Yuda 1:24 - BIBILLYA Mareiyo Meele a Iruva

²⁴ Na yeto ashidimaa imuringa mulawoni nsindara, na imurwaa itumbeny lyakwe mukee na ifura iniini,

Kyaasa Kiiya

²⁴ Na yeto ashidimaa imuringa mulawoni nsindara, na imurwaa itumbeny lyakwe mukee na ifura iniini,

Yuda 1:24 Iomraidhean Croise

SABURI 21:6

Kwansimba mbora yafo kyeeri kyoose, Elyi kwiiyo kwamwishura ifura.

SABURI 43:4

Ee Iruva llyo shishendaa yoo meseny yafo, Ni yewe kishoru kya ifura lyakwa Llyo shishekapaa finanda fya ura, Shikurumishaa, Ee Iruva, Iruva wakwa!

Valevi 14:11

Naasa nkohani yeto asheeremutaa nndu yeto nansaleese ando amwi na findo efyo fyoose yoo mbee ya Nndumi Iruva yoo mbee ya yeema lyeekwaanannya;

Matayo 16:27

Mashika mwana yeto wa nndu isha asheshaa aree usuri lwa Ndeye aryani na vasu vakwe va efo iruveeu, nalyo nandetaa wo nndu kiinani na mashora akwe.

Matayo 19:28

Na Yesu kavavia, “Nkya dede shamuvia, ‘Yeni mushilatye mmbo mukooyaa elyi kwamfika meendi findo fyuumbe fisheviirwaa wiiya, elyi Mwana yeto wa nndu ashekaa rembo yoo kitiminy kyakwe kya itumbe, neeni mmbo mushekaa rembo fitimeny ikumi na fivii mushillye ngyufyari ikumi na ivii yeto ta Israeli.’

Matayo 25:31

Naasa elyi Mwana yeto wa nndu ashaa akee na itumbe lyakwe, aryani na vasu va Iruva woose, llyo ashekaa rembo yoo kitiminy kyakwe kya itumbe.

Matayo 5:12

Fureny-dwa muvelooka shamashika iviiri lyany mutiri efo iruveeu lyava iniini. Mashika ni indo verishisa vakisuku valya vamusongoye.”

Luka 9:26

Mashika wo nndu aira sony kyakwa na kya marero akwa, na Mwana yeto wa nndu mmbo ashiraa sony kyakwe elyi ashaa akee na usuri lwakwe na lwa Ndeye na lwa vasu veele va efo iruve-u.

Varome 14:4

A-yewe ni-vi ndesa kutani kwautya ungyi uvingo? Ni nndumi yeto wakwe muni amwiirikyaa ao nallemi. Ni yoo kwa nndumi yeto wakwe kweni asalalaa ao nawe.

Varome 8:31

A kya efyo fyoose lukaambany inda? Iruva kankaa taari yeeru ni vi ashiidimaa ilukyinga?

2 Vakorinto 11:2

Mashika mmbo shimulollye kififi, kififi kisha; kimmba shilemuruiya mmi umwi naambo shiwonisye Kristo mwalyi nsha.

2 Vakorinto 4:14

Lwiishi sheelyi yeto aleruta Nndumi Yesu, mmbo ashelurutaa neese ando amwi na Yesu, na ilusanda ando amwi neeni.

2 Vakorinto 4:17

Mashika ngatara yeeru nshaang'u ikaveva ya kirambo kyaangu-da, nayo mmbo yalweengye itumbe llya lya llung'anu lyiilannyi nnu.

Vaefeso 3:20

Naasany naitikiswa yeto aidima itana findo finiini nnu ngota efyo lwatereva na ikusara, kiinani na finya yeyo yakwe irunda mashora efo nnang'ani yeeru,

Vaefeso 5:27

Naambo nakuwonisye siri itiri itumbe ilatiri ivara nta mbese nta uravi sha elo; naambo ive sheele ilatiri ivara.

Vakolosai 1:22

kyeendwa mwiili wakwe llya alefwa, naambo namoomwi na yoo akai, muve veele, mulatiri kiteve nta mbese;

Vakolosai 1:28

Nawe mmbwe yeto lukee ivambisa mbony takwe, lwishiikimbaa wo nndu, neelosha wo nndu lukee na waarya loose, naambo lweende nndu asongovikye kwa Kristo.

Vakolosai 3:4

Kyeeri Kristo asheorwaa paa, yeto akee muu weru, llyo neeni musheorwaa paa ando amwi nawe efo itumbeny.

2 Timoteo 4:18

Nawe Nndumi mmbo asheshaauwaa efo nrengeny toose, neeshiringa kutani shafikya umangyi lwakwe lwa iruvee-u. Nnduma mmbwakwe we fika llun'anu na llung'anu. Amen.

Yakobo 2:10

Mashika wo nndu asheringaa mavavaso moose, lyo kafisha-u lyimwi nsi-da, mmbo amfisha moose.

1 Petro 4:13

Lyo shaasa muleakana makiva a Kristo, fureny, naambo na kyeeri ekyo kya itumbe lyisheorwa paa mushefura na ikapa ukoru.

2 Petro 1:10

Naasany vanavama, kutakureny nnu ivangisa uvaango lwany na isauwa lyany, mashika mukantana indo mmushewonaa nta nsindara umwi-fo.

Yuda 1:21

Kutireny na ikunda lya Iruva, mwivereyaa ulyilyi lwa Nndumi weeru Yesu Kristo, kutani mwawona muu wa llung'anu.

Usukuyony 14:5

Ni ewo kaniny kawo kulandelollyo-fo wongo. Mashika mmbatiri mbese-fo.