Yuda 1:12 - BIBILLYA Mareiyo Meele a Iruva

¹² Vandu yeva mmbo vaeresye nnu mashika elyi mwavika mirumwa yaany misha mmbo vashelyaa na yeni shoongeny, nta kulaore vereiye isanga na yeni. Vakavaka mafishi alatiri mura avivitwaa ni uraato, na miri yammaangara mamburu, ilakivikaa ndunda, yammaa ifwa kavii na iiluwa tushu.

Kyaasa Kiiya

¹² Vandu yeva mmbo vaeresye nnu mashika elyi mwavika mirumwa yaany misha mmbo vashelyaa na yeni shoongeny, nta kulaore vereiye isanga na yeni. Vakavaka mafishi alatiri mura avivitwaa ni uraato, na miri yammaangara mamburu, ilakivikaa ndunda, yammaa ifwa kavii na iiluwa tushu.

Yuda 1:12 Iomraidhean Croise

2 MBONY TA FYEERI 7:20

mmbo shishemurwaa muuke kunu urukeny yelu shilemunniinga. Naakwa ni mmba yei shileivauwa na irina lyakwa, mmbo shisheifwallya kwaasha na yeny shisheyaallwa kindo kiipale na yiilwa nnang'ani a vandu va masanga moose.’

YOBU 8:17

Mirarii yakwe ikakoososa maweny nawe keenda ilola efo nnang'ani ya mwaamba.

SABURI 1:3

Nawe kava sha nri ukeenronge mbai ya soko ta mura, Uvikaa ndunda kwa kyeeri kya vayo, Nta iru lyavayo lyilashumaa, Na wo kindo atana kikansenya.

SABURI 37:2

Mashika wo mmbo vavivika swany sha nyasi. Mmbo vashumaa sha mare mavisi.

FYAASO 25:14

Sha elyi mafishi akuumbya kulaifo mmbwa, Niindo akee nndu mwikuitikisaa ininngywa kindo kya pya nalaniingye.

ESEKIELI 17:9

Ulaalu yeny Nndumi Iruva muni finya shakuvesa: Ndesa, nsabibu yeto ulung'annya-u? Ndesa, nnyashiillwa-se miraari ya-vavyo na yaarammbwa maramba a vayo na iporisa ndunda tavayo, na yuumisa maramba a vayo makoo? Nkukundikye-se nndu atiri finya ao itorito yiillwa wuuke yefo uteriny-fo.

ESEKIELI 34:10

Nndumi Iruva mmbo aamba indi; Yeny, mmbwe muni veesi; neeny mmbo shivavesa moonri akwa maakony awo, na mashora yoo eeisa moonri shivasoke; nta veesi yewo, mmbakyikwiisa wo veni lyingyi-fo mmbo shisheturunyaa moonri akwa yefo kaniny kawo, alave lyingyi shoonga yaawo.

ESEKIELI 34:18

A ndesa mmbo mwaallwa kindo kyaangu deny yeni ilya mare manuru kutani mwavavara na marende any alya asaau? Neena mura ukee nsha, neeni kutani mwalollya ni kindo kisha deny ifwalangya na marende any mura ulya wasaa-u?

ESEKIELI 34:2

“Yewe mwana wa nndu, niingya ukisuku kwa veesi va Israeli, kuniingye ukyisuku kuvavie, yee, kuvie veesi yewo, sheelyi Nndumi Iruva aamba; Woshiny llwa veesi va Israeli, yewo vakeelya veni, A nshi kyikwaani veesi veese moonri?

ESEKIELI 34:8

Nndumi Iruva aamba; Yeny, Iruva shiifo na muu, kimmba moonri akwa aleva nrapu, moonri akwa akava shoonga ta mafisi a ngoroshony moose, kyimaruma kuleifo mwiisi, nta veesi vakwa valaruuye moonri akwa, indi veesi vakakwiisa veni, valakunde yiisa moonri akwa;

HOSEA 6:4

Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

Valevi 14:43

Na kwakooya ndwari yeyo yawuya neesha efo mmba kyeeri ammaa yuutafo mawe yoo na yaarwa mmba, na yaamba yeela;

Matayo 13:6

Indi elyi mwi ulevaa tikaya tikanaa, neelyi tilasotye miraarii si tikauma.

Matayo 15:13

Nawe kavavia, “Wo kindo kivaakye kiiyo kulaore kyammbaaywa ni Nde-yaakwa wa efo iruveeu mmbo kishiiluwaa.

Marko 4:6

Na elyi mwi wavaa tikaya. Kimmba tilasotye mirarii si, tikauma.

Luka 12:45

Indi kwakooya ishinga elyo lyikusaraa efo nriminy, nndumi wakwa mmbo akeekyeeywa isha, nalyo lyikapooka ikapa mashinga wooroye alya a kyuumi na a kyika, na ilya na ina na inangwa.

Luka 16:19

“Naasa kweefo nndu isimba ekee mwiraa soori ta ki-mangyi ngata shimamiri. Kava mwiisinda alyaa usuri wo nkonu kyikava kyeekoora.

Luka 21:34

“Kya indi kwiiseny muveni, mirima yaany ilakooye irovyo mwiitalauwaa ndeu na inangwa mmbwari na yaafuka kya findo fya muu yeu, na nkonu yeto umuwoye tiny sha nsoori.

Luka 8:6

Na tingyi tikaoloka ando iwe lyikwaalye si. Tikamya tikawuya yuuma mashika tilatiri nsiny.

Vaefeso 4:14

naambo lure lulakiva sha vakoku, lwiisingiswaa efo na efo, na iipowa ni wo uraato lwa miloshye ya vandu, na mitambo ya vandu, lwiilatyaa shia ta ulembi.

Vafilipi 3:19

Yewo mmbo vashefurumyaa na urumato, mashika iruva lyawo nndeu, na itumbe lyawo ni usutu elo lwaawo, valangye findo fya ulana.

1 Timoteo 5:6

Kyaindi yeto nalakuvavaraa muni mmbo afiiye na kyikava akee na muu.

Vaebrania 13:9

Mulashekurikwa ni ngyufundo tingyi shive na shive, na ta veny, mashika nkyisha nrima utumariswa ni isarya nta nshi shoonga-fo, mashika valya valeenda indo mbalewona-u pule-fo.

Yakobo 5:5

Mmbo mukeekureka ulaniny, na ikushangala efo langony ta mwiili, mukawuutisa mirima yaany indo.