Yohane 19:9 - BIBILLYA Mareiyo Meele a Iruva

⁹ Kawuya yaanga lyingyi na efo mmba ya nshilyi wa Kaisari kavia Yesu, “A yewe ni nndu wakwi? Naasa Yesu nta nalanndouwe kindo.”

Kyaasa Kiiya

⁹ Kawuya yaanga lyingyi na efo mmba ya nshilyi wa Kaisari kavia Yesu, “A yewe ni nndu wakwi? Naasa Yesu nta nalanndouwe kindo.”

Yohane 19:9 Iomraidhean Croise

ISAYA 53:7

Mmbo alesisyo kavefwaa, nalatarambwe nta kana, kava sha ngurana yaipowa indeshishwa, sha yoonri lyamalallya sau likyee isemwa mafwaa, nta nalatarambwe kana.

Matayo 26:63

Indi Yesu kamalallya sau. Nkohani ulya nniini kaallwa kammbia, “Nkulyisaany mboo, ‘Swa Iruva muni muu kuluvie kwakooya yewe ni Kristo kukee Mwana wa Iruva.’”

Matayo 27:27

Nalyo vasikari va nshilyi ulya wa Kaisari vakakamara Yesu. Vakanrwaa mmba ya ushilyi. Vakaende nang'u siri shoose ya vasikari. Ikasha inkuummbya.

Luka 23:9

Naasa kammbesa mbony shiingyi, lyo we nalarouwe nta kindo.

Yohane 18:28

Nalyo vakauta Yesu kulya kwa Kayafa vakanrwaa efo mmba ya ushilyi ya Pilato. Naasa kyeeri kyikava kya ngoma. Nawo veni nta valaange efo mmba ya nshilyi wa Kaisari naasa valakooye itefuka naambo vaidimi ilya Pasaka.

Yohane 18:33

Nalyo Pilato kawuya yaanga na efo mmba ya ushilyi. Kavaanga Yesu kammbia, “A yewe mmbo kukee mangyi ya Vayuda?”

Yohane 18:34

Yesu kaallwa, “Elyi kwarera indo mmbo kwakyuuta kwafo ku muni, ao ni vandu vengyi vakuvia indo kyakwa?”

Yohane 18:37

Nalyo Pilato kammbia, “A kwavevaany mangi-ro?” Yesu kaallwa, “Ni yewe kwakyaamba kumuni mmbo shaveva mangyi-da. Kimaruma shawonika na kimaruma shasha na kunu ulaniny ni indevikya ekyo kyikee dede ukureeki. Na wo nndu aparikyeny efo dedeny mmbwe ashaaranyaa unyanga lwakwa.”

Yohane 19:10

Pilato kammbia, “A mmbo kulaishi yeny shitiri ushilyi lwekuporomwa, shivetiri na ushilyi lwekukapya nsalabeny?”

Yohane 19:8

Naasa elyi aita vaamba indo nawe kaengera iiryaa.

Yohane 8:14

Yesu kaallwa kavavia, “Na kwakooya shakureeka-u kyakwa shi muni ukureekyi lwakwa mmbo lwava lwa dede-da, kimmba shiishi kundo shyuukye na kundo nsheendaa.

Vafilipi 1:28

Mure mulairyaa vakiduva vany kya kindo kyoose, kwa yewo ni wende lulollyo paa lweereka, lyo kwany yeni ni ukiro yelo luukye kwa Iruva.

VALETI 13:6

Naasa nka ulya keenda kandevia mmi wakwe, kammbia, “Mmbo kwiifoo nndu wa Iruva anshisheya, kisangu kyakwe kimikaa sha nsu wa Iruva, kyeeresye nnu, lyo yeny shilammbese, Nkwikooka” ao nta nnyaleshivia irina lyakwe-fo.