Yohane 8:44 - BIBILLYA Mareiyo Meele a Iruva

⁴⁴ Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

Kyaasa Kiiya

⁴⁴ Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

Yohane 8:44 Iomraidhean Croise

Mapookyony 3:15

Neeny nshevikaa kiduva kyafo na kya nka eto Na nnang'ani ya ufyari lwafo na lwa nka, Ufyari lwakwe lushekupeetaa nrwe, Neewe kushemwaasa tutun.”

1 VAMANGYI 22:22

Nndumi Iruva kammbesa, Mmbo kullembaa inda? Kammbia mmbo nshendaa shive mumuyo wa wongo efo kaniny ka vakisuku vakwe woose. Kaamba, ‘Shammiirikya kushiidimaa illemba dede, enda kwandetana indo.’”

1 MBONY TA FYEERI 21:1

Satana kalemba Davidi kaekyena vana va Israeli, kimaruma kya ikunda ikapanisa vana va Israeli.

YOBU 1:11

Indi ulaalu ankye orrwa woko lwafo nsi kwapaana masaa akwe kwara kulalollya akwaarara kisisi!”

Matayo 12:34

Yeni ufyari lwa shoka a ni inda mushiidimaa irera kisha mummbe vakasha? Mashika efyo fiishwe efo nriminy mfyo kana kafirera.

Matayo 13:15

Mashika vandu yeva ngoo tawo tammba shuumu. Nawo vakava varoo yaaranya. Na miso awo vakasingira, naambo valakooye ilollya, nta iipuye kindo na maarwi awo, nta iipuye kindo na ngoo tawo wooke efo shieny tawo na yeny shivakire.’

Matayo 13:38

Na irema elyo ni ulana yelu. Na mbeu yeto shisha ni vana va efo umangyi ny. Na mamburu yoo ni vana va yeto nkasha.

Yohane 6:70

Yesu karouwa, “A nshi yeny shimuni shilemukusauya yeni ikumi na vavii? Na efo nnang'ani yaany umwi kawuya iva mmbishwa?”

Yohane 7:17

Kwakooya nndu akunda itana ekyo kikundywa mmbwe, mmbo akooyaa imanya kya ufundo yelo lwakwa, kwakooya sharera kyuuka na shila yakwa shimuni.

Yohane 8:38

Yeny kindo shilollye efo kwa Nde nkyo nshaambaa. Naasany neeni kevetaniny ekyo mwamiita muuta efo kwa Nde.”

Yohane 8:41

Yeni mmbo mwava veetana mitannyi ya nde yeto waany.” Vakammbia, “Yese lluwonikye kyuuka na utuusi-fo. Mmbo lutiri Nde umwi-da, ni Iruva.”

Yohane 8:55

Nta mulamwiishi. Kya indi yeny shimwiishi. Na kwakooya shaamba, nshimwiishi mmbo shava mwoongo sheeni. Kya indi shimwiishi na kirero kyakwe shavekiringa.

Mashora 13:10

kaamba, “Ewe kwiisshwe ntambo na uravi loose, mwana wa yeto Nkumbi, nkiduva wa usumanu, a ndesa nkuraa yeeveta shia ta Iruva tikee shoorotu?”

Mashora 24:9

Vayuda nawo vakankumba kya mbony yeto sheni.

Mashora 5:3

Petro kavia Anania, “Nkyiki elyi mmbishwa akaya nrima wafo kwavia Mumuyo Mweele wongo, kwasuruma kirisi kyenga kya wuuru lwa irema?

2 Vakorinto 11:3

Kyaindi mmbo sheereiye, shaasa shoka ilya ilelemba Eva na ntambo, mulasheilyamarika makusaro any, mure umamiri na usha lwany kwa Kristo.

1 Petro 5:8

Veny na mwiiyanu muvelala shoovi; mashika nkumbi yeto waany we mmbishwa, mmbo avakye miiso idinaa, itivaa-tivaa efo na efo iiruyaa nndu inratwe-ratwe.

2 Petro 2:4

Mashika kwakooya kulaore Iruva aleauwa vasu valya valelyamara indi kaveera irininy evavikaa kifingyony kya ireema, varingyo-u kutani yaanduywa lyasha.

1 Yohane 1:8

Kwakooya lwaamba llutiri ulyamari mmbo lwakulemba luveni, nta dede nnyikee nnang'ani yeeru-fo.

1 Yohane 2:21

Nshilemureiya yeni-fo, mashika elyi mulaishi dede, kyaindi elyi muyiishi, neelyi kulaore kwiifo nta wongo lumwi luukye efo dedeny yeyo.

1 Yohane 2:4

Yeto ashambaa, shammumanya, lyo kara nalaringa mavavaso akwe, mmbo akee mwoongo, nta dede nnyikee nnang'ani yakwe-fo.

1 Yohane 3:12

Nshi sha Kaini alekaywa ni nravi ulya, kawaa mwanawo-fo. A mmbo alemmbwaa kimaruma kyeeki? Mmashika elyi mashora akwe ekee maravi, na alya a mwanawo akava a usumanu.

1 Yohane 3:15

Wo nndu mwiswa mwanamaye mmbo akee mwiiwaa, na yeni mmbo mwiishi ninsha sheelyi mwiiwaa nnyatiri muu wa llung'anu nnang'ani yakwe-fo.

Yuda 1:6

Naakwa ni vasu va iruveeu valya valera valaringa itumbe lyawo veni, vakakillya nnyanu wawo ulya ukwaani nawo, mmbo alevafinga llung'anu vakae ireeminy vavere uvingo lwa nkonu ulya nniini.

Usukuyony 12:9

Shoka yeyo ikafwallyo si, shoka yeyo shiniini, shoka nguu, ivaangwaa Nkumbi na Satana, yeto mwireta ulana loose, keerwa ulaniny, na vasu vakwe ando amwi nayo.

Usukuyony 13:14

Nalyo lyikareta valya vakee ulaniny, kyeendwa ni ngyende tilya lyileniingwa wiidimi lwa itoora mbee ya ifisi llya, vakavia valya vakee urukeny vasongosye ifwanu lya ifisi llya lyetiri itiinga lya usu lyo lyikakaa na muu.

Usukuyony 2:10

Kulairyee efyo fikaa fikusheye-fo. Lola-te, yeto Nkumbi mmbo ashekumbaa vengyi vany kifingyony naambo kive kyeeso kyany, na yeni lyo mushekaa fyuureny ando a mikonu ikumi. Kusirye-u fika ifwa, na yeny nshekuvikaa ureto lwa muu.

Usukuyony 21:8

Lyo yewo veerei na yewo valairikye, newo veende unyafi, na veewaa, na vasavi, na vatuusi, na veindya maruva a wongo, na vaongo woose, waavi lwawo ni kulya iruveny llya lya muro wa kibiriti. Yelu llo ufu lwa kavii.”

Usukuyony 22:15

Efo poo mfite fefoo, na vasavi, na vatuusi na vewaa, na yewo veindya maruva a wongo, na wo nndu yeto alangye wongo na itana fya vayo.

Usukuyony 9:11

Nato mmbo titiri mangyi yaawo mmbwe nsu nka wa si kwa vafu, na irina lyakwe kwa Kiebrania ni Abadoni, na kwa Kigriki ni Apolioni.