YOSUA 12:1 - BIBILLYA Mareiyo Meele a Iruva

¹ Yeva mmbo vamangyi valya vana va Israeli valevakapa, neetira ngyuruka tawo kwakulya ya Yordan, taari ya nkwaany, uka imungony lya Arnoni fika ifumbu lya Hermon, na uruka loose lwa Araba taari ya ngama.

YOSUA 12:1 Iomraidhean Croise

1 VAMANGYI 4:19

Geberi mwana wa Uri, kasalallya kyuungu kya Gilead. Uruka lwensalalyo na Sihoni elyo mbee mangyi ya Vaamori, na Ogu mangyi ya Bashani. Kuuta-fo eva ikumi na vavii kweifo nniini umwi wa isalallya uruka loose lwa Yuda.

SABURI 133:3

Kikavevaka laura ya ifumbu lya Hermon, ishoolookaa uwe ya mafumbu a Sioni Mashika mfo Nndumi Iruva aruma mbora yakwe, Yee, na muu fika llunng'anu.

SABURI 136:21

Kaipoo uruka lwawo luve dingu ya vengyi Kimmba ilyillya lyakwe lyikee lya llung'anu.

SABURI 89:12

Taari ya ndoo na sinde, nyewe kuleumba. Mafumbu a Tabori na Hermoni akee ikwaarafuma kwa ifura.

ISAYA 16:2

Mmbo vavereye mbai ya mura wa Arnoni, veraa-raa kunu na kunu valeeshi kundo kweyeenda, sha ndeye taattwa fifuriny fyavayo.

MEEKYENA 21:13

Kuuka yoo vakafika kwakulya Arnoni kasa komu, nng'u nnyanuny wa Vaamori mashika Arnoni na Moabu mmbo tifiitani;

MEEKYENA 21:21

Naasa Vaisraeli vakaruma varumi kwa mangyi ya Vaamori avangwaa Sihoni, vandemmbia,

MEEKYENA 21:24

Vaisraeli vakavakaba nnu, vakashillya uruka lwawo, pookya mura wa Arnoni fika mura wa Yaboki, kufike uruka lwa vana va Amoni mashika wo veetiri finya nnu.

MEEKYENA 32:19

Mashika yese llushetiraa ding'u amwi nawo efo kwakulya ya Yordani-fo, mashika ding'u yeeru mmbo ikee taari ya ngama ya Yordan.

MEEKYENA 32:32

Mmbo luruukaa lurye fisha fyeru mbee ya Nndumi Iruva, lwaange Kanaani, neese ding'u yeeru mmbo ishevaa kunu Yordan.

MEEKYENA 32:33

Naasa Mose kaniinga vana va Gadi na va Ruben na kyenga kya ufyari lwa Manase mwana wa Yosefu uruka lwa mangyi Sihoni wa Vaamori, na Ogu wa Bashani na miri yaawo myoose yekee miringitye turuve.

NKUMBUYE WA UVAVASO 2:24

Kyasia ipoony kyaaro kyany, muruuke imungo lya Arnoni, neeny mmbo nshevikaa mangyi ya Vaamoni we Sihoni maakony any, na mangyi ya Heshboni nawe, na uruka lwawo, muwaane nawe ikapana neetira uruka.

NKUMBUYE WA UVAVASO 2:32

Naasa Sihoni keepoo vandu vakwe kapooka ikapana neese alya Yahasa.

NKUMBUYE WA UVAVASO 3:1

Naasa lukainduka lukarwa na shia ya Bashani na Ogu akee mangyi ya Bashani keepoo fira we na vandu vakwe vai naambo nakapane neese kulya Edrei.

NKUMBUYE WA UVAVASO 4:44

Na mavavasyo Mose aleniingya vana va Israeli nng'u yaa,

NKUMBUYE WA UVAVASO 4:46

vekee alya mbai ya Yordan alya kyaandeeny kya Bet-peori kikee urukeny lwa mangyi Sihon wa Vaamori mmbwe ekee Heshboni kakapwa Mmose na vana va Israeli kyeeri vemmbuka Misri.

NKUMBUYE WA UVAVASO 4:48

Uruka yelu mmbo lwepookye Aroeri yoo imungo lya Arnoni lyimandi kundekooya nnyanu wa ifumbu lya Sioni (llyo Hermoni.)

YOSUA 1:15

Kutani elyi vanava maye vany nawo vasheonisaa kirembo shaasa neeni mulewonisa, elyi vamaa iwonisa uruka yelo Nndumi Iruva waany alemuniinga, llo Mose nsero wa Nndumi Iruva alemuniinga alya kwakulya ya Yordan taari ya nkwaany.”

YOSUA 11:17

Kubookya kidooro kya Halaki taari ya Seiri fika Baal-gadi yoo imungony lya Lebanon kwasi ya ifumbu lya Hermon, katira vamangyi vawo woose kawawaa.

YOSUA 11:3

Lyingyi-se karama rumi kwa Vakanaani yewo vekee taari ya ngama, na ya nkwaany, kwa Vaamori, Vahiti, Vaperisi, na Vayebusi vekee kwasi ya ifumbu lya Hermon efo urukeny lwa Mispa.

YOSUA 13:8

Ando amwi nawe, ufyari lwa Ruben na Gadi wo valeonisa ding'u yaawo, shaasa Mose alesongwa ivaavya, kulya kwakulya ya Yordan taari ya ngama.

YOSUA 22:4

Nawe Nndumi Iruva, Iruva waany kaniinga vana va maye vany ufoo shaasa alevaarya kyaasa. Kyasia ulaalu kweengeny kyeny kwany, urukeny lwany yoo Mose nsero wa Nndumi Iruva alemuniinga kulya kwakulya ya Yordan

VALETI 11:18

Naasa vakaringitya kasa ka Edomu, na Moabu vakakaa taari ya Arnon vakamanya ulale fika nnyanu wa Moabu.