YOSUA 3:11 - BIBILLYA Mareiyo Meele a Iruva

¹¹ Mulollye ro, isanduku lya mavavaso a Nndumi wa Iruveen na ulana loose mmbo lyikee ruuka Yordan mbee yaan.

YOSUA 3:11 Iomraidhean Croise

1 MBONY TA FYEERI 29:11

Uniini ni lwafo, yewe Nndumi Iruva muni finya, usuri, wiidimi na ushilyi, fyoose fikee iruveeu na si ya ngina ni fyafo, Ee Nndumi Iruva, umangyi ni lwafo kurumishwa yewe kukee uwe ya findo fyoose.

YOBU 41:11

Mmbi alenshiniinga kyindo, naambo kyive n kuti immbirya? Kindo kyoose kyikee si ya ngina ni kyakwa.

SABURI 24:1

Ulana na fyoose fiifo ni masaa a Nndumi Iruva, Uruka na woose vakee uwe ya vavyo ni vakwe.

SABURI 97:5

Mafumbu mmbo aleeka sha muuya usanguny lwa Nndumi Iruva, Mbee ya Nndumi Iruva wa ulana loose.

ISAYA 3:12

Valya veeyakuya fesa, mmbo vakeesya vandu vakwa, neewo vatiri sie tawo mmbo vakeevalemba. Yeni vandu vakwa, yewo vakeemusongoya mmbo vakeemureta shia, naambo mulamanyi kundo kwaiindukya nafo.

ISAYA 54:5

Mashika muumbi wafo mmbwe mmi wafo, Nndumi Iruva wa matorito nlyo irina lyakwe; na mweele wa Israeli mmbwe mwiikira wafo: We mmbo avaangwaa Iruva wa ulana loose.

YEREMIA 10:7

A mmbi alakweereyye yewe mangyi ya masanga? Mashika yewe mmbo kukwaani yiinndywa nnyelyi kuleefo ungyi nrango sha yewe nnang'ani ya masanga moose, naakwa ni yefo ngyumangyiny tawo kuleefo nta umwi akuvakye.

MIKA 4:13

Nndumi Iruva mmbo aamba, “Vandu va Yerusalemu, endekapeny vakiduva vany! Mmbo nshemukaarisaa muvake shau itiri mbembe ta minya na mbungashu ta yaambo moomu. Mmbo mushekakasha vandu va masanga meengyi, na masaa yoo valesoka vandu vengyi na finya musheyeengye, yeny Nndumi Iruva wa masanga moose.”

SEFANIA 2:11

Nndumi Iruva mmbo ashevautaa. Na maruva a ulana elu ashevaa ruu. Na vandu va ulana woose vashemwindyaa, wo umwi ando akai.

SEKARIA 14:9

Nndumi Iruva mmbwe ashevaa mangyi ya ulana loose; wo umwiamwiindye sha Iruva nkonu yeto mmbo ashevaa umwi na irina lyakwe lyimwi.

SEKARIA 4:14

Llyoony kashivia, eva mmbalya vavii vakee vaambe mafura, naambo vakooye irunndya Nndumi.

SEKARIA 6:5

Nawe nsu ulya kashirouwa kashivia, “Mitika yei ngyuraato tiwukye taari yiinya ta nginii-u, nato mmbo tikee mbee ya Nndumi Iruva muni ulana loose.

NKUMBUYE WA UVAVASO 9:3

Kyasia manyaany inu sheelyi Nndumi Iruva mmbwe akeekusongoya eevakye muro ukoraa, navamamite neewoombuta yoo mbee yafo, vasye piny shaasa Nndumi Iruva alekuvia.

YOSUA 3:13

Na kyeeri makuheni vasheeraa mbee veerye isanduku lya mavavaso a Nndumi Iruva, Nndumi wa ulana loose, kyeeri vashesalalaa yoo mureny wa Yordan, mura yeto mmbo usalalaa yeeka uve sha usau.”