YOSUA 1:9 - BIBILLYA Mareiyo Meele a Iruva

⁹ A nshi yeny shilekuruma va ntakusu kutire nrima nkaari! Kulasheereyaa nta isavaa, mashika Nndumi Iruva, Iruva wafo mmbo akee neewe ando koose kusheenda.”

YOSUA 1:9 Iomraidhean Croise

Mapookyony 28:15

Neewe manya yeny shikee neewe, shikuringe wo ando kushendaa neeny nshekuviraa lyingyi fika yaa urukeny elu, mashika nshishekuraa-fo, kutani shainutya fyoose efyo shilekuvia.”

Mapookyony 39:2

Nndumi Iruva ekee amwi na Yosefu, nawe kammbesya nnu, nawe kava mwikaa mmba kwa nndumi wakwe, we Mmisri eto.

Mapookyony 39:3

Nndumi wakwe kalollya sheelyi Nndumi Iruva ekee amwi na Yosefu, na Nndumi Iruva mmbwe akeevirisa findo fyoose kyuuka na woko lwakwe.

2 SAMUELI 13:28

Absalomo kavavasya varundi vakwe kavavia, “Kyeeri Amnoni anangwaa, neeny shimuvie kapeny Amnoni, llyo mumbwae, mulairyae-fo, mashika nnyeny shamuvavasya indo. Lyo veny vakaari mukaarye deny.”

1 MBONY TA FYEERI 28:20

Naasa mangyi Davidi kavia nsero wakwe Solomoni, “Kulaereye, salala kyuumi, kurunde mashora yaa, nta kulatirwa nnyinyira-fo. Iruva munifinya, yeto Iruva wakwa, mmbo akaa na yewe kutani mashora yaandi asia yoo moose akundikye irundika kunu mmba ya Nndumi Iruva.

2 MBONY TA FYEERI 15:7

Indi yeni kapyeny ngoo, nta mulashewuya numa, mashika ni kuti mulollye mbusha ya mashora yaa mukerunda.”

SABURI 46:7

Nndumi muni fira akee umwi na yese Iruva wa Yakobo mmbwe finya yeeru.

ISAYA 41:10

Kulairyee mashika yeny shikee ando amwi neewe, kulasavae, mashika yeny ni Iruva wafo. Shikuniingaa finya, eeda, shikwekyaa, ee shikutiraa na woko lwakwa usha lutiri wiidimi.

ISAYA 43:1

Kya indi ulaalu, Nndumi Iruva alekuumba ewe Yakobo, we alekutana yewe Israeli, mmbo aamba indi, “Kulairyee mashika mmbo shilekukira shilekuvaanga irina lyafo, ewe ni wakwa.

ISAYA 43:5

Kulairyee, mashika yeny shikee neewe; shisheendee va ngyeeri yafo uka taari ya ngama, shishekusanyirya uka taari ya nkwaany.”

ISAYA 8:12

Kulashekulunga na meengye ya vandu yewo-fo, kulasheyeereya findo yefyo fivaeresye-fo.

DANIELI 10:19

Kashivia, “Kimmba Iruva akukundye indo kulaereye-fo wuiywa mmuu, nta kindo kyimwi kilakuniinge usau nta ikweerese-fo.” Ekyaamba indo, shawuiywa mfinya mmwasi, shammbia, “Woi Nndumi shiviany ekyo kushiriye kwanshiviirya muu deny.”

HAGAI 2:4

Lyo mulasheefwa nrima-fo. Rundyeny mmba yei, neeny nkaa neeni.

HAGAI 2:5

Kyeeri muleuka Misri mmbo shilemuvikya kyaasa kyekaa neeni. Mulairyae-fo, nng'u nkee neeni.

Mashora 4:19

Petro na Yohane vakavavia, “Kwakooya ni usumanu mbee ya Iruva imwaarannya yeni ngota yaarannya Iruva, rumbweny yeni muveni;

NKUMBUYE WA UVAVASO 1:21

Nndumi Iruva, Iruva wafo mmbo alekuniinga uruka yelu, naasa ulaalu saamany kundetira uruka, shaasa Nndumi Iruva wa vakuu vafo alekuvia, nta kulairyee nta isavaa-fo.

NKUMBUYE WA UVAVASO 20:1

Kyeeri kwakupoo yeenda fireny, neewe kwalollya frasi na mitika na vandu veengyi ngota yeni, lola kulavaereye-fo, kimmba elyi Nndumi Iruva, Iruva wafo akee neewe, yeto alekusaamisa akuuta kulya Misri,

NKUMBUYE WA UVAVASO 31:23

Naasa kavavasya Yosua wa Nuni, kammbia, “Va ntakusu kutire nrima nkaari, mashika nnyewe kurwaa vana va Israeli urukeny yelo shilemuvikya kyaasa, Neeny nsheendaa shiryani neewe.”

NKUMBUYE WA UVAVASO 31:28

Sheenngyeny vamiku vany na vashilyi woose va ngyufyari toose, naambo shivavie findo efi, shiidimi ivakureekya.

YOSUA 1:10

Naasa Yosua kavaanga maakida va vandu kavavia,

YOSUA 1:17

Shaasa lulearanya Mose findon fyoose, niindo-da lushekwaaranyaa yewe, Nndumi Iruva wafo nakukaye, shaasa ekee na Mose.

YOSUA 1:18

Nndu moose yeto araa nalasora efyo fyoose kuluvavasyaa, nawaawa. Lyo va ntakusu kutire na nrima nkaari, kyo kyeni mmbo kifye!”

YOSUA 10:25

Yosua kavavia, “Mulairyae-fo-te, nta mulaawukwa-fo, kaaryen, mutire mirima mikaari mashika niindo Nndumi Iruva ashetanyaa vakiduva veru woose yewo mushekabanaa nawo.”

YOSUA 10:8

Nndumi Iruva kavia Yosua, “Lola kulasheeiryaa vandu yeva, mashika lola yeny shammaa ivavika maakony afo, nta nkwiiyo nndu ashekyaa mbee yafo-fo.”

YOSUA 3:7

Naasa Nndumi Iruva kavia Yosua, “Ni-inu yeni nshekung'anisaa mbee ya Israeli woose, naambo vamanye paa, mmbo shikee neewe shaasa llya shekee na Mose.

YOSUA 6:27

Naasa Nndumi Iruva kakaya Yosua, na nnduma wakwe ukakwaana kulya urukeny koose.

YOSUA 8:1

Naasa Nndumi Iruva, kavia Yosua, “Kulaawukwa nta kulairyaefo, Ipoo vandu woose va fira mweende Ai, na mangyi yeto wa Ai ekato shammuvika maakony afo sanda na vandu vakwe na muri wakwe na uruka lwakwe.

VALETI 6:14

Lyo Nndumi kallola kammbia, “Enda indo shaasa kukai, kundeauwa Israeli maakony a Vamidian, ni yeny shikeekuruma.”

1 SAMUELI 10:7

Neewe tana shaasa kulollye kyeeri efyo fishetanyikaa, mashika ni Iruva akee neewe.