Yohane 17:8 - BIBILLYA Mareiyo Meele a Iruva

⁸ Kimmba marero yoo kuleshianiinga nng'u shilevaniinga nawo. Nawo vakaawarya. Vakamanya dede mmbo shileuka kwafo. Vakakooya ikusirya-u ni yewe kuleshiruma.

Kyaasa Kiiya

⁸ Kimmba marero yoo kuleshianiinga nng'u shilevaniinga nawo. Nawo vakaawarya. Vakamanya dede mmbo shileuka kwafo. Vakakooya ikusirya-u ni yewe kuleshiruma.

Yohane 17:8 Iomraidhean Croise

FYAASO 1:23

Aranyiny mavavaso akwa! Shimupusuye makusaro akwa, Shimuvye marero akwa.

FYAASO 1:3

Fevaninga iva na ngaa ya songosiny, uramba usha, wiitanu usha, usumanu na ikunda kya witanu.

FYAASO 2:1

Mwanakwa, arannya ufundo lwakwa Na iindya mavavaso akwa.

FYAASO 4:10

Mwanakwa, aranya na itira marero akwa, Naambo kuvonise mikonu mifumbutu, yekaa na muu.

FYAASO 8:10

Sauwa ufundo lwakwa ando a fesa, Na irammbwa mbony ando a saabu shisha.

Matayo 13:11

Nawe kaallwa kaamba, “Yeni mmbo mwaniingwa imanya mbony tikee shirike ta umangyi lwa iruveeu. Indi kya yewo wo valaniingwa.

Yohane 12:49

Kimmba nshi kindo shikyuutye kwakwa shimuni shilerera-fo. Ni Nde-yaakwa yeto aleshiruma mmbwe ashiniingye ivavaso lya kindo nshaambaa na kindo nshereraa.

Yohane 14:10

A mmbo kulakusirye-u sheelyi yeny mmbo nsangyi na Nde, na Nde kasanga neeny? Na marero yoo shaamba nta nshaarera auka kwakwa shimuni-fo. Ni Nde akaa asangyi neeny mmbwe ava mwirunndya-u mashora akwe.

Yohane 15:15

Nta nshikimuvaangaa-se mashinga-fo, mashika nndu ishinga nnamanyaa kindo nndumi yeto wakwe ee-fo atanaa-fo, mmbo shammeemuvaanga ni mbuya, kimmba efyo shileita fyuuka kwa Nde mfyo shilemusununndya fyoose.

Yohane 16:27

Mashika we Nde amukunndye muni, kimmba mwammeeshikunda yeny mukavekusirya kwakwa mwiishi mmbo shilesha shyuuka kwa Nde.

Yohane 16:30

Na yese lwammeekumanya ulaalu mmbo kwiishi findo fyoose nta kulatiri kivesyo ni nndu. Nkyo kimaruma lukakusirya neewe lwiishi mmbo kusheye kuuka kwa Iruva muni.”

Yohane 17:14

Yeny mmbo shivalyimmyi ndera yafo na ulana yelu lukauta-u ivasua kimmba valakee va ngata ya ulana, shaasa na yeny shilakee wa ngata ya ulana.

Yohane 17:18

Na shaasa kuleshiruma shishe kunu ulaniny, ni indo neeny shilevaruma vafike ulaniny.

Yohane 17:21

Nawo vakooye iva vamwi woose shaasa yewe Nde kusangi neeny neeny shivesangyi neewe, naambo nawo-da vave vandu vasangyi neese, na ulana yelu luute-u ikusirya-u mmbo kuleshiruma yeny.

Yohane 17:23

Neeny shive mmbo nsangyi neewe neewe kusange neeny nawo-da vakooye iinutya iva vamwi, na ulana yelu luute-u imanya mmbo kuleshiruma yeny, kwavevakunda shaasa kuleshikunda yeny.

Yohane 17:3

Na muu wa llung'anu ukavaany ule, ni ikumanya yewe mmbo kukee Iruva dede, na yeto kulenruma we Yesu Kristo.

Yohane 3:17

Sha mashika kimaruma Iruva karuma mwana wakwe nashe na kunu ulaniny, nshi anruma nashe yuutya ulana yelu uvingo-fo. Nndu kalema ikusirya nawe, we ammaa iwona uvingo kimmba anra nalakusirya na irina lya mwana wa Iruva wa ngitany.

Yohane 3:33

Yeto amiirikya ukureeki lwakwe mmbwe avikya Iruva ukureeki sheelyi mmbo akee wa dede.

Yohane 6:68

Naasa Simon Petro kamwaallwa, “Lweende kwa vi Nndumi? Mmbo kutiri marero aende muu wa llung'anu.

Yohane 8:42

Yesu kavavia, “Kwee Iruva ekee Nde waany, mmbo mweeshikundaa yeny, kimmba yeny shilesha shyuuka kwa Iruva shasha yaa shikai. Nta nshisheye kikee kya shila yakwa shimuni-fo. Mmbwe aleshiruma.

1 Vakorinto 11:23

Mashika yeny filya shilewarya kwa Nndumi mfyo shilemoora, kyeyaamba, Nndumi weeru Yesu Kristo kio kilya aleriingyo mmbo aleipoo nkate,

1 Vakorinto 15:1

Naasany vanavama mmbo shikundye imuvia mbony ta Nrumi ya Nsia ilya shilemwoongoya. Nnyo yeyo muleiwarya na mfo muselelyi.

NKUMBUYE WA UVAVASO 18:18

yeny mmbo nshevautyaa nkisuku akuvakye efo vanduny vawo, shivike marero akwa efo kaniny kyakwe namuvye fyoose shaasa nshemmbavasyaa.

1 Vatesalonike 2:13

Kikeeny indo yese mmbo lukee yaana Iruva kulaifo ideerya mashika uka kyeeri mulewonisa irero elyo lya Nrumi shisha lya Iruva lyuuka kweru, nshi mulelyiwarya lyiikee ni irero lya vandu-fo, mmbo mulemanya ni irero lya Iruva, na niindo lyikai dede deny, lyikarunda mashora nnang'ani yaany yeni mukusirye-u.

1 Vatesalonike 4:1

Kyasaa-u ulaalu vanavama mmbo lwamwiikyimba na imutereva: musore Nndumi Yesu, shaasa lulemoora yese shaasa kisumani musenyi Iruva, shaasa yeni mukai, mweengere itana indo.

1 Yohane 4:14

Neese mmbo lwallollya na ikureekya sheelyi we Nde mmbo aleruma Mwana wakwe nave Mwikira wa ulana.

Usukuyony 1:1

Masukuyo a Yesu Kristo, aleorwa ni Iruva noore mashinga akwe findo efyo fikaa fishe uviny; nawe karuma nsu wakwe neende erye na woko nandeora ishinga lyakwe we Yohane.