YOSUA 3:16 - BIBILLYA Mareiyo Meele a Iruva

¹⁶ naasa mura mmbo ulesalala, ukarwa na uwe sha usau ukafika kwaasha deny fika Adamu-nto muri ukee kufii na Saretani, ng'u mura yeto usheendaa yeeveny lya Araba llyo yeeve lya shumbi, mura ukasalala, vandu vakeera ando kwaarutu kufii na Yeriko.

YOSUA 3:16 Iomraidhean Croise

Mapookyony 14:3

Yewo woose vakakwaannya imungony lya Sidimu, (kulya Yeeve lya Shumbi).

1 VAMANGYI 4:12

Baana, mwana wa Ahiludi, kasalallyamiri ya Taanaki, Megido, na taari ya Beth-sheani ikee kufii na muri wa Sarethi, sindeya muri wa Yezreeli, na kuuka Beth-sheani kufike muriny wa Abel-mehola, kundekillya muri wa Yormaamu.

1 VAMANGYI 7:46

Mmbo mangyi alesongosya findo efyi kulya imungony lya Yordan, nnang'ani ya Sukothi na Sarethani.

SABURI 114:3

Yeeve mmbo ilelollya ikarisha! Nato mura wa Yordan ukasalala.

SABURI 114:5

A yeeve nkyi kwava kukeerisha? Neewe Yordan nkyikyi kwasalala?

SABURI 29:10

Nndumi Iruva ashillye uwe ya mura, Nndumi Iruva kakaya kiri kyakwe kya Umangyi llung'anu.

SABURI 33:7

Kaumbya mura myoose andu amwi, Na yeeve katifingya andu kumwi.

SABURI 66:6

Kaallwa yeeve ikava ando kuumu, Vandu vakakillya mura na marende; Neese lukafura nawe.

SABURI 74:15

Yewe kumuuta ngyusoka na fimura, Na mira miniini.

SABURI 77:19

Yewe kwavika shia tafo uwe ya yeeve, Kweenda uwe ya mura ulya mwiingyi, Lyo ngyayo tafo ntelollywa-fo.

SABURI 78:13

Karauwa yeeve kavakyillisa kwakulya! Kaseleesa mura wa yeeve ukavaka isimamba!

YUUKA 14:21

Mose kaorrwa woko lwakwe uwe ya yeeve, Nndumi Iruva kaviira yeeve numa yiivirwaa ni uraato lwa finya luleuka taari ya ngameny, kyio kyoose, mura ukarauka kukava-u ando kuumu.

YUUKA 14:22

Vana va Israeli vakeenda efo yeeveny ando oomu, mura wa yeeve mmbo uleva sha isimamba taari yaawo ya woko umuso na woko usha.

YUUKA 14:29

Kyeendi wo Vana va Israeli vakakweenngya efo yeeveny ando aarutu na mura wa yeeve ukava ni isimamba taari ya woko usha na taari ya woko umuso.

YUUKA 15:8

Mura eto mmbo ulesaleeswa ni mumuyo eto aleuka efo mmbweny yafo, Matundulu akasalala sau sha isimamba. Na ndilyi ikauma bony efo si yeeveny.

ISAYA 50:2

A niinda llya shilesha kulaore kweiyo nndu? Llya shilevaanga kulaore kwiifo nndu alerouwa? A ndesa woko lwakwa mmbo lukee ufii shilemwa ikira? Ao ndesa nshilatiri finya shiidime imwauwo? Lolate, shakyeemya mmbo yeeve na mira fyaumya na iva ando koomu pony. Makunga a vayo akaraa, kimmba kuleefo mura numa akafwa kimaruma kya nyura.

ESEKIELI 47:8

Kashivia; mura yeu, mmbo usheeka uleera sumbai kutani wandefika Araba, nato ukamfika-fo mmbo ushaaluka mura wa Yeeve ya Shumbi isheva mura nsha weena.

NAHUMU 1:4

Mmbo akyeemya yeeve nayo ika-umya, We mmbo aumisyaa mira myoose. Mbata ta Bashani na ifummbu lya Karmeli fikaumya, Fivaro fya Lebanoni fikanaa.

HABAKUKI 3:8

A mmira ilekufuluta unyafi-ro Nndumi Iruva? Ao ni yeeve ndesa? Kwasaama frasi kweera uwe mafishiny, nang'u akava llya ikari lyafo kweengye vandu vafo uvingyi.

MEEKYENA 34:3

taari yaany ya sinde mmbo uvaa nnyanu na kasa ka Sini kufii na Edomu, pookya yeeve lya Shumbi, taari ya ngama;

NKUMBUYE WA UVAVASO 1:1

Kyitabu ekyi mmbo kitiri marero alya Mose alevia vana va Israeli alya kwakulya ya Yordan alya Araba taari ya Sufu, yoo nnang'ani ya miri ya Paran na Tofeli na Labani na Hazeroti na Disahabu.

NKUMBUYE WA UVAVASO 3:17

na uruka lwa Araba, na mura wa Yordan, uka Kinereti fika yeeve lya Araba, nnyo yeeve lya shumbi, na taari ya ngama mfo mafuumbu a Pisga.

YOSUA 12:3

Na uruka lwa Araba fika yeeve lya Kineret taari ya ngama fika yeeve lya Araba na yeeve lya Shumbi, taari ya ngama, shia yeenda Bet-yashimoti, na taari ya sinde kwasi ya ifumbu lya Pisga.

YOSUA 15:2

Yeeve lya shumbi nnyo vanyanu wawo wa sinde,

YOSUA 16:7

Nnyanu yeto ukasoka wunka Yanoa fika Ataroti na Naara, fika Yeriko, fika mura wa Yordan.

YOSUA 3:13

Na kyeeri makuheni vasheeraa mbee veerye isanduku lya mavavaso a Nndumi Iruva, Nndumi wa ulana loose, kyeeri vashesalalaa yoo mureny wa Yordan, mura yeto mmbo usalalaa yeeka uve sha usau.”

YOSUA 4:22

Llyo mushevarouwaa, “Vana va Israeli mmbo valekillya mura wa Yordan veeshiiraa ando kwaarutu.

YOSUA 5:1

Naasa kyeeri vamangyi va Vaamori yewo vekee kwakulya ya Yordan taari ya nkwaany, na vamangyi va Vakanaani valya vakee kufii na yeeve, llya valeeta shaasa Nndumi Iruva aleumisa mura wa Yordan, yoo mbee ya vana va Israeli kutani vamaa iruuka, mirima yaawo mmbo ileeka sha muya, finya yaawo ikaeleleka deny, elyi vakusaraa kyaa vana va Israeli.

VALETI 7:22

Vakakaba maranda alya mayana araru na itorito lya Vamidian vakeenda veekuwaa wo veni na ngyusu shaasa Nndumi Iruva alevafuluta. Vakarisha fika Betshita taari ya Serera fika nnyanu wa Abel-mehola, kufii na Tabati.