Yuda 1:15 - BIBILLYA Mareiyo Meele a Iruva

¹⁵ Naambo naidimi irumbuya vandu vakwe mwaandu, na yuutya valya valashinndyaa Iruva uvingo, kyeendwa ni mashora awo maravi valeatana valariyani na Iruva. Kimaruma kya marero awo maravi valyamari yewo valearera alakee a iindya Iruva.

Kyaasa Kiiya

¹⁵ Naambo naidimi irumbuya vandu vakwe mwaandu, na yuutya valya valashinndyaa Iruva uvingo, kyeendwa ni mashora awo maravi valeatana valariyani na Iruva. Kimaruma kya marero awo maravi valyamari yewo valearera alakee a iindya Iruva.

Yuda 1:15 Iomraidhean Croise

SABURI 139:20

Vakiduva vafo mmbo vekusenda ruu vakakulyamarya.

SABURI 149:9

Itaiya vandu va masanga efyo fikee fivavasye. Yelo llo wiindi lwa vesha vakwe woose. Haleluya!

SABURI 31:18

Raya kana kya yewo vatiri wongo, Vandu mbafu ewo vakushoba Yewo veiila vandu vasaari.

SABURI 37:6

Ashallwa usha lwafo lumike sha sa, Na usaari lwafo sha mwi elyi nkwaany.

SABURI 73:9

Na kana kyawo vakatatala Iruva efo iruveeu, Na kana kyawo vakarumana mbee ya vandu kunu ulaniny.

SABURI 94:4

Vetana meesi woose vashuuta marero! Na irera fya itanya fya kyinyala!

SABURI 98:9

Imbeny usanguny lwa Nndumi Iruva Mashika akeesha yuutya uruka uvingo Na yuutya ulana uvingo kwa usumanu, Na vandu va masanga kwa worotu.

YUUKA 16:8

Mose kaamba, “Na mmbo kisheendaa inda, kyeeri Nndumi Iruva ashemuningaa nyama nkwaany naambo mulye, na ngama mikate, musheritwa nrima Nndumi Iruva asheitaa nkunun'gunu wany shaasa mulenkunun'gunnya we, Yese ni-vi? Nta nshi yese-fo, ni Nndumi Iruva mulenkunun'gunnya.”

MWIILOSHA 11:9

Fura yewe mwana nkoo fura kya ukoo lwafo. Kyesa nrima wafo kyeeri ekyi kya ukoo lwafo. Niinga ekyo nrima na miso afo akunndye, lyo kummbwa sheelyi Iruva mmbo ashekuutya uvingo kyuuka na mitannyi yafo.

MWIILOSHA 12:14

Mashika Iruva mmbo asheluutya uvingo kya mitannyi yeeru myoose, sanda na alya aletanwa kirika ave mesha ao makasha.

ESEKIELI 35:13

Neeni mukakurosa uwe yakwa kwa kana kyany muveni, na yeengera marero meengyi uwe yakwa neeny shimuni sheeta.

DANIELI 11:36

“Mangyi mmbo ashetanaa shaasa akunndye, Mmbo ashekurosaa naambe mmbo ailanyi wo iruva, kailanya na Iruva yeto wa uwe. Nawe mmbo ashevaa mwiikurosa indo kutani Iruva muni ashenkabaa, mashika kilya kikee kideerye ni kuti kitanyike.

DANIELI 7:20

Shakunda imanya kya mbembe tilya ikumi teemiiye nrwen mbwavayo, na lulya lungyi-udu lulemmya kulare tilya tingyi isaru tammiluka, wombe lulya lweetiri miso na kana, kyakarera marero eekung'anisa, elyi llyo lyeeresye lyikailannya alya engyi.

Yohane 5:27

Kavenniinga na ushilyi lweerummbwa mwaandu kimmba akee Mwana wa Nndu.

Mashora 17:31

Mashika mmbo avikye nkonu yeto asherumbuya ulana yelu mwaandu kya usumanu, kwa nndu ulya alensauwa; nawe mmbo alelyimmya vandu nrima nkaari wa mbony yeti elyi alennduta auka kwa vafu.

Varome 14:10

A nkyiki elyi kwautya mwanamau uvingo? Ao kwammina? Lyo lumanyi sheelyi yese loose mmbo lushesalalaa mbee ya kitima kya ushilyi kya Iruva.

Varome 2:16

kufike nkonu ulya Iruva ashesukwaa fyama fya vandu fyoose vaanduyo, kiinani na Nrumi ya Nsia yei yakwa, kwi Kristo Yesu.

Varome 2:5

Kyaindi kyeendwa ni uumu lwafo, na nrima wafo ulatiri ngata ya ikurya, mmbo kwakudeesya unyafi kufike nkonu ulya wa unyafi na yaanduyo lyaorwa paa yoo usumanuny lwa Iruva,

1 Vakorinto 4:5

Naasa yeni mulaute uvingo lwa kindo kyoose kyeeri kilandefika-fo, kutani elyi Nndumi ashaa; mmbwe yeto ashemikyaa yefyo fikee fisurumi ireeminy, neesukkwa fyama fyoose fya ngoony ta vandu, llyony, wo nndu ashewonisaa nnduma wakwe efo kwa Iruva.

1 Vakorinto 5:13

Yewo vakee poo ni Iruva ashevautyaa uvingo. Yeto akee nravi muuteny efo nnang'ani yaany.

1 Timoteo 1:9

Navemanya irero elyi, sheelyi uvavaso llutiri mwaandu na nndu nsumanu-fo, kuuta yewo veerenga veni, neewo valakee vaarya, valaishi Iruva, valyamari, na vatefusu, neewo valashinndyaa Iruva, na veekapa vandeye vawo, na veekapa vamaye vawo, na vewaa.

Yuda 1:16

Vandu yeva mmbo vakunung'unaa, vakasora lango tawo, na kana kyawo kakarera marero maroo ekurosa, vekundyaa valya vatiri uniini naambo vawoni-fo mbusha yaawo.”

Usukuyony 13:11

Numa shalollya-se ifisi lyingyi, lyisamaa lyuuka ulaniny, nalyo mmbo lyetiri mbembe ivii tivakye Ngurana ya Iruva, lyikarera sha shoka.

Usukuyony 22:20

Yeto mwikureekya efi mmbo aamba, “Ee, shiefo nshaa sere. Amen. Ee osho Nndumi Yesu.”

1 SAMUELI 2:3

Loleny mulaengere irera mwikurosaa Reny marero eekung'anisa Mashika Nndumi Iruva eeshi fyoose Fyoose fitanwaa kafyeesa