YOSUA 2:12 - BIBILLYA Mareiyo Meele a Iruva

¹² Naasa ulaalu mmbo shamuterevaany, mushilyiiye mboo na irina lya Nndumi Iruva, sheelyi mushesaryaa mmba ya nde, mushoore na kiringisyo;

YOSUA 2:12 Iomraidhean Croise

Mapookyony 21:23

Naasa ulaalu shilyiiyany mboo na Iruva, sheelyi nkusheshitannya ukasha nta mwana wakwa-fo, nta nshuku wakwa-fo, kyeendi shaasa shilekutannya mesha neewe kushitannyi, na uruka yelu kukeerua rua nnang'ni ya vayo.”

Mapookyony 24:3

na yeny shikulyiseeny mboo na irina lya Nndumi Iruva, akee Iruva wa iruveeu, na Iruva wa ulana, sheelyi nkusheruiyaa mwana wakwa nka auka efo vaneny va kyika va kikanaani-fo, yewo lukee nawo;

Mapookyony 24:9

Ishinga llya lyikavika woko lwakwe yoo kwasi ya kinama kya Abrahamu nndumi wakwe, kallyiya mboo kya mbony yeyo.

Mapookyony 40:14

Lyo kushikummbwe neeny kyeeri kusheonisaa mesha yoo, kushitannye fyeesarya, shakutereva-dwa, kushisende na mesha kwa Farao, naambo nashuute kunu.

2 MBONY TA FYEERI 36:13

Sedekia nawe kamina mangyi Nebukadinesar ulya emmbikya ishingo kalyiisyamboo na irina lya Iruva, sheelyi nnyakaa natatale-se Iruva-fo. Kalema ikurya, na iwuiya Nndumi Iruva, Iruva wa Israeli.

ESTA 8:6

Mashika mmbo nshiidimaa inda ilola uravi sha elo lwiishye vandu vakwa shimalallye?”

YUUKA 12:13

Na samu ilya mmbo ishevaa wende efo kwany, efo mmbeny mukai neeny kyeeri nshelollyaa samu yeyo, mmbo nsheiraa, mure mulaonisa ngapo imuvavise kyeeri nshekapaa uruka lwa Misri.

YEREMIA 12:16

Na kisheshaa kyeeri, kwakooya vakulosha na nrima imanya shia ta vandu vakwa, ilya mboo na irina lyakwa veshaamba, ‘Nndumi Iruva eefo na muu,’ shaasa velosha vandu vakwa ilya mboo na Baali, llyoony vashekaa nnang'ani ya vandu vakwa.

Marko 14:44

Na ulya anrambikya-fo emmbadeerya wende kaamba, “Nndu yeto shimmimindaa mmbwe mushentiraa mweende munrie.”

Varome 1:31

valatiri umanyo, veefisha fyaasa, valakundye vandu vawo, valalyillyaa vengyi.

1 Timoteo 5:8

Lyo nndu yeto nalalolaa vandu vakwe, mmbo yewo va kyeny kwakwe muni, yeto mmbo amina iirikyo, kooka-fo kava nkasha ngota nndu nalakee nkristo.

Yakobo 2:13

Mashika uvingo llutiri usari kwa yeto nalasaryaa-fo. Isarya vengyi mmbo lyitiri itumbe ngota yuutya uvingo.

YOSUA 2:13

elyi mwiishaa musarye nde wakwa na ma wakwa, na vana va ma va kyuumi na va kika na findo fyawo fyoose mulureu na mnu.”

YOSUA 2:18

Fingya uruu ludodorye yoo idirisheny elyi kwaloolotya naambo elyi lushaangaa urukeny yelu neewe kusang'irye vandu vafo woose yaa kwafo, ndoo na mau, vana va mau na vandu va kyeny kwa ndoo.

YOSUA 2:19

Na nndu yeto ashesomukaa efo mmba kwafo mbwe muni asheveswoo samu yakwe muni, nta nshi yese-fo, na yeto ashekooyoo efo mba kwafo ni yese luringaa samu yakwe kulave nndu ampaana.

YOSUA 6:22

Yosua kavia saa valya vavii valendesununda uruka yelo, angeny efo mmba ya nka ulya ntusi, munsomute-fo amwi na woose wa mmba yakwe shaasa mulemmbikya kyaasa.

YOSUA 9:15

Yosua kavikyana nawo kyaasa kya urilalyi; kavavikya kyaasa sheelyi mmbo avaniinga muumu ikaa-u. Vasongoru va ufyari lwa Israeli vakavalyiiya mboo ya iindya fyaasa yefyo

VALETI 1:24

Vandu yewo va saa vakalollya nndu eefo eshukaa neefo muriny, vakammbia, “Nkyeloore shia ya yaanga neefo muriny, neese lukutae na mesha.”

1 SAMUELI 30:15

Davidi kammbia, “A yewe kushiidimaa ishitetere kutani shandekooya vasikari yewo?” Nawe kammbia, “Lyo kushilyiiye mboo na irina lya Iruva sheelyi nkushiwaa nta ishiviira kwa nndumi yeto wakwa-fo, llyo shikutetereeny kundevakooya.”