Yohane 4:22 - BIBILLYA Mareiyo Meele a Iruva

²² Yeni mmbo mwiindyaa kindo mulakiishi, neese lukaindya kindo lukiishi. Kimmba efo kwa Vayuda mfo kundo kuukye ukiro lwa vandu.

Kyaasa Kiiya

²² Yeni mmbo mwiindyaa kindo mulakiishi, neese lukaindya kindo lukiishi. Kimmba efo kwa Vayuda mfo kundo kuukye ukiro lwa vandu.

Yohane 4:22 Iomraidhean Croise

Mapookyony 49:10

Mbiiri ya umangyi nyisheukaa kwa Yuda-fo, Nta mwiruuya usumanu yoo marendeny akwe-fo, Kutani asheshaa yeto muni ushilyi, Mmbwe masanga moose ashemwiindyaa.

ESRA 4:2

vakasheya Serubabeli na vasongoru va ngyufyari ta vakuu, vakavavia, “Lutani mmba yei loose, mashika naakwa ni yese mmbo lwiinndyaa Iruva sheeni, neese mmbo lumuutyaa firaso uka kyeeri kya Esar-hadoni ekee mangyi ya Ashuru, na mmbwe yeto alelweende yaa”

SABURI 147:19

Kaongoya Yakobo irero lyakwe Na Israeli kanniinga mavavaso akwe,

SABURI 68:20

Iruva weeru mmbwe Iruva wa ukiro lweru! We akee Nndumi kalukira ufu.

ISAYA 12:2

Iruva mmbwe mwikira wakwa, mmbwe shimmbikye nsia, nta nshishereyaa-fo Iruva munifinya, mmbwe finya yakwa we mmbwe mwiikira wakwa.”

ISAYA 12:6

Oniseny unyanga mwiimbe kwa unyanga uniini na ifura yeni vandu va Sioni! Mashika yeto mwiitana finiini nnang'ani yaany mmbwe Iruva mweele wa Israeli.”

ISAYA 2:3

Na vandu veengyi vasheshaa veeshaamba, “Oshony lushealukya ifumbuu lya Nndumi Iruva mmba ya Iruva wa Yakobo, naambo akooye ilulosha meengye yakwe, naambo lwiidimi ilatya shia takwe.” Mashika mavavaso mmbo ashooka Yerusalemu na irero lya Nndumi Iruva lyishooka Sioni.

ISAYA 46:13

Yeny shisheendee kufii usumanu lwakwa, llushekaa kwaasha, na ukiro lwakwa llushekyeywaa-fo; na Yeny shishevikaa ukiro efo Sioni kimaruma kya Israeli, usuri lwakwa.

SEKARIA 9:9

Kapeny kilewa eni vandu va Sioni! Kapeny kyoorongye eni vandu va Yerusalemu! Loleny mangyi yaany akee musheya, mmbo akeesha amma ivinga neefura iniini, eekunnyise, eesamye nshungu, ngashe ya nshungu, na mwana wa nshungu.

Luka 24:47

Nalyo kandekapwa weele kyikee kya irina lyakwe efo kwa vandu va masanga woose vaalashike efo nriminy vakooye ifwaaywa ulyamari lwawo, kipookya kunu Yerusalemu.

Mashora 17:23

Mashika kyeeri shekeiira efo neefo neelollya mbony ta miindye yaany, mmbo shilelollya kitara kyeerasya kyikee kireiye, KWA IRUVA NALAISHIWA. Kyasiany, yeny mmbo shimuviaa mbony ta yeto mukeemwindya kulaore mumwiishi.

Mashora 17:30

Naasa, fyeeri filya fya ireema Iruva mmbo aleva sheelyi nalalollye, indi ulaalu mmbo avavasya vandu woose va wo ando vakurye.

Mashora 3:26

Iruva, llya alemaa iruta nsero wakwe Yesu, mmbo alesongwa inruma kwany, namulyimyi mbora eshiitaa maravi moose kwaasha neeni.”

Varome 11:18

lola kulashekurumisha mbee ya maramba yoo; awooye kwakooya kushekurumishaa, nshi yewe kurye isinde elyo-fo, ni isinde elyo lyikurye yewe.

Vaebrania 7:14

Mashika nkindo kya paa Nndumi weeru mmbo ookye efo ufyariny lwa Yuda, na Mose nnyalererau kya ufyari yelo kyikee kya ukohani-fo.