Yohane 6:51 - BIBILLYA Mareiyo Meele a Iruva

⁵¹ Yeny mmbwe nkate wa muu yeto uleoloka wuuka iruveeu. Na nkate yeto kwakooya nndu aulya nnyashefwaa-fo. Na nkate yeto shinsimbaa ni mwiili wakwa shyoonisye nato ulana yelu muu.

Kyaasa Kiiya

⁵¹ Yeny mmbwe nkate wa muu yeto uleoloka wuuka iruveeu. Na nkate yeto kwakooya nndu aulya nnyashefwaa-fo. Na nkate yeto shinsimbaa ni mwiili wakwa shyoonisye nato ulana yelu muu.

Yohane 6:51 Iomraidhean Croise

Matayo 20:28

Niindo-da kivekai, Mwana yeto wa nndu nshi asheye irunndyo-fo, mmbo asheye we nave nndundi navevika na muu wakwe uve kiraso kyeewouwa veengyi.”

Luka 22:19

Nalyo kaipoo nkate kaana Iruva, kaufisha-fisha fyenga, kavaniingya kaamba, “Ekyi ni mwiili akwa [nato wiifo urambikyoo-u kimaruma kyany. Neeni kevetaniny indo kya ishikummbwa.”

Yohane 1:14

Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Yohane 1:29

Na elyi lya ndesi kalollya Yesu eensheyaa kaamba, “Akakai Ngurana ya Iruva ishiipoo ulyamari lwa ulana.

Yohane 11:26

Na wo nndu aifo na muu kakusirya neeny, nnyakikooya-se ifwa-fo, na kafika llung'anu. A yewe kwakusirya-u indo?”

Yohane 3:13

Nta nkwiiyo nndu alenrwa na efo iruveeu-fo, kulaore ni ulya aleoloka auka iruveeu, mmbwe Mwana yeto wa nndu.

Yohane 3:14

Na shaasa Mose alerosa shoka ilya kulya kasa, na kya Mwana yeto wa Nndu mmbo kikee kirummbwe naveroswa indo-da,

Yohane 3:16

Iruva mmbo eekunndye ulana karuma Mwana wakwe wa ngitany naambo wo nndu akusirye nawe nalakooye ireka kyeendi nawoni muu wa llung'anu.

Yohane 3:36

Na nndu akusirye na Mwana yeto, mmbwe awarya muu wa llung'anu. Na nndu anra nalairikya mwana yeto nnyasheonaa muu-fo, we ni unyafi lwa Iruva lunkaye.

Yohane 5:24

Ni dede kya dede shamuvia, “Nndu asharanyaa ndera yakwa kavekusirya na yeto aleshiruma, mmbwe ammbwarya muu wa llung'anu, nta nnashiitwaa mwaandun-fo. Mmbo ammbuka ufuny; kandeanga muuny.

Yohane 6:33

Mashika nkate wa Iruva nto yeto wooloka wuuka iruveeu ukaniinga ulana yelu muu.”

Yohane 6:35

Naasa Yesu kavavia, “Yeny mmbwe nkate yeto wa muu! Nndu akusheya na kwakwa nnakitirwaa nshaa-se-fo. Na nndu kakusirya kwakwa nnatirwaa nyura-se-fo.”

Yohane 6:41

Naasa Vayuda vakarininda kyakwe mashika elyi aamba, “Yeny mmbwe nkate yeto uleoloka wuuka iruveeu.”

Yohane 6:47

Ni dede kya dede shamuvia, Yeto akusirye-u mmbo ammbwarya muu wa llung'anu.

Yohane 6:48

Yeny mmbwe nkate yeto wa muu.

Yohane 6:50

Indi nkate yeto shaamba nto woolokye wuuka efo iruveeu, naambo vandu vaulye valakikooye-se ifwa.

Yohane 7:38

Nndu akusirye neeny, kyakwe mmbo kivaa shaasa kikee kireiye kyeamba, ‘Nndu yeto efo nyaminy takwe kusherukaa-fo ngyusoka ta mura wa muu!’”

2 Vakorinto 5:19

Nkyo kyaamba Iruva mmbo ekee nnang'ani ya Kristo, ekusandaa we muni na ulana, nalaveekennyi uravi lwawo, nawe kavika nnang'ani yeeru irero elyo lya usandi.

2 Vakorinto 5:21

Yeto nalaishi ulyamari mmbo aleva llyamari kimaruma kyeru, naambo yese lukooye iva usumanu lwa Iruva kyeendwa mmbwe.

Vaefeso 5:2

mukae na ukundi shaasa na Kristo alevelukunda yese, kutani akuvika-u kimaruma kyany, kava kiraso kwa Iruva, kive nrungo nsha ufwaamaa.

Vaefeso 5:25

Yeni womi, kundeny vaka vany, shaasa na Kristo nawe alevekunda siri, kakuuta we muni kimaruma kya vayo.

Tito 2:14

yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.

Vaebrania 10:20

shia ilya aleloora shiiya, itiri muu, ishiraa isulyeny, nto mwiili wakwe;

1 Petro 2:4

Endeny kwa yeto akee iwe lyitiri muu, yelyo vandu valelyilema, kyaindi kwa Iruva mmbo lyikee isauwe, lyikavetira nnduma.

1 Yohane 2:2

Nawe mmbwe nsandi kimaruma kya ngyulyamari teru; nta nshi kya ngyulyamari teru yese-da-fo, kyaindi na ta ulana loose.

1 Yohane 4:10

Na ukundi weni llo elu, nshi yese lulekunda Iruva-fo, mmbwe alelukunda yese, katana aruma Mwana wakwe naambo ashelusanda nawe elutaa ulyamariny.

1 Yohane 4:14

Neese mmbo lwallollya na ikureekya sheelyi we Nde mmbo aleruma Mwana wakwe nave Mwikira wa ulana.