YOSUA 17:1 - BIBILLYA Mareiyo Meele a Iruva

¹ Neelu llo luleva waavi lwa vana va Manase, kimba we ekee mwana mbee wa Yosefu. Makiri ulya mwana mbee wa Manase mmbwe ndeye wa Gileadi, mashika eekee nndu wa fira kaka na Gileadi na Bashani.

YOSUA 17:1 Iomraidhean Croise

Mapookyony 41:51

Ulya mmbee Yosefu kammbaanga Manase, kyeyaamba, Iruva ansheekya sharekywa ngatara takwa toose na mmba ya nnde shoose.

Mapookyony 41:52

Na wa kavii kammbaanga Efraimu, kyeyaamba, Iruva mmbo ashiniinga ngyeeri kunu urukeny lwa makiva akwa.

Mapookyony 46:20

Valeonika kwa Yosefu eeke Misri ni Manase na Efraimu, yewo Asinati mfu wa Potifa alemwirya, yeto ekee nkohani wa Oni.

Mapookyony 48:17

Kyeeri Yosefu alelollya ndeye eevikaa woko lwakwe usha nrweny wa Efraimu kikammbiiya kyikasha misony akwe. Kaipoo woko lwa ndeye yoo nrweny wa Efraimu naambo aluvike yoo nrweny wa Manase.

Mapookyony 48:18

Yosefu kavia ndeye, “Nshindo-fo nde-yaakwa, mashika yeu mmbwe eto mmbee; vika woko lwafo usha yoo nrweny wakwe.”

Mapookyony 50:23

Yosefu kalollya vana va Efraimu fika irika lya kararu, ni vana va Makiri, mwana wa Manase yewo vewonikkya kwa Yosefu.

2 SAMUELI 2:9

nandeshillya Vagileadi na Aseri na Yezreeli, Efraimu na Benjamen, na Israeli woose.

1 MBONY TA FYEERI 2:23

Naasa Geshuri na Aramu vakavasoka miri ya Yairi, amwi na Kenathi na miri yakwe, myoose makumi arindaru. Evo woose ni vana va Makiri, ndeye wa Gileadi.

ESEKIELI 47:13

Nndumi Iruva mmbo aamba indi: “Yei nnyo minyanu ya uruka elo mushekooya yaavya ngyufyari ikumi na ivii ta Israeli. Indi lyo ufyari lwa Yosefu vaniingwa lyimwi mmwasi ya yewo vengyi.

ESEKIELI 48:4

Kuuka kyaawuny kya ufyari lwa Naftali, mmbo kyilatyaa kyaawu kya ufyari lwa Manase, kupookya taari ya ngama kundefika taari ya nkwaany.

MEEKYENA 26:29

Vana va Manase va Makiri, na Makiri kaira Gileadi, na vana va Gileadi,

MEEKYENA 27:1

Kyeeri ekyi vefu va Selofehadi wa Heferi wa Gileadi wa Makiri wa Manase akee mwana wa Yosefu, na marina a vefu va Selofehadi nng'u yaa, Mala na Noa na Hogla, na Milka na Tirsa,

MEEKYENA 32:33

Naasa Mose kaniinga vana va Gadi na va Ruben na kyenga kya ufyari lwa Manase mwana wa Yosefu uruka lwa mangyi Sihoni wa Vaamori, na Ogu wa Bashani na miri yaawo myoose yekee miringitye turuve.

NKUMBUYE WA UVAVASO 21:17

Nairikye mwana wa nka yeto nalankunndye nanniinge waavi kavii lwa findo fyakwe, mashika nkuti nairikye mwana wakwe mmbee nanniinge waavi lunsumannyi.

YOSUA 17:2

Kura ikava ya vana va Manase valya kulaore vemmavyo waavi lwawo, na vana va Abieseri na va Heleki, na vana va Asrieli na vana va Shekemu, na vana va Heferi na vana va Shemida, yewo mmbo vana va kyuumi va Manase, we mwana wa Yosefu.

YOSUA 22:7

Naasa shaasa Mose aleninngya kyenga ekyo kimwi kya ufyari lwa Manase kive waavi lwawo kulya Bashani, kyeendi kyenga ekyo kyingyi kya Manase, Yosua kashevaavya kulya kwakulya ya Yordan taari ya nkwany. Naasa alya Yosua alevasama vakweengye kyeny, kavavikya mbora,

VALETI 5:14

Ukaa Efraimu mmbo valesoka vauka kwa Vaameleki Yoo numa yafo yewe Benyaminy, efo vanduny vafo, Na vashilyi vakasoka vauka Makiri Na vauka Tabulon ni yewo varye nsengye wa mwiireiya,