Yohane 4:12 - BIBILLYA Mareiyo Meele a Iruva

¹² A mmbo kukee nniini kwairya nde ulya weeru Yakobo, yeto aleluniinga kirori eki kya mura? Nawe nng'u aleva mwiina mura we muni na vana vakwe na findo fyakwe amasye.”

Kyaasa Kiiya

¹² A mmbo kukee nniini kwairya nde ulya weeru Yakobo, yeto aleluniinga kirori eki kya mura? Nawe nng'u aleva mwiina mura we muni na vana vakwe na findo fyakwe amasye.”

Yohane 4:12 Iomraidhean Croise

Matayo 12:42

Mangyi ilya ya kyika ya kulya taari ya sinde mmbo ashekwiipoo nkonu yeto wa mwaandu nasalale amwi na irika elyi nalyuutye uvingo. Shamashika, we alesha auka kishingony kya masanga nandearanya ufundo lwa Salmoni. Na ekyi kyikee yaa akakyi nkiniini kikailanya Salmoni.”

Yohane 4:13

Yesu kaallwa kammbia, “Wo nndu ana mura yeu mmbo awuyaa yaakuka-se.

Yohane 4:20

A vande valya veru mmbo valeindya Iruva kunu ifumbuny elyi. Neeni mukaamba, kulya Yerusalemu mfo kundo kusumani iindya Iruva.”

Yohane 4:5

Naasa kafika muriny umwi wa kulya Samaria uvaangwaa ni Sikari ukee kufii na irema llya Yakobo aleniinga mwana ulya wakwe Yosefu.

Yohane 4:6

Nafo kweifo usoka llwa lwa Yakobo. Naasa Yesu kakooya amaariswa nkyaaro kakaa-u rembo indo yoo usokeny, kyeeri mwi usimbiki.

Yohane 8:53

A mmbo kukee nniini kwailanya nde weeru Abrahamu, nawe alevefwa-da? Na vakisuku vakavefwa-da. A mmbo kwakwaallwa sha vi?”

Vaebrania 3:3

Mashika we mmbo akee nninge itumbe mmwasi ngota Mose, kimwi sha nndu mwisongosya mmba awona nnduma ngota mmba yeyo.