka nyinyiri tirekye shia, vakawoywa ni ireema lyiveemyaa fika llung'anu.

Usukuyony 20:10

Na nkumbi yeto llembi keerwa iruveny lya muro na kibiriti, kundo ifisi llya lyikai ando amwi na nkisuku ulya wa wongo. Nawo mmbo vasheorotwaa kio na nsanyiny llung'anu na llung'anu.

Usukuyony 20:2

Katira shoka lya, shoka ilya shikuu, mmbwe Nkumbi na Satana, kaifinga myaaka kyiku.