YOSUA 1:4 - BIBILLYA Mareiyo Meele a Iruva

⁴ Minyanu ya uruka lwany ni indi, taari ya sinde ni kasa koomu taari ya ndoo ni mafumbu a Lebanoni, taari ya ngama ni mura ulya nniini Efrati na iira uruka loose lwa Vahiti kundekooya yeeve lya Meditarenia taari ya nkwaany.

YOSUA 1:4 Iomraidhean Croise

1 VAMANGYI 10:29

Ikari lyeshiidima yuurwa lyuka Misri kwa Shekeli mayana arindaru ta fesa, na frasi kwa iyana na makumi araru; ni indo valetannya vamangyi woose va Vahiti na Vashamu vakaveengye mitika na frasi.

1 VAMANGYI 4:21

Solomon mmbwe eshillye mangyi toose kupookya mura Eufrate kundefikya uruka lwa Wafilisti kundefika nnyanuny na Misri. Vandu va masanga moose vakandundya sanda na inniingya kodi kyeeri kyoose kya muu wakwe.

1 MBONY TA FYEERI 18:3

Davidi kaengera-se ikapa Hadadeseri mangyi ya Soba, uruka lufiitani na Hamati, na mmbo etana indo mashika elollya nkufii nafike indeseleesa bendera kulya minyanuny ilya ifitani na Eufrate taari ya ndoo.

1 MBONY TA FYEERI 5:9

Kimmba vetiri nnu findo fya mmba fingyi, mmbo vekwaana taari ya ngama koose kutani vandefikya kasa koomu fika mura Eufrate.

ESRA 4:20

Nalyo mmbo kweifo vamangyi vatiri nnduma efo Yerusalemu, valya valeshillya uruka loose elo lukee taari ya nkwaany ya mura wa Efrati, vakasannyo usanu na ukamba na udedemi.

YUUKA 23:31

Neeny nshekuvikkyaa nnyanu uka yeeve ya Shamu fika yeeve ya Vafilisti na lyingyi kupookya kasa fika mureny, mashika mmbo nshevikaa vandu va vayo maakony afo varishe mbee yafo.

NKUMBUYE WA UVAVASO 1:7

indukeny ulaalu mwiiboo kyaaro musore shia ya mafumbu a Vaamori, na kufii nang'u yoo Araba, na uruka lwa fidooro-fidooro, na Shefela na Negebu, na mbaa-mbaa ya uruka lwa va Kanaani, na Lebanoni, kundekooya mura yeto niini nto Frati.

NKUMBUYE WA UVAVASO 11:24

Na wo ando mushevaryaa mmbo kuvaa kwany, pookya kasa eko na Lebanoni, pookya mura wa Frati fika yeeve lya taari ya nkwaany, kuve nnyanu wany.

NKUMBUYE WA UVAVASO 3:25

Neeny mmbo shakutereva woi mmbe, shiruuke Yordan shilole uruka yelo usha, na ifumbu elyo isha, na Lebanon.

Usukuyony 9:14

lwiiviaa nsu ulya wa karindaru etiri iranda, “Porommwa na vasu valya vaana vakee vafingye kulya mureny ulya nniini to Frati.”