YOSUA 10:8 - BIBILLYA Mareiyo Meele a Iruva

⁸ Nndumi Iruva kavia Yosua, “Lola kulasheeiryaa vandu yeva, mashika lola yeny shammaa ivavika maakony afo, nta nkwiiyo nndu ashekyaa mbee yafo-fo.”

YOSUA 10:8 Iomraidhean Croise

1 VAMANGYI 20:13

Nalyo yeni nkisuku kasheya Ahabu mangyi ya Israeli, kaamba, Nndumi Iruva aamba indi, A ndesa kwallolya ndesa nsemu yeu wa vandu ngata ufye mwiingi? Lola ni yeny shakuvia, vandu eva woose mmbo kushevamamita, neewe llyo kumanyaa yeny mmbwe Nndumi Iruva.

Varome 8:31

A kya efyo fyoose lukaambany inda? Iruva kankaa taari yeeru ni vi ashiidimaa ilukyinga?

NKUMBUYE WA UVAVASO 3:2

Nndumi Iruva kashivia, kulamwiiryae-fo, mashika shammuvika maakony afo, we na vandu vafo na uruka lwakwe, neewe mmbo kushentannyaa shaasa kuletannya Sihoni wa Vaamori ulya ekee Heshboni.

NKUMBUYE WA UVAVASO 7:24

Na vamangyi vawo mmbo vashevikwaa maakony afo, na irina lyawo lyireke kulu, na nkwiifo nndu ashekyaa mbee yafo-fo.

YOSUA 10:25

Yosua kavavia, “Mulairyae-fo-te, nta mulaawukwa-fo, kaaryen, mutire mirima mikaari mashika niindo Nndumi Iruva ashetanyaa vakiduva veru woose yewo mushekabanaa nawo.”

YOSUA 10:9

Naasa Yosua karrwa kio kyoose na vandu vakwe kandefika Gibeon Gilgali.

YOSUA 11:6

Naasa Nndumi Iruva kavia Yosua, “Kulaireye kimaruma kyawo-fo, mashika ndesi sa yei mmbo shivavikaa maakony a Israeli shivawee shivamamite woose, murummbwe mataari a frasi tawo, mukore muro mitika yawo ya frasi.”

YOSUA 8:1

Naasa Nndumi Iruva, kavia Yosua, “Kulaawukwa nta kulairyaefo, Ipoo vandu woose va fira mweende Ai, na mangyi yeto wa Ai ekato shammuvika maakony afo sanda na vandu vakwe na muri wakwe na uruka lwakwe.

VALETI 6:16

Naasa Nndumi Iruva kammbia, “Yeny mmbo nshekukayaa, kukabe Vamidian sheelyi kukabaa nndu umwi.”

VALETI 7:9

Naasa kio ekyo kyeni Nndumi Iruva kavia Gidion, “Kwiiboo, enda kulya ulaleny lwawo mashika mmbo shammbavika maakony afo.

1 SAMUELI 17:47

Na vandu woose va ulana llyo vashemanyaa sheelyi Iruva nnyakira na usu na ifumu-fo, mashika we ni Nndumi Iruva wa fira namuvike yeni maakony eru.”