YOSUA 1:5 - BIBILLYA Mareiyo Meele a Iruva

⁵ Nkushekaafo nndu moose ashiidimaa ikukikisa yoo mbee yafo kyeeri kyoose, kya mu wafo-fo, na shaasa shekee na Mose shansongoya, niindo nshekaa neeweda, shilakuraa nta ikwaanguya.

YOSUA 1:5 Iomraidhean Croise

Mapookyony 39:2

Nndumi Iruva ekee amwi na Yosefu, nawe kammbesya nnu, nawe kava mwikaa mmba kwa nndumi wakwe, we Mmisri eto.

1 VAMANGYI 1:37

Ndesa Nndumi alekusongoya yewe mangyi kyiveeva indo kwa Solomon. Navikywa mbora efo ushilyiny lwakwe.

1 VAMANGYI 11:38

Kwakooya kweeta na yaaranya shaasa shiifo shikuvavasyaa, kwawetana fya usumanu mbee yakwa kwaveiinndya mavavaso akwa sha Davidi nndundi wakwa, naasan mbo nshekaa ando amwi na yewe shikutannye mmba ya toki, sha llya lletannya Davidi llyoony nshekuniingaa Israeli.

1 VAMANGYI 6:13

Mmbo nshekaa nnang'ani ya vandu vakwa Israeli kunu mmba yei kukeishitannya nta nshishemuraa-fo”

1 VAMANGYI 8:57

Nndumi Iruva weeru akee na yese ndesa alekaa na vakuu veru, nalashelurekywa nta ilureeya kwasha.

1 MBONY TA FYEERI 28:20

Naasa mangyi Davidi kavia nsero wakwe Solomoni, “Kulaereye, salala kyuumi, kurunde mashora yaa, nta kulatirwa nnyinyira-fo. Iruva munifinya, yeto Iruva wakwa, mmbo akaa na yewe kutani mashora yaandi asia yoo moose akundikye irundika kunu mmba ya Nndumi Iruva.

SABURI 46:11

Nndumi Iruva wa matorito akee kyaalu kyeru, Iruva wa Yakobo mmbwe kirishyony kyeru.

YUUKA 3:12

Kaamba, “Ni dede yeny nkaa neewe; na kyoora sheelyi yeny shankuruma ni indi, kyeeri kumaa yuuta-fo vandu yewo efo Misri, mmbo musheinndyaa Iruva yaa ifumbuny elyi.”

ISAYA 42:16

Mmbo shisheendee vafu miso vaire shia valaishi, shivatetere shieny valaishi. Shisheallwaa ireema lyive sa mbee yaawo, na ando a imungo ave kurambalalyi. Efi shishevatannyaa nta nshivaraafo.

YEREMIA 1:8

Yewe kulaereye vandu yevo-fo, kimmba mmbo shikee neewe nkuringe. Ni yeny Nndumi Iruva shaamba indo!”

DANIELI 11:16

Kyeeri vamisa yewo vashevasheyaa, mmbo vashevatannyaa ndesa vakunda, kulakaa-u nndu akarya irera nawe; ashekaa efo urukeny lutiri itumbe, vaishillye kuleefo kindo kivaimaa.

Matayo 28:20

Na yeni manyiny-te, nkaa neeni mikonu myoose kufike yoo masiiyony a ulana.”

Varome 8:31

A kya efyo fyoose lukaambany inda? Iruva kankaa taari yeeru ni vi ashiidimaa ilukyinga?

Varome 8:37

Kyaindi nnang'ani ya efyo fyoose mmbo lukeevinga na mmwasi yeevinga, kyeendwa mmbwe yeto alukunndye.

NKUMBUYE WA UVAVASO 20:1

Kyeeri kwakupoo yeenda fireny, neewe kwalollya frasi na mitika na vandu veengyi ngota yeni, lola kulavaereye-fo, kimmba elyi Nndumi Iruva, Iruva wafo akee neewe, yeto alekusaamisa akuuta kulya Misri,

NKUMBUYE WA UVAVASO 20:4

mashika ni Nndumi Iruva waany, ariani neeni nandemukapannya na vakiduva vany, naambo namwaauwe.

NKUMBUYE WA UVAVASO 31:23

Naasa kavavasya Yosua wa Nuni, kammbia, “Va ntakusu kutire nrima nkaari, mashika nnyewe kurwaa vana va Israeli urukeny yelo shilemuvikya kyaasa, Neeny nsheendaa shiryani neewe.”

NKUMBUYE WA UVAVASO 4:31

Kimmba Nndumi Iruva, Iruva wafo akee muni isarya, nnarengaafo, nta nnyakukapaa-fo, ni elyi nalarekyoo kyaasa kilya alevikya vakuu vany evalyiyaa mboo.

NKUMBUYE WA UVAVASO 7:24

Na vamangyi vawo mmbo vashevikwaa maakony afo, na irina lyawo lyireke kulu, na nkwiifo nndu ashekyaa mbee yafo-fo.

2 Timoteo 4:17

Lyo Nndumi mmbo aleshisalallya kashiniinga finya, naambo, kyeendwa ni urundi lwakwa naambo nrumi yeyo yaambawa kisumani, naambo vandu va masanga moose veete; neeny lyo shaauwa efo kaniny kya miiso.

Vaebrania 13:5

Mulatire ngaa yekunda fesa-fo; fureny neefyo mutiri; mashika we muni mmbo aleamba, “Nshishekwaanguyaa nta-fo, nta nshishekuraa-fo.”

YOSUA 1:17

Shaasa lulearanya Mose findon fyoose, niindo-da lushekwaaranyaa yewe, Nndumi Iruva wafo nakukaye, shaasa ekee na Mose.

YOSUA 1:9

A nshi yeny shilekuruma va ntakusu kutire nrima nkaari! Kulasheereyaa nta isavaa, mashika Nndumi Iruva, Iruva wafo mmbo akee neewe ando koose kusheenda.”

YOSUA 10:8

Nndumi Iruva kavia Yosua, “Lola kulasheeiryaa vandu yeva, mashika lola yeny shammaa ivavika maakony afo, nta nkwiiyo nndu ashekyaa mbee yafo-fo.”

YOSUA 21:44

Naasa Nndumi Iruva kavevaniinga ufoo taari toose, shaasa alevikya vande vawo kyaasa, nta efo kwa vakiduva vawo nkwiifo nndu alekukikisa mbee yaawo-fo. Nndumi Iruva mmbo alevika vakiduva vawo maakony awo.

YOSUA 3:7

Naasa Nndumi Iruva kavia Yosua, “Ni-inu yeni nshekung'anisaa mbee ya Israeli woose, naambo vamanye paa, mmbo shikee neewe shaasa llya shekee na Mose.

YOSUA 6:27

Naasa Nndumi Iruva kakaya Yosua, na nnduma wakwe ukakwaana kulya urukeny koose.

VALETI 2:18

na Elyi Nndumi Iruva alevavikya valeti yewo, Nndumi Iruva kakaa nawo, kavaringa kyeeri kyoose kya valeti yewo, kavaauwa maakony a vakiduva vawo, mashika Nndumi Iruva mmbo alevalyillya elyi alelola shaasa vakiduva vawo valevasisya neevasaveesa,

VALETI 6:16

Naasa Nndumi Iruva kammbia, “Yeny mmbo nshekukayaa, kukabe Vamidian sheelyi kukabaa nndu umwi.”

1 SAMUELI 10:7

Neewe tana shaasa kulollye kyeeri efyo fishetanyikaa, mashika ni Iruva akee neewe.