YOSUA 1:6 - BIBILLYA Mareiyo Meele a Iruva

⁶ “Tira nrima nkaari neeva ntakusu, mashika ni yewe kushefitaa vandu yeva urukeny yelo shilevikkya vakuu vany kyaasa sheelyi mmbo nshevaniingaa.

YOSUA 1:6 Iomraidhean Croise

Mapookyony 12:7

Nndumi Iruva kakoora na Abram efo yooryeny kammbia, “Ufyari lwafo nshevaningaa uruka elu.” Nawe katannya-u Nndumi Iruva kitara kyeerasya yeto alekoora nawe.

Mapookyony 26:3

Kaa urukeny weny, neeny nkaa neewe, shikuvikye mbora, mashika nshekuniingaa ngyuruka eti toose yewe na ufyari lwafo. Na yeny nshenangisaa kyaasa kyakwa kilya shilevika na ndoo Abrahamu.

2 SAMUELI 10:12

Lyo va nkaari, lukuvike ukaari kimaruma kya ikira vandu veru, na Iruva weeru, nawe Nndumi Iruva nalutanyi ekyo kyansenya.”

1 VAMANGYI 2:2

Mwanakwa, ndesa kikwaani fyuumbe fyoose ifwa mikonu yakwe yammisya. Salala shumu, kuve nndu nkaari.

1 MBONY TA FYEERI 22:13

“Kwakooya kwaidima yiindya mavavaso alya moose Nndumi Iruva eniingya Mose kya ishillya vana va Israeli mmbo kuvaa wa ngoma. Kusirye Iruva, na yeengera finya, kulaereye kindo nta kutasawe-fo.

1 MBONY TA FYEERI 28:10

Kwiise nnu, kumanyi sheelyi, Nndumi Iruva ankusauwa yewe naambo kushentannya mmba ya mwiindye kwiipony kurunde mashora yoo.”

1 MBONY TA FYEERI 28:20

Naasa mangyi Davidi kavia nsero wakwe Solomoni, “Kulaereye, salala kyuumi, kurunde mashora yaa, nta kulatirwa nnyinyira-fo. Iruva munifinya, yeto Iruva wakwa, mmbo akaa na yewe kutani mashora yaandi asia yoo moose akundikye irundika kunu mmba ya Nndumi Iruva.

2 MBONY TA FYEERI 15:7

Indi yeni kapyeny ngoo, nta mulashewuya numa, mashika ni kuti mulollye mbusha ya mashora yaa mukerunda.”

2 MBONY TA FYEERI 20:11

Lolaany kindo vakeelutannya, mmbo vakeesha ilusoka uruka llwa kweluniinga luve masaa eru.

2 MBONY TA FYEERI 20:7

Ni yewe woi Iruva weeru, ni yewe kwaanta veni uruka yelu, kyeeri vandu vafo Israeli veanga kunu urukeny yelu kwaniinga vana va mmba ya Abrahamu mbuya yafo, luve uruka lwawo llung'anu.

SABURI 27:14

Vera Nndumi Iruva, Kaarya, nta kulautepa Vera Nndumi Iruva.

DANIELI 10:19

Kashivia, “Kimmba Iruva akukundye indo kulaereye-fo wuiywa mmuu, nta kindo kyimwi kilakuniinge usau nta ikweerese-fo.” Ekyaamba indo, shawuiywa mfinya mmwasi, shammbia, “Woi Nndumi shiviany ekyo kushiriye kwanshiviirya muu deny.”

HAGAI 2:4

Lyo mulasheefwa nrima-fo. Rundyeny mmba yei, neeny nkaa neeni.

SEKARIA 8:9

Nndumi Iruva muni matorito mmbo aamba: “Kaarye-ny! Yeni vandu, elyi mwiifo mwushiita mbony tuuka kaniny ka vakisuku, kupookya nkonu ulya nsuka wa mmba ya Nndumi Iruva muni matorito weveywa, naambo ikooye itanwa wiiya.

MEEKYENA 26:53

Vandu yeva mmbo vasheavioo uruka elo luve ding'u yaawo, wo nndu kyakwe.

MEEKYENA 33:53

llyo mutireny uruka yelo neekaa-fo, mashika mmbo shamuniinga uruka yelo luve ding'u yaany.

1 Vakorinto 16:13

Laleny shoovi. Salaleny shumu efo kikusiryony. Rundeny kyuumi muve vatakusu.

Vaefeso 6:10

Na kyingi-se, engereny iva vakaari mukee na Nndumi na wiidimi lwa finya yakwe.

NKUMBUYE WA UVAVASO 1:21

Nndumi Iruva, Iruva wafo mmbo alekuniinga uruka yelu, naasa ulaalu saamany kundetira uruka, shaasa Nndumi Iruva wa vakuu vafo alekuvia, nta kulairyee nta isavaa-fo.

NKUMBUYE WA UVAVASO 1:8

Loleny mmbo shamuniinga uruka yelu lukee mbee yaany, ndifon mundetira uruka elu Nndumi Iruva alevikya yaasa Abrahamu na Isaki na Yakobo sheelyi ashevaniingaa we na ufyari lwawo lwa numa.

NKUMBUYE WA UVAVASO 11:8

Nkyo mukalatya efi fyoose nkeemukumbura inu, muwoni finya neevangiswa yaanga urukeny elo efo mukeenda.

NKUMBUYE WA UVAVASO 31:23

Naasa kavavasya Yosua wa Nuni, kammbia, “Va ntakusu kutire nrima nkaari, mashika nnyewe kurwaa vana va Israeli urukeny yelo shilemuvikya kyaasa, Neeny nsheendaa shiryani neewe.”

2 Timoteo 2:1

Kyasiany, yewe mwana-kwa wona ikaariswa ni isarya lya Kristo Yesu.

YOSUA 1:18

Nndu moose yeto araa nalasora efyo fyoose kuluvavasyaa, nawaawa. Lyo va ntakusu kutire na nrima nkaari, kyo kyeni mmbo kifye!”

YOSUA 1:7

Va nkaari nnu kuve ntakusu. Lola nnu kutani shaasa nsero wakwa Mose alekuvavasya. Kulaevekye mbai taari yei ao yei-fo, llyo kushevikyoo mbora findony fyafo fyoose.

YOSUA 1:9

A nshi yeny shilekuruma va ntakusu kutire nrima nkaari! Kulasheereyaa nta isavaa, mashika Nndumi Iruva, Iruva wafo mmbo akee neewe ando koose kusheenda.”

YOSUA 10:25

Yosua kavavia, “Mulairyae-fo-te, nta mulaawukwa-fo, kaaryen, mutire mirima mikaari mashika niindo Nndumi Iruva ashetanyaa vakiduva veru woose yewo mushekabanaa nawo.”

YOSUA 13:6

na vandu yewo woose vakaa urukeny lwa fidooro lwa Lebanon fika Misrefot maimu, vandu va vayo ni Vasidoni, neewo woose mmbo vashuumbutwaa woose wooke mbee ya vana va Israeli naambo Israeli vaniingwa kuve kwawo shaasa kulevavasyo.

YOSUA 18:3

Naasa Yosua kavia vana va Israeli, “A mmbo muvaa vapeere indi fika indii mulakundye ikutakura itira uruka elu Nndumi Iruva wa vandeye vany alemuniinga?”

YOSUA 21:43

Nndumi Iruva mmbo aleniinga Israeli uruka elo loose, shaasa alevika kyaasa mbo ashevaniingaa, kuve kwawo.

YOSUA 5:6

Mashika vana va Israeli mmbo valeenda ando a myaaka makumi aana kulya kasa, kutani vandu vaniini woose valeuka Misri valesarumya kulya kasa kalya llya valera valaaranya unyanga lwa Nndumi Iruva, llyo Nndumi Iruva alelya mboo, nnasheraa valollye uruka yelo Nndumi Iruva alevikya vande vawo kyaasa ashevaniingaa, uruka lwiishwe malela na wuki.

1 SAMUELI 4:9

Kaaryeny kyuumi yeni Vafilisti, mulasheeva mashinga a Vaebrania yewo shaasa wo valemmba mashinga eru. Shamuvia kaaryeny kyuumi mukapani nawo.