Yohane 3:15 - BIBILLYA Mareiyo Meele a Iruva

¹⁵ na wo Nndu akusirye nawe nakooye iwarya muu wa llung'anu.”

Kyaasa Kiiya

¹⁵ na wo Nndu akusirye nawe nakooye iwarya muu wa llung'anu.”

Yohane 3:15 Iomraidhean Croise

ISAYA 11:10

Kusheesha nkonu ashesaaleeswa mangyi ooka efo ufyariny lwa Yese nave mangyi asheinndywaa ni masanga moose.

ISAYA 45:22

Shiloleny yeny naambo mushekirwa eni masanga woose; kimmba yeny ni Iruva nta kulaifo ungyi.

MEEKYENA 21:9

Naasa Mose kasongosya shoka yeyo, kaivanika kirii-u, na nndu emmarwa n'shoka llya alelola shoka yei ya arera, kakyia.

Matayo 18:10

Manyiny mure mulamina yewo vafwafwa nta umwi! Mmbo shamuvia, vasu vawo efo iruveeu mmbo valollye kisangu kya Nde-yaakwa wa efo iruveeu kyeeri kyoose. [

Matayo 25:46

Nawo vasheendaa vandelyiswa ukiva llung'anu, na yewo va usumanu wo vandekaa na muu wa llung'anu.”

Marko 16:16

Na nndu kakusirya-u na ibatiswa kavebatiswa, mmbo ashekooya ikirwa. Na nndu kalema ikusirya-u mmbo ashuutywaa uvingo.

Luka 19:10

Mashika Mwana yeto wa nndu mmbo asheye iruuya ekyo kirekye nakikire.”

Yohane 1:12

Indi yewo vammeembwarya woose kavaniingya ulyimbi lwa yaaluka vana va Iruva, mmbo yewo vakusirye na irina lyakwe.

Yohane 16:33

Marero yoo mmbo shammaarera mukooye itira ufoo mukulunngye neeny. Mukee kunu ulaniny mmbo mukee na fimusisiraa. Kaaryeny, yeny mmbo shammbinga ulana elo.

Yohane 20:31

Indi filereiyo ni efi fyeni naambo mukooye iva vandu vavangyi ikusirya na Yesu mmbo akee Kristo we Mwana wa Iruva na efo kikusiryony ekyo mukooye-fo muu mukutiri na irina lyakwe.

Yohane 3:16

Iruva mmbo eekunndye ulana karuma Mwana wakwe wa ngitany naambo wo nndu akusirye nawe nalakooye ireka kyeendi nawoni muu wa llung'anu.

Yohane 3:36

Na nndu akusirye na Mwana yeto, mmbwe awarya muu wa llung'anu. Na nndu anra nalairikya mwana yeto nnyasheonaa muu-fo, we ni unyafi lwa Iruva lunkaye.

Yohane 5:24

Ni dede kya dede shamuvia, “Nndu asharanyaa ndera yakwa kavekusirya na yeto aleshiruma, mmbwe ammbwarya muu wa llung'anu, nta nnashiitwaa mwaandun-fo. Mmbo ammbuka ufuny; kandeanga muuny.

Yohane 6:27

Nta mulavinnyi shoonga yeyo ikaa ipwaa, vinnyiny shooka yeyo ya muu wa llung'anu. Nayo ni Mwana yeto wa nndu ashemuniingaa. Mmbwe Nde, we Iruva alemmbikya kiringisyo namanyike mmbwa dede.”

Yohane 6:40

Mashika kindo kikunndywa ni Nde-yaakwa kikee indi, Wo nndu alola Mwana na ikusirya nawe, nawarye muu wa llung'anu na yeny nkaa shinndute nkonu yeto weefurumya.

Yohane 6:47

Ni dede kya dede shamuvia, Yeto akusirye-u mmbo ammbwarya muu wa llung'anu.

Mashora 13:41

‘Loleny-te yeni veemina, mufulukyo neereka kulu. Mashika yeny sharunda mashora fyeeriny fyany, ishora muleshiidimaa ilyiirikya nta, naako mwoongoywa inda.’”

Mashora 8:36

Elyi veefo vasheendaa vakafika ando kwiyoo mura, nshilyi ulya kaamba, “Lola mura yeu, nkyokyi kikee ishiima shilabatiswa?” [

Varome 5:21

Naambo, shaasa ulyamari luleshillya na ufu, kisorye indo na kya shia yeyo ya usumanu isarya lyishillye fika muu wa llung'anu kwi Yesu Kristo Nndumi weeru.

1 Vakorinto 1:18

Mashika irero lya nsalaba kwa yewo vakeereka ni kindo kyeeseta, indi kweru yese lukeekirwa ni finya ya Iruva.

2 Vakorinto 4:3

Lyo kwankooya Nrumi ya Nsia yei yeeru yansurumwa, mmbo yasurumwa kwa yewo vakeereka;

Vagalatia 2:16

Neese lwiishi sheelyi nndu wa vandu nnyashekennywaa usumanu kyeendwa ni mashora akwe-fo, nkyeendwa ni ikusirya Kristo Yesu naasa, yese mmbo luleirikya Kristo Yesu naambo lweekennywa usumanu kimaruma kya Kristo, nta nshi kimaruma kya mashora-fo, mashika kyeendwa ni mashora a nndu nkwiifo nta umwi asheekennywaa usumanu-fo.

Vagalatia 2:20

Mmbo shilekapywa nsalabeny ando amwi na Kristo; lyo ulaalu shikee na muu, nta nshi yeny-se-fo, ni Kristo akee nnang'ani yakwa, na muu yeu nkee nato wa mwiili yeu, mmbo nkee nato kikusiryony kya Mwana wa Iruva, yeto alelukunda kakuuta we muni kimaruma kyakwa.

Vaebrania 10:39

Kyaindi lyo yese llusangyi na yewo vatirwa nnyinyira na vakeereka-fo, mmbo lukee na yewo vakikusiryo ekyo kikiraa mirima yeeru.

Vaebrania 7:25

Kimmba ni indo we mmbo ashidimaa ikira deny yewo vasheyaa Iruva na irina lyakwe, mashika we akee na muu mikonu myoose evaterevyaa.

1 Yohane 2:25

Na ekyi nkyo kyaasa aleluvikya, nto muu wa llung'anu.

1 Yohane 5:1

Wo nndu airikye sheelyi Yesu ni Kristo mmbo awonikye kyuuka na Iruva. Na wo nndu akundye Nde, mmbo akundaa na yeto aleirwa mmbwe.

1 Yohane 5:20

Lukavemanya sheelyi Mwana wa Iruva alemmaa isha, kaveluniinga na wiidimi lwemanya yeto akee wa dede, neeseny mmbo lukee nnang'ani ya yeto akee wa dede, mmbwe Mwana yeto wakwe we Yesu Kristo. Yeu mmbwe Iruva wa dede, na muu wa llung'anu.