Yohane 2:11 - BIBILLYA Mareiyo Meele a Iruva

¹¹ Nkyo kindo kyeeora wende kya mbee Yesu aletana kulya Kana ya Galilaya, kaora usuri lwakwe paa na valya vakiloshyony kyakwe vakautau ikusirya nawe.

Kyaasa Kiiya

¹¹ Nkyo kindo kyeeora wende kya mbee Yesu aletana kulya Kana ya Galilaya, kaora usuri lwakwe paa na valya vakiloshyony kyakwe vakautau ikusirya nawe.

Yohane 2:11 Iomraidhean Croise

1 VAMANGYI 17:24

Nka ulya kavia Elia, ulaalu shammanya yewe mbwe nndu wa Iruva, na Irero lya Nndumi Iruva kaniny kafo ni lya dede

SABURI 72:19

Itumbe lya irina lyakwe lying'aniswa llung'anu! Itumbe lyakwe lyiishwe ulaniny koose.

SABURI 96:3

Ongoyeny vandu va masanga mbony ta Weele lwakwe. Vieny vandu woose mbony ta ngyende takwe.

YUUKA 14:31

Israeli vakalollya ishora elyo iniini aletannya Vamisri, naasa vandu yewo vakainndya, naikusirya Nndumi Iruva, ando amwi na ishinga lyakwe we Mose.”

YUUKA 4:9

Na kwakooya valema ikusirya-u kyuuka na ngyende yeto ivii, nta yiita unyanga lwafo, naasa, kwiipoo mura efo mureny kusheletya yoo uteriny wuumu, na mura yeto kwawuuta mureny mmbo ushealukaa samu yoo uteeriny.

MWIILOSHA 9:7

Enda kulyiiye shoonga yafo kweefura, kuni na mfinyu wafo na nrima nkyesi mashika iruva ammbwarya mashora afo kutannyi.

ISAYA 40:5

Na usuri lwa Nndumi Iruva lusheorwaa paa, na woose veefo na muu vashelollya kimmba kana kya Nndumi Iruva kyarera mbony eti.”

MALAKI 2:2

Lyo mukanra, mulaita neeluvika nriminy mwiindye irina lyakwa mmbo nshemudengaa na mbora tany toose. Neeny shammetidenga, mashika elyi mulashiitaa. Ni Nndumi Iruva aamba indo.

Yohane 1:14

Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Yohane 1:17

Mashika mavavaso nng'u vandu valeniinngywa aendwa ni Mose. Indi ikiiywa ni Iruva na immanya mmbwa dede efyo fikasha fyeendwa ni Yesu Kristo.

Yohane 1:43

Naasa elyi lya ndesi akunndye ikwiipoo nandefika kulya Galilaya, nalyo kalollya Filipo. Yesu kammbia, “Shilatya.”

Yohane 1:50

Yesu kaallwa kammbia, “Elyi shakuvia mmbo shakulollya kukee rembo sindeny ya nkuu ulya nkyo kimaruma kwakusirya-u indo ndesa? Mmbo kukaa kulollye findo finiini ngeta efyo.”

Yohane 10:41

Vandu vakansheya veengyi vakaamba lyo dede we Yohane nta nnyaletana kindo kyeeora wende-fo, kya indi kilya Yohane alerera kya nndu yeu mmbo kikee kya dede kyoose.

Yohane 11:15

Neeny shavefura kimaruma kyany elyi shakooya shilai-yo, naambo mukooye ikusirya-u. Indi kendifony lundefika kwakwe.”

Yohane 11:47

Naasa vakohani valya vaniini vakasanga na Vafarisayo vakavaanga shila shiniini ya ngyama tawo vakaamba, “A lutaniny inda elyi nndu yeu ava mwiitana fyeeora ngyende shiingyi indo?

Yohane 12:18

Nakyo kikaveniinga ironda lyilya lya vandu vandemwaammbya nyelyi vamiita mmbo aletana kindo ekyo kya wende.

Yohane 12:37

Naasa lla ndesa aleva mwiitana findo finiini indo velollye fya iwoora ngyende, nawo nta valakunde ikusirya-u.

Yohane 12:41

Ni indo Isaya alerera llya alelollya itumbe lyakwe karera kyakwe.

Yohane 14:13

Na wo kindo mwankitereva efo kwakwe kikee kya irina lyakwa mmbo akitanaa, na Nde nakooye ing'aniswa kiryani na Mwana.

Yohane 16:27

Mashika we Nde amukunndye muni, kimmba mwammeeshikunda yeny mukavekusirya kwakwa mwiishi mmbo shilesha shyuuka kwa Nde.

Yohane 16:30

Na yese lwammeekumanya ulaalu mmbo kwiishi findo fyoose nta kulatiri kivesyo ni nndu. Nkyo kimaruma lukakusirya neewe lwiishi mmbo kusheye kuuka kwa Iruva muni.”

Yohane 2:1

Nalyo elyi lya nrondo kukaalyikwa walyi kulya Kana ya Galilaya. Na maye wa Yesu kasha nafo.

Yohane 2:23

Naasa kyeeri kilya ekee kulya Yerusalemu nkonu ulya nniini wa Pasaka, veengyi vakapooka ikusirya na irina lyakwe valollye filya fya wende atana.

Yohane 3:2

Nawe kansheya elyi kio kammbia, “Llori lwiishi mmbo kukee llori kuukye kwa Iruva muni, mashika kulaiyo nndu ashiidimaa itana efyo fya wende kwatana yewe kwakooya kulaore Iruva akee nawe.”

Yohane 4:3

Kooka kulya Yudaya kawara shia kaenda lyingyi kulya Galilaya.

Yohane 4:46

Naasa kavefika-se kulya Kana ya Galilaya kulya aleallwa mura ulya ukava mfinyo. Naasa kweefo nndu umwi nshilyi eetiri mwana wakwe wa kyuumi elwee kulya Kapernaumu.

Yohane 4:54

Nakyo nkyo kindo kya wende kya kavii Yesu aleengera itana llya aleuka Yudaya kasha na kulya Galilaya.

Yohane 5:23

Naambo woose vainndye Mwana shaasa vashiindyaa Nde. Yeto ara nalainndya Mwana mmbo ara nalainndya Nde alenruma.”

Yohane 6:14

Naasa vandu valya veekilolya ekyo kya wende atana, vakaamba, “Ate ni dede we mmbwe mwauya fisuku ulya akee nteerye nashe kunu ulaniny.”

Yohane 6:2

Na vandu vakansora nseemu mwiingyi mashika velollya filya fya wende atana fyeekira vandu valwee.

Yohane 6:26

Yesu kaalwa kaamba, “Ni dede kya dede shamuvia, kyaniinga mukasheshiruuya nshi mashika a ngyende tilya mulelollya-fo, ni kimaruma kya mikate ilya mulelya mukawuura.

Yohane 6:30

Naasa vakammbia, “A kiki kutanaa kyeeloora wende neese lukilollye lukooye ikusirya neewe? A ni ishora-ki kwatana?

Yohane 7:31

Naasa efo mamwiinginy wa vandu veengyi vakauta-u ikusirya nawe. Vakaamba, “Kyeeri Kristo asheshaa mmbo asheengeraa itana fya ngyende fiingyi ngota efyo nndu yeu aletana?”

Yohane 9:16

Naasa Vafarisayo valya maata vakaamba, “Nndu yeu nshi nndu aukye kwa Iruva-fo, kimmba nalashiinndyaa Sabato.” Vengyi vakaamba, “Kukooye ni nndu llyamari a niinda eeshiidimaa itana fya wende fya ngata yeyo.” Nalyo vakaraukana.

2 Vakorinto 3:18

Lyo yese loose, mmbo lukeeviira-u itumbe lya Nndumi lukee na kisangu kilatiri kirami, sha nndu alolaa kiloleny, mmbo lwaalashwa luve va kyaaso ekyo kyeni, itumbe lyisorye itumbe, sha itumbe elyo lyauka kwa Nndumi, we Mumuyo.

2 Vakorinto 4:17

Mashika ngatara yeeru nshaang'u ikaveva ya kirambo kyaangu-da, nayo mmbo yalweengye itumbe llya lya llung'anu lyiilannyi nnu.

2 Vakorinto 4:6

Mashika kimmba Iruva aleamba, “Sa imike ireeminy” mmbwe yeto alemika kunu miriminy yeeru, naambo naluniinge sa ya urango lwemanya Iruva lwiilolaa Yesu Kristo.

NKUMBUYE WA UVAVASO 5:24

mukaamba, Lola-te akakau Nndumi Iruva, Iruva weeru alloora itumbe lyakwe, na uniini lwakwe, neese lukaita unyanga lwakwe lwiishuukaa neefo murony, neenu Lukamanya dede sheelyi Iruva areraa na nndu, nawe kakaa na muu.

1 Yohane 5:13

Mmbo shamureiya findo efi naambo mumanyi na yeni mmbo mutiri muu wa llung'anu, yeni mukusirye na Irina lya Mwana wa Iruva.