Yohane 3:2 - BIBILLYA Mareiyo Meele a Iruva

² Nawe kansheya elyi kio kammbia, “Llori lwiishi mmbo kukee llori kuukye kwa Iruva muni, mashika kulaiyo nndu ashiidimaa itana efyo fya wende kwatana yewe kwakooya kulaore Iruva akee nawe.”

Kyaasa Kiiya

² Nawe kansheya elyi kio kammbia, “Llori lwiishi mmbo kukee llori kuukye kwa Iruva muni, mashika kulaiyo nndu ashiidimaa itana efyo fya wende kwatana yewe kwakooya kulaore Iruva akee nawe.”

Yohane 3:2 Iomraidhean Croise

1 VAMANGYI 17:24

Nka ulya kavia Elia, ulaalu shammanya yewe mbwe nndu wa Iruva, na Irero lya Nndumi Iruva kaniny kafo ni lya dede

ISAYA 51:7

Shaarannyi, yeni mwiishi usumanu, yeni vandu mutiri mavavaso akwa miriminy yaany; mulairee fyararo fya vandu, nta mulasavae kimaruma kya fiila fyawo.

YEREMIA 38:16

Llyo mangyi Sedekia alevia Yeremia kirika, kashivikya kyaasa, kaamba, “Mmbo shalya mboo na Iruva akee na muu, Iruva yeu alutirye-u na muu, sheelyi nshishekuwaa-fo, nta ikurambikya kwa yewo vakundye ikuwaa-fo”

Matayo 22:16

Vakanrummya vakiloshyony kyawo varyani na vandu vatiri mbuya na Herode, vakaamba, “Ale llori! Lwiishi mmbo kukee nndu mwiirera fya dede na shia ya Iruva kwaveifunda kya dede, kulalolaa nta fisangu fya vandu.

Matayo 23:7

Na fiidikiro fya vandu efo singireny, na ivaangwa valori mmbandu.

Matayo 23:8

Indi yeni nta mulavaangwa valori mashika llori yeto waany aifo ni umwi, neeni moose mukainana.

Marko 12:14

Vakasha nang'u vakammbia, “Ale llosha lwiishi mmbo kukee nndu wa dede kulasarye nta nndu. Nyelyi kulakee nndu mwilola fisangu fya vandu. Mmbo kuloshye shia ya Iruva kya songosiny. A ndesa kwiifo mumu weevikya Kaisari ukamba ao oode? A lukanninga aa lukara?”

Yohane 1:38

Yesu kainduka kavalola elyi vallatya kavavia, “Ekyo mwasia nkyoki?” Nawo vakammbia, “Rabi! Nakyo kwaallwa ni kimwi na llosha. A nkwi kukaa?”

Yohane 10:38

Indi kwakooya mmbo shaatana, na kyikava mulakusirye neeny shimuni, kusiryeny na mashora yoo-te, naambo mweende mwiimanyaa na iipuye Nde mmbo asasangyi neeny, neeny nsasangi na Nde.”

Yohane 12:37

Naasa lla ndesa aleva mwiitana findo finiini indo velollye fya iwoora ngyende, nawo nta valakunde ikusirya-u.

Yohane 14:10

A mmbo kulakusirye-u sheelyi yeny mmbo nsangyi na Nde, na Nde kasanga neeny? Na marero yoo shaamba nta nshaarera auka kwakwa shimuni-fo. Ni Nde akaa asangyi neeny mmbwe ava mwirunndya-u mashora akwe.

Yohane 15:24

Kukooye kulaore shiletana mashora alya efo nnang'ani yaawo alya nndu ungyi nalandeetani, mmbeetiri uvingo lwa ulyamari-fo. Indi ulaalu mmbo valollye-da vakaveshisua yeny na Nde-yaakwa vakavensua.

Yohane 2:11

Nkyo kindo kyeeora wende kya mbee Yesu aletana kulya Kana ya Galilaya, kaora usuri lwakwe paa na valya vakiloshyony kyakwe vakautau ikusirya nawe.

Yohane 20:16

Yesu kammbia, “Maria-ro!” Nawe kainduka kammbia, kwa Kiebrania, “Raboni!” Nakyo mmbo kyaamba, “Llosha wakwa!”

Yohane 3:26

Vakasha na kulya Yohane akai, vakammbia, “Ulya ekee neewe kulya kwa kulya ya Yordan ulya kulemmbikya ukureeki, akakato ee-fo abatisaa na vandu woose vakamweengya.”

Yohane 4:31

Kikeeny yoo nnang'ani yeu, valya vakiloshyony vakantereva vakaamba, “Llori lyaan-te!”

Yohane 5:36

Indi yeny ukureeki lwakwa shitiri ni uniini lukailanya lulya lwa Yohane, kimmba mashora Nde aleshiniinga naambo shaainutye nng'u yoo meni shiifo nndundaa. Nang'u akava nng'u ukureeki lwakwa kyeamba ni Nde aleshiruma.

Yohane 6:2

Na vandu vakansora nseemu mwiingyi mashika velollya filya fya wende atana fyeekira vandu valwee.

Yohane 7:31

Naasa efo mamwiinginy wa vandu veengyi vakauta-u ikusirya nawe. Vakaamba, “Kyeeri Kristo asheshaa mmbo asheengeraa itana fya ngyende fiingyi ngota efyo nndu yeu aletana?”

Yohane 9:16

Naasa Vafarisayo valya maata vakaamba, “Nndu yeu nshi nndu aukye kwa Iruva-fo, kimmba nalashiinndyaa Sabato.” Vengyi vakaamba, “Kukooye ni nndu llyamari a niinda eeshiidimaa itana fya wende fya ngata yeyo.” Nalyo vakaraukana.

Mashora 10:38

mbony ta Yesu wa Nasareti, shaasa Iruva alemwaamba mafura na shia ya Mumuyo Mweele na finya, nawe karingitya efo neefo erundaa mashora mesha neeshiisa woose veeke vafote ni yeto nkasha; mashika Iruva eeke nawe.

Mashora 2:22

“Yeni vandu va Israeli, arannyeny marero yaa; Yesu wa Nasareti, nndu ulya Iruva amoora paa kyany na shia ya ngyende na findo filandelolyo lyingyi, Iruva kafitana kwany na woko lwakwe, shaasa yeni muveni mwiishi.

Vafilipi 1:14

Na veengyi va yewo vakusirye Nndumi, kyeeri vakeekaariswa kyeendwa ni ifingwa lyakwa, vakeengera ikaarya yaamba irero lya Iruva kulaiyoo weerei.

VALETI 6:27

Naasa Gidion keeboo varundi vakwe ikumi natane shaasa Nndumi Iruva alemmbavasya, lyo kimaruma kya yiiryaa vandu va muri ya ndeye na va muri ulya nalatane efyo nsanyiny, katana indo kio.