YOSUA 2:9 - BIBILLYA Mareiyo Meele a Iruva

⁹ kavavia, “Yeny mmbo shiishi deny Nndumi Iruva mmbo alemuniinga uruka yelu, neese mmbo lutirwa mmbweerei uniini nnu, na vandu woose va uruka yelu mmbo vakesavaa nnu kimaruma kyany.

YOSUA 2:9 Iomraidhean Croise

Mapookyony 35:5

Vakawara shia, weerei lwa iinndya Iruva lukatira vandu va miri yeyo ivaringitye, nta mbalesora vana va Yakobo-fo.

2 SAMUELI 17:10

Nalyoony naakwa ni ulya akee nkaari sha miiso, mmbo asyaa neeke sha muuya, mashika Israeli woose mmbo veeshi shaasa ndoo akee nkaari na vandu vakwe woose kiwo.’

2 VAMANGYI 5:15

Kawuuya nndu ulya wa Iruva na valya eryani nawo woose. Kashesalala mbee yakwe, kaamba, ulaalu shammanya nkwiifo Iruva ulaniny koose kuuta Israeli-fo; ulaalu shakutereva kuwarye kindo kinnywa kyuuka kwa ishinga lyafo.

2 VAMANGYI 7:6

Mashika Nndumi eniinga Vaashami ntiri wa myeengye a mitika, na ntiri wa frasi, uvakye ntiri wa itorito iniini lya fira; Vakaviana, Lolaany mangyi ya Israeli ansanga andu amwi na vamangyi va Vahiti na vamangyi va Misri vashelukapa.

NEHEMIA 6:16

Vakiduva veru vekiita ando amwi na valya valuringitye valaishi Iruva, woose vakairyaa vakafwa nrima deny, vakamanya ni Iruva muni alelusalallya.

ESTA 8:17

Wo ando urukeny neefo miriny kundo ivavaso lya mangyi lyileitiwa, Vayuda vakafura neekyesa nnu, vakavika sukukuu niini. Nalyo vandu veengi vakakunda yaaluka vave Vayuda, kimaruma kya yeereya Vayuda.

YOBU 19:25

Shiishi nanshushwa mwiikira wakwa eefo na muu, Ufishyony we mmbo ashiniingaa usumanu lwakwa yaa kweni ulaniny.

SABURI 112:10

Yeto nalakee wa usumanu mmbo ashelollya ngatara. Mmbo ashekabaa kiiyo na yaangara; Nrolo wa yewo valatiri usumanu mmbo ushemandaa.

SABURI 115:16

Ngyina ni ngyina ta Nndumi Iruva Indi uruka aningye vana va vandu.

YUUKA 18:11

Ulaalu shammanya dede, Nndumi Iruva mmbo akee uwe ya maruva moose, yee, mashika Vamisri mmbo vekemutannya fya kinyala.”

YUUKA 23:27

Yewo vashesalalaa mbee yafo nshevamattwaa na ivasaaveesa, nawo vasheindukaa ikurisha.

MWIILOSHA 8:12

Nndu llyamari mmbo ashiidimaa itana ulyamari ka iyana lyo kakaa-fo na muu. Lyo yen kindo kyimwi shiishi, ni ngoma valya veinndya Iruva kyimaruma vakee vasongovisi.

ISAYA 19:1

Yei nnyo nrumi yesheya Misri: Lola! Nndumi Iruva akeesha Misri eesammye ifishi lyisheenda nnu. Mafwanu a maruva a Vamisri arerema mbee yakwe. Na vandu va Misri mmbo vashevaa nsele-sele.

ISAYA 23:5

Elyi mbony tindefikaa Misri, sheelyi Tiro yallyamarwa, mmbo vavavywa nnu deny neesiiywa ni finya.

YEREMIA 27:5

‘Ni Yeny kwa wiidimi lwakwa uniini na woko lwakwa woorrwe shiletana uruka na vandu na mafisi akee yefo urukeny, neeny nshiniinga kwa nndu moose shilollyaa kyikwaani.

NAHUMU 2:10

Urumato, irumaka na ilyamarwa Ninavi yallyamarwa Mirima yammaa ifwa, na ndi tawo tikererema, Mmbo vansiyywa mfinya na fisangu fikafuuka funy!

MEEKYENA 20:14

Naasa Mose karuma varumi vauka alya Kadeshi veende kwa mangyi ya Edomu, vammbie, Mwanama-u we Israeli akuvia indi, “Yewe kwiishi nisha ngatara toose tilelukooya;”

MEEKYENA 20:24

Aron akeefwa kimwi sha vande vany, mashika nnyashefikaa urukeny elo-fo, mmashika llya muleshilema alya Meriba.

Matayo 20:15

A findo efyo fyakwa mmbo shilatiri mumu wa itana nafyo ndesa shankunda? A mmbo kwanying'a elyi yeny shitiri maako?’

NKUMBUYE WA UVAVASO 11:25

Nkwifo vandu vashiindimaa imusiika-fo, Nndumi Iruva waany mmbo asherumata efo koose mushiiraa, shaasa llya alemuvia.

NKUMBUYE WA UVAVASO 2:25

Neeny ulaalu mmbo shiifo nsheresee vandu woose wo ando vakai, nawo kyeeri vashiita mmbony tany kuti varereme ruu, neetirwa ni wooru kimaruma kyafo.

NKUMBUYE WA UVAVASO 28:10

Na masanga moose mmbo vashekwereyaa kimaruma kya irina lya Nndumi Iruva.

NKUMBUYE WA UVAVASO 32:8

Yeto akee uwe ya fyoose llya aleniinga vandu ding'u Kaava vandu va masanga Kavavikya minyanu yaawo, Shaasa ngyufyari ta vana va Israeli tikai

Vaebrania 11:31

Ekee na kyikusiryo Rahabu ulya ntuusi nnyalerumatwa ando amwi na valyang'a valya-fo; mashika llya alewarya vandu valya va sa na ufoo.

YOSUA 2:11

Kyeeri luleita indo mirima yeeru ikeeka sha muya, ukaari lweru loose lukasia kimaruma kyaany, mashika Nndumi Iruva, Iruva waany mmbwe Iruva wa iruveu na kunu ulaniny.

YOSUA 2:24

Vakammbia, “Ni kya dede Nndumi Iruva ambika uruka yelo maakony eru, na vandu va uruka elu mirima yaawo mmbo ikeeyeeka sha muya kimaruma kyeru.”

YOSUA 2:8

Kulaore vallala Rahabu kavasora kulya kai

YOSUA 5:1

Naasa kyeeri vamangyi va Vaamori yewo vekee kwakulya ya Yordan taari ya nkwaany, na vamangyi va Vakanaani valya vakee kufii na yeeve, llya valeeta shaasa Nndumi Iruva aleumisa mura wa Yordan, yoo mbee ya vana va Israeli kutani vamaa iruuka, mirima yaawo mmbo ileeka sha muya, finya yaawo ikaeleleka deny, elyi vakusaraa kyaa vana va Israeli.

YOSUA 6:2

Naasa Iruva kavia Yosua “Kulolye! Yeny nsheuvika maakony afo muri wa Yeriko amwi na mangyi yakwe na vasikari wakwe vakaari.

YOSUA 9:10

na kya efyo aletanya vamangyi valya vavii va Vaamori va kwakulya ya Yordan, Sihoni mangyi ya Heshboni na Ogu mangyi ya Bashani ekee Ashitaroti.”

YOSUA 9:24

Llyo nawo vakarouwa Yosua, vakammbia, “Mmashika elyi yese mashinga afo lulevio kya dede deny shaasa Nndumi Iruva wafo alevavasya nsero wakwe we Mose kyeevaninga ngyuruka eti toose varumate vandu va vayo woose valakilollyoo-se, neese nkyo kimaruma luleiryaa nnu deny kya muu weru elyi lumukumbwaa, nkyo kyeengye lukatana indo.

YOSUA 9:9

Nawo vakammbia, “Yese vasero vafo mmbo luukye kwaasha deny, lyo kimaruma kya irina lya Nndumi Iruva waany, kimmba luleita kya nnduma wakwe, na efyo fyoose aletana kulya Misri,

VALETI 7:14

Yeto ungi kammbia, “Kindo ekyi ni usu lwa Gidion mwana wa Yoashi, nawe ni nndu wa Israeli. Iruva mmbo ammbika Vamidian na itorito lyawo woose maakony akwe.”