YOSUA 5:1 - BIBILLYA Mareiyo Meele a Iruva

¹ Naasa kyeeri vamangyi va Vaamori yewo vekee kwakulya ya Yordan taari ya nkwaany, na vamangyi va Vakanaani valya vakee kufii na yeeve, llya valeeta shaasa Nndumi Iruva aleumisa mura wa Yordan, yoo mbee ya vana va Israeli kutani vamaa iruuka, mirima yaawo mmbo ileeka sha muya, finya yaawo ikaeleleka deny, elyi vakusaraa kyaa vana va Israeli.

YOSUA 5:1 Iomraidhean Croise

Mapookyony 12:6

Abramu keera nnang'ani ya uruka kafika ando kweele kwevaangwa Shekemu; kutiri nri va mwaloni va More. Na Vakanaani kyeeri ekyo mmbo vekaa urukeny elo.

Mapookyony 48:22

Neeny mmbo nkuniingaa kyenga kimwi mmwasi ya vana va mau, yekyo shilekyuuta maakony a Vaamori na usu lwakwa na ura lwakwa.”

2 SAMUELI 21:2

Naasa mangyi Davidi kavaanga Vagibeon kavavia, (Vagibeon nshi udeena lwa Israeli-fo, ni udeena lwa Vaamori, na vana va Israeli mmbo veevikyani nawo kyaasa kya ufoo lyo Sauli kakunda ivawaa naambo naringe Israeli na Yuda).

1 VAMANGYI 10:5

na shoonga yekee meseny yakwe fyeelya na fyeena, na mashinga akwe na soori tawo, na shia yeyo ashiraa nafike efo mmba ya Nndumi Iruva, kaukwa mmuu kauma muungaya.

ESRA 9:1

Numa ya efyo fyoose fikimaa itanyika, vasongoru va Israeli valeshisheya vakashiywa, vandu va Israeli na vakohani na Valevi mmbalekikaa kwaasha na vandu va ngyuruka eto-fo, vakakureveesa na Vakanaani, Vahiti, Vaperisi, Vayebusi Vaamoni, Vamoabu, Vamisri na Vaamori.

SABURI 135:11

Sihoni we mangyi ya Vaamori, Na Ogu wa Bashani, Na ngyumangyi toose ta Kanaani.

YUUKA 23:28

Neeny nsherikaa fifi mbee yafo fyaante Mhivi, na Mkanaani na Mhiti varishe mbee yafo.

ISAYA 41:5

Mbaambaa ya yeeve valelollya vakairyaa; ufishony lwa ulana lukarerema, vakaserikya vakasha kufii.

ESEKIELI 16:3

Kuvavie kindo Nndumi Iruva akerera kya muri wa Yerusalemu: Yeni ukuukuny na kundo muwonikye ni urukeny lwa Kanaani, ndeye waany ekee Mwaamori na maaye waany ekee Mwiti.

ESEKIELI 21:7

Neelyi vashekuvesaa, ‘A nkyikyi yelyi kuvavywa mmu?’ Mmbo kusheambaa, ‘Ni kyimaruma kya mbony yeto. Kyeeri kyishefikaa, wo nrima mmbo usheekaa, na maako moose ashetura finya, na wo mumuyo ushefwa na ndi toose mmbo tishevaa shifwafwa nayeeka sha mura. Lola, yefi mmbo fisheutikaa, na yiinukya,’” ni yeny Nndumi Iruva shaamba.

DANIELI 5:6

Nalyo yeni fwana yakwe ikaalashika, kaawukwa neesaukwa nnu malungo akava mura na ndi tikarerema.

AMOSI 2:9

“Na kimaruma kyany mmbo shilemamita Vaamori, shamukapannya yeni vandu vakwa. Nawo mmbo veetiri finya vakaveva vaasha sha miri ya nsitony.

MEEKYENA 13:29

Vaameleki mmbo vakee urukeny lwa Negebu, na Valuti na Vayebusi, na Vaamori vakakaa mafumbuu na vakanaani wo vakakaa mbai ya yeeve na mbaambaa ya Yordan.”

YOSUA 17:12

Lyo vana va Manase mbaleidima yuumbuta vandu valevakooyafo-fo, nkyo Vakanaani vakeengera ikaafo.

YOSUA 17:18

Nkyo uruka yelo lwa mafuumbu mbo lushevaa lwany, lla elyi lukee nturu, mmbo muumanyaa kuve kwany, kuumbutefo Vakanaani, lla elyi vatiri mitika a minya vakavetira finya niini.

YOSUA 24:15

Kwakooya mwasukyo ni irundya Nndumi Iruva amben inu yeto mukunndye indundya, kwakooya ni maruva alya vande vany valearunndya kwakulya ya mura, ao maruva a Vaamori yewo mukee nawo, Lyo yeny na va-mmba yakwa mmbo lurunndyaa Nndumi Iruva.

YOSUA 3:16

naasa mura mmbo ulesalala, ukarwa na uwe sha usau ukafika kwaasha deny fika Adamu-nto muri ukee kufii na Saretani, ng'u mura yeto usheendaa yeeveny lya Araba llyo yeeve lya shumbi, mura ukasalala, vandu vakeera ando kwaarutu kufii na Yeriko.

YOSUA 3:17

Nawo makohani yewo veepoo isanduku lya mavavaso a Nndumi Iruva vakakaarya vekee ando kwaarutu efo Yordan, Israeli vakaruuka mura veeshiiraa ando kwaarutu, kutani woose vamaa iruuka Yordan.

Usukuyony 18:10

Vasalale kwaasha veereiye kyeendwa mmavavyo akwe, veshambaa, “Woshiny, woshiny, lwa muri ulya nniini to Babilony ukee muri utiri finya mashika ando a saa imwi uvingo lwawo mmbo lushaa.”

VALETI 1:1

Naasa Yosua eekifwa, vana va Israeli vakavesa Nndumi Iruva, “A ni vakyi vasonngwa mbee indekabana na Vakanaani?”

VALETI 11:23

Naasany Nndumi Iruva, Iruva yeto wa Israeli mmbo asoka Vaamori uruka elo vare valalollyo mbee ya Israeli. A yewe mmbo kukunndye ivakaya?

VALETI 3:3

Vandu yewo ni vamangyi varaanu va Vafilisti, na Vakanaani woose na Vasidoni, na Vahifi valya valekaa ifumbuny lya Lebanon, uka ifumbu lya Baal-hermoni fika Hamati.

VALETI 4:2

Nndumi Iruva kavavika maakony a Yabini mangyi ya Kanaani, eekeeshillya Hasori, na ungyi ni Sisera eekee Harosheti wa Masanga, mwiisalallya itorito vakwe.

1 SAMUELI 25:37

Nalyo elyi lya ndesi kyeeri wari wammaa isya nrony, nkaakwe kammbia fyoose shaasa kyava, nawe kaawukwa kava sha iwe.