YOSUA 2:10 - BIBILLYA Mareiyo Meele a Iruva

¹⁰ Mashika mmbo luleeta shaasa Nndumi Iruva alerauwa mura wa yeeve lya shamu yoo mbee yaany llya muleuka Misri, lukaveeta-da na filya muletannya vamangyi valya vavii va Vaamori wo Sihoni na Oga, llya mulevarumata deny.

YOSUA 2:10 Iomraidhean Croise

SABURI 74:15

Yewe kumuuta ngyusoka na fimura, Na mira miniini.

MEEKYENA 20:14

Naasa Mose karuma varumi vauka alya Kadeshi veende kwa mangyi ya Edomu, vammbie, Mwanama-u we Israeli akuvia indi, “Yewe kwiishi nisha ngatara toose tilelukooya;”

MEEKYENA 23:22

Iruva mmbo alevauta Misri, nawe mmbo atiri wiidimi sha mboo,

MEEKYENA 24:8

Iruva mmbo alensaamisa amuuta Misri, Eetiri finya sha finya ya mboo. Mmbo ashemiraa vandu va masanga yewo vakee vakiduva vakwe Navefishafisha mafua awo Navaase na mife yakwe.

NKUMBUYE WA UVAVASO 2:30

Lyo mangyi Sihoni wa Heshboni nnyalelura lukeera urukeny lwakwe-fo, kimmba Nndumi Iruva we Iruva weeru alemuumisa nrima wakwe kava llyang'a naambo nammbike maakony eru.

YOSUA 24:12

Shavamattwa mbee yaany, vamangyi yewo vavii va Vaamori vakasavaa, nta mmulekabana nawo-fo.

YOSUA 4:24

Naambo vandu woose ulaniny vamanye finya ya woko lwa Iruva, sheelyi mmbo lutiri wiidimi, naambo veendye Nndumi Iruva, Iruva waany llung'anu.”

YOSUA 5:1

Naasa kyeeri vamangyi va Vaamori yewo vekee kwakulya ya Yordan taari ya nkwaany, na vamangyi va Vakanaani valya vakee kufii na yeeve, llya valeeta shaasa Nndumi Iruva aleumisa mura wa Yordan, yoo mbee ya vana va Israeli kutani vamaa iruuka, mirima yaawo mmbo ileeka sha muya, finya yaawo ikaeleleka deny, elyi vakusaraa kyaa vana va Israeli.

YOSUA 9:10

na kya efyo aletanya vamangyi valya vavii va Vaamori va kwakulya ya Yordan, Sihoni mangyi ya Heshboni na Ogu mangyi ya Bashani ekee Ashitaroti.”