Yohane 3:13 - BIBILLYA Mareiyo Meele a Iruva

¹³ Nta nkwiiyo nndu alenrwa na efo iruveeu-fo, kulaore ni ulya aleoloka auka iruveeu, mmbwe Mwana yeto wa nndu.

Kyaasa Kiiya

¹³ Nta nkwiiyo nndu alenrwa na efo iruveeu-fo, kulaore ni ulya aleoloka auka iruveeu, mmbwe Mwana yeto wa nndu.

Yohane 3:13 Iomraidhean Croise

FYAASO 30:4

Ammbi ndesa alenrwa uwe iruveeu kasokase si? Mmbi alentira uraato wokony? Mmbi alemfinga mura na kirami? Mmbi avikkye minyanu myoose ya ulana? Irina lyakwe mmbi? A irina lya mwana wakwe mmbi? Shivia kwakooya kwiishi!

Matayo 28:20

Na yeni manyiny-te, nkaa neeni mikonu myoose kufike yoo masiiyony a ulana.”

Matayo 8:20

Na Yesu kammbia, “Maparwe mmbo atiri mbanga ta vayo na ndeye ta nginiiu tikavetira fifuri fya vayo. Indi mwana yeto wa nndu nnatiri ando asheekeryaa nrwe wakwe-fo.”

Yohane 1:18

Nkwiifo nndu alellollya Iruva-fo. Ni Mwana yeto wa Ngitany, yeto akee ng'undeny ta Nde, mmbwe yeto aleloora Nde.”

Yohane 13:3

Nawe Yesu emmanya Nde mmbo ammeenrambikya findo fyoose maakony akwe nawe mmbo alesha auka kwa Iruva, na efo kwa Iruva mfo kundo aifo asheendaa nafo.

Yohane 17:5

Na ulaalu woi Nde shing'anisaany efo kwafo kwashiniinga nng'anu ulya shetiri efo kwafo kulaore ulana lwammbikwa.

Yohane 3:12

Kwakooya kulaore mwairikya elyi shimuviaa fya urukeny, a ni inda mushiirikyaa shimuviaa fya iruveeu?

Yohane 3:31

Yeto asheye auka uwe mmbwe akee uwe ya woose. Na yeto aparikye kunu ulaniny kaveva wa kunu ulana, kaverera fya kyuulana. Na yeto asheye auka efo iruveeu, mmbwe akee uwe ya woose.

Yohane 6:33

Mashika nkate wa Iruva nto yeto wooloka wuuka iruveeu ukaniinga ulana yelu muu.”

Yohane 6:38

Mashika kyashiniinga shooloka na kunu si, nshi ishetana kindo shikunndye shimuni-fo, ni kindo kikundywa ni yeto aleshiruma.

Yohane 6:42

Vakaamba, “A yeu nshi Yesu, we mwana wa Yosefu, a mmbo lulaishi ndeye na maye? Kyavaany inda elyi aamba mmbo aolokye auka iruveeu?”

Yohane 6:46

Nshi kikee sheelyi kwiifo nndu alollye Nde-fo, kulaore ni yeto aparikye efo kwa Iruva, mmbwe alollye Nde.

Yohane 6:51

Yeny mmbwe nkate wa muu yeto uleoloka wuuka iruveeu. Na nkate yeto kwakooya nndu aulya nnyashefwaa-fo. Na nkate yeto shinsimbaa ni mwiili wakwa shyoonisye nato ulana yelu muu.

Yohane 6:62

A kishevaany inda kwakooya mushelollya Mwana yeto wa nndu eesherwaa na uuwe efo ekee elyo mbee?”

Yohane 8:42

Yesu kavavia, “Kwee Iruva ekee Nde waany, mmbo mweeshikundaa yeny, kimmba yeny shilesha shyuuka kwa Iruva shasha yaa shikai. Nta nshisheye kikee kya shila yakwa shimuni-fo. Mmbwe aleshiruma.

Mashora 2:34

Mashika Davidi muni nnyalensaama iruveeu-fo, lyo kaamba, ‘Nndumi mmbo alevia Nndumi wakwa, salala yewe taari ya woko lwakwa usha,

Mashora 20:28

Kwiiseny muveni, na ironda elyo nalyo, elyo Iruva alemuvika nnang'ani ya vayo naambo muve veelyisalallya, naambo mwidimi iisa siri ya Iruva, yeyo aleyuura na samu yakwe muni.

Varome 10:6

Kyaindi usumanu lulya lwaendwa ni iirikyo, mmbo lwaamba indi, Lola kulasheamba nriminy wafo, Ni vi yeto ashesaamaa iruveeu? (Nkyo ni yoolota Kristo si),

1 Vakorinto 15:47

Nndu wa mbee ni wa ulaniny, mmbwa uteeri. Nndu wa kavii mmbo ookye iruveeu.

Vaefeso 1:23

Ikee nnyo mwiili wakwe, mmbwe yeto amaye fyoose na iinutya fyoose yoo kwakwe.

NKUMBUYE WA UVAVASO 30:12

Nshi a iruveeu, kwaambe, mmbi ashesaama iruveeu nandelweenngye-fo, nasheluvia lwiite neetana?