YOSUA 6:2 - BIBILLYA Mareiyo Meele a Iruva

² Naasa Iruva kavia Yosua “Kulolye! Yeny nsheuvika maakony afo muri wa Yeriko amwi na mangyi yakwe na vasikari wakwe vakaari.

YOSUA 6:2 Iomraidhean Croise

2 SAMUELI 5:19

Llyo Davidi alevesa Nndumi Iruva, “Ale Nndumi Iruva, shandekabana nawo? Kukundye ivavika maakony akwa?” Nawe Nndumi Iruva kammbia, “Yee saama vasore, mashika yeny nshevavikaa maakony afo.”

NEHEMIA 9:24

Nawo vakashetira ngyuruka eto, na Vakanaani yewo kwavavika maakony awo vakavafuna na vamangyi vawo,

DANIELI 2:21

Mmbwe muni mikonu na fyeeri, mmbwe asaleesa vamangyi kooka-fo kavaterwa-u. Mmbwe yeto aava urango na umanyo.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 4:35

Yewo vakee kunu si kwakwe nsheelyi nshi kindo-fo, Vasu iruveeu na vandu kunu si ni maakony akwe vakai. Nkwiifo aidima ilema ekyo ankunda, ao ekyo atana-fo.’

DANIELI 5:18

Kyafo yewe mangyi, Iruva yeu wa uwe mmbo aleniinga ndoo Nebukadresa umangyi, na uniini na usuri na itumbe.

NKUMBUYE WA UVAVASO 7:24

Na vamangyi vawo mmbo vashevikwaa maakony afo, na irina lyawo lyireke kulu, na nkwiifo nndu ashekyaa mbee yafo-fo.

YOSUA 12:9

Mangyi wa Yeriko, mangyi ya Ai alya kufii na Beteli,

YOSUA 2:24

Vakammbia, “Ni kya dede Nndumi Iruva ambika uruka yelo maakony eru, na vandu va uruka elu mirima yaawo mmbo ikeeyeeka sha muya kimaruma kyeru.”

YOSUA 2:9

kavavia, “Yeny mmbo shiishi deny Nndumi Iruva mmbo alemuniinga uruka yelu, neese mmbo lutirwa mmbweerei uniini nnu, na vandu woose va uruka yelu mmbo vakesavaa nnu kimaruma kyany.

YOSUA 20:1

Naasa Nndumi Iruva karera na Yosua, kammbia,

YOSUA 6:1

Muri wa Yeriko mmbo wekee uraye neeringwa deny kimaruma kya iiryaa Vaisraeli. Vandu mbekeyaanga nta isomuka efo muriny-fo.

YOSUA 6:3

Yewe na vandu valya woose vatiri fisha

YOSUA 8:1

Naasa Nndumi Iruva, kavia Yosua, “Kulaawukwa nta kulairyaefo, Ipoo vandu woose va fira mweende Ai, na mangyi yeto wa Ai ekato shammuvika maakony afo sanda na vandu vakwe na muri wakwe na uruka lwakwe.

VALETI 11:21

Nndumi Iruva, Iruva wa Israeli kavika mangyi Sihoni na vandu vakwe maakony a Israeli vakavakaba, nawo Vaisraeli vakatira uruka lwa Vaamori.

VALETI 11:24

A yekyo iruva lyafo lya Kemoshi lyilekuniinga mmbo kilakufye? Neese ekyo Nndumi Iruva wa Israeli ammulemaa nooke mbee yeeru mmbwe yeto lushenshillyaa,