Yuda 1:20 - BIBILLYA Mareiyo Meele a Iruva

²⁰ Kyaindi yeni vakunde vakwa, mukankutira na iirikyo lyany lyikee yeele nnu, na itereva mukee na Mumuyo Mweele.

Kyaasa Kiiya

²⁰ Kyaindi yeni vakunde vakwa, mukankutira na iirikyo lyany lyikee yeele nnu, na itereva mukee na Mumuyo Mweele.

Yuda 1:20 Iomraidhean Croise

SEKARIA 12:10

Valya va mmba ya Davidi neewo vakee muriny wa Yerusalemu, mmbo nshevaniinga nrima wa ilyillya na nrima wa fiterewo valollye valya valevaafinya ngata vakee ivavywa naambo vaiiye kyimaruma kyawo sha nndu ayiiyaa mwana wakwe wa ngitany, akabe kiiyo na ivavywaa nnu sha nndu afiira kya ifiiywa ni mwana wakwe mmbee.

Mashora 15:9

nta nnyalevikau kilakaniso nnang'ani yeeru yese nawo-fo; kavasangya mirima yaawo na kikusiryo.

Mashora 26:18

kuvatarammbwe miso, na ivaalasha vauke ireeminy na iindukya sa, vare finya ya mmbishwa nayiindukya Iruva; naambo vawonise ifwaayo ulyamari lwawo, na iwonisa ding'u ya yewo vailyise kimaruma kya kikusiryo ekyo kyakwa.’”

Mashora 6:7

Irero lya Iruva lyikakwaana, na yeekyena lya vakiloshyony lyikaengereka nnu kulya Yerusalemu, na ikyenga lya vakohani vakaalukya kyikusiryo ekyi.

Mashora 9:31

Naasa Siri ikakaa na ifura efo Uyuda koose na Galilaya na Samaria, siri ikavangiswa ikeengera ing'ana neetirya Nndumi vio, ina iviiryo muu ni Mumuyo Mweele.

Varome 15:2

Wo nndu nnang'ani yeeru nalole shaasa ashesennyaa yeto ungyi, nasennywa neetumariswa.

Varome 8:15

Mashika mmulewarya ngata ya ushinga yeyo ya weeresi-fo, mmbo mulewarya ngata ya ivikwa vana, yalweengye lukavaanga, “Aba” nkyo kyaamba “Nde weeru.”

1 Vakorinto 1:8

Mmbwe yeto ashemuvangisaa fika mafurumyony, naambo mulashekapwa mong'wa nkonu ulya wa Nndumi weeru Yesu Kristo.

1 Vakorinto 10:23

Findo fyoose mfisha, lyo nshi fyoose fivaa-fo. Findo fyoose mfisha, llyo nshi fyoose fivangisaa-fo.

1 Vakorinto 14:15

A-mmbo kyavany inda? Mmbo shitereva na mumuyo, shivetereva na urango-da, mmbo nshiimbaa na ngata ya mumuyo lyo shiveimba na urango-da.

1 Vakorinto 14:26

Kyasiany vanavama, mwalollya inda, Kyeeri mwakwanannya, yeto umwi atiri kiimbo neeto ungyi ufundo, ungyi kindo kyerambuya, ungyi ni kishomu na ungyi ni itambashwa fishomu. Findo fyoose fitanyike kyikee kya ivangisa siri.

Vagalatia 4:6

Na kimmba yeni mwammba vana, Iruva mmbo aleruma Mumuyo wa Mwana wakwe miriminy yeeru yeto avangaa “Aba” nkyo kyaamba “Woi Nde.”

Vaefeso 4:12

Katana indo naambo veele vakooye ikwaaniswa, na mashora a utarami akooye iinutywa, na mwiili wa Kristo uvangiswa.

Vaefeso 4:16

Yoo kwakwe we mwiili moose mmbo ukee llunge filungo fyoose fikainiwa nisha na wo kimwi kirunde ishora lya vayo naambo mwiili wiidimi itumarisywa efo ukundiny.

Vaefeso 4:29

Irero iravi lya ngata shoose lyilasheuka kaniny kkany-fo, lyo kuuke-fo marero mesha ashidimaa yeekya nndu akee nting'i, na valya vashitaa vakooye ivikywa mbora.

Vaefeso 6:18

na fiterewo na fyeerero fyoose mwiiterevaa wo kyeeri mukee na Mumuyo, muvelala shoovi kya efyo mwiiterevyaa veele woose.

Vakolosai 2:7

mwiikulungye neekutira nawe, muveva vakaari efo iirikyony, shaasa muleloshwa; muveengera iva va kyaanu.

1 Vatesalonike 5:11

Naasany, kuviiryeny muu neekukaarisa wo nndu na ungyi shaasa mwiifo mutanaa.

1 Timoteo 1:4

nta valeshearanya ngyuraawe na ng'anu-ng'anu tilatiri umando, tishendee makusaro meengyi nta tilaryani na uvavaso lwa Iruva lwa iirikyo, naasa vaikimbe indo.

2 Timoteo 1:5

Na kyikusiryo kyafo kilatiri ukunang'ari, shaasa kyikusiryo kya kyekuwo Loisi kyeekai na mau we Eonike, neeny shiishi neewe kutiri kyikusiryo sheeky.

Tito 1:1

Yeny Paulo, shikee ishinga lya Iruva, na nrumi wa Yesu Kristo, kimaruma kya kyikusiryo kya vasauwe va Iruva, na wiidimi lweemanya dede ilya ishendee muu nsha.

Yakobo 2:22

Yoo mmbo lwalollya kyikusiryo mmbo kilerunda mashora ando amwi na mitannyi yakwe, na kyikusiryo kilya kyikavangiswa ni mitannyi ilya yakwe.

2 Petro 1:1

Yeny Simon Petro shikee ishinga na nrumi wa Yesu Kristo, shareiya kwany yeni mulewonisa kyikusiryo kimwi neese, kitiri wuuru efo usumanuny lwa Iruva weeru na Nkira weeru Yesu Kristo.

1 Yohane 5:4

Mashika wo kindo kyikee kyiire ni Iruva mmbo kivingaa ulana yelu, na elu llo uvingi lwa ivinga ulana, ni kyikusiryo ekyo kyeru.

Yuda 1:3

Vakunde vakwa, kyeeri shekee ikutakura deny imureiya kya ukiro yelu lweru yese loose, mashika shilewona kuti shimureiye, naambo shimwiitike mulalakye iirikyo llya siri sheele ilerambikywa.

Usukuyony 13:10

Nndu mwitirwa mfingwa, nkuti ashetirwaa mfingwa. Nndu mwiwawa na usu nkuti ashewawaa na usu. Yaa ng'u usisiryo lwa veele lukai.