Yohane 17:3 - BIBILLYA Mareiyo Meele a Iruva

³ Na muu wa llung'anu ukavaany ule, ni ikumanya yewe mmbo kukee Iruva dede, na yeto kulenruma we Yesu Kristo.

Kyaasa Kiiya

³ Na muu wa llung'anu ukavaany ule, ni ikumanya yewe mmbo kukee Iruva dede, na yeto kulenruma we Yesu Kristo.

Yohane 17:3 Iomraidhean Croise

1 MBONY TA FYEERI 28:9

“Na yewe mwanakwa Solomoni, kumanye nisha Iruva wa nde-wafo, kundunndye na nrima wafo wa toki, we Nndumi Iruva, mmbo eeshi isuma na imanya mirima na makusaro a vandu. Kwamumanya-we, kullollya, indi kwammukapa mungo, mmbo ashekweera kwaasha llung'anu.

2 MBONY TA FYEERI 15:3

Ni kyeeri kyaasha Vesraeli valenkaa valatiri Iruva wa dede, nta Vakohani va ivalosha, nta mavavaso.

SABURI 9:10

Valya vakwiishi vakakusirya kwafo, mashika nkulemmyi nta umwi eto akuruuya-fo.

FYAASO 8:35

Yeto ashiwonisaa yeny awonaa muu Ankoya isarywa ni Nndumi Iruva.

ISAYA 48:16

Oshony kufii, arannyiny mbony eti ukya elyo mapookyony nshilerera kirumo-fo, ukya lya fyeifo, yeny sheifo na ulaalu ni Nndumi Iruva ashiruma na mumuyo wakwe.

ISAYA 53:11

Na elyi aleva mwivina na indo; asheonaa iviiri nawure shapu, nawe akee kishinga kyakwa kya usumanu atiri urango usha, mmbwe asherwaa vandu veengyi usumanuny, nawe mmbwe akurikye ukasha lwawo.

ISAYA 61:1

Mumuyo wa Iruva, we Nndumi Iruva ni uwe yakwa, mashika Nndumi Iruva aleshaamba mafura, shindeongoya yewo vaale nrumi ya nsia; kashiruma shendevavara yewo vammuuta-pa, ivia mashinga mmbo allekwa ulaalu, na yewo vafinge mbony ta iporomuwa lyawo.

YEREMIA 10:10

Indi Nndumi Iruva, ni Iruva wa dede, Iruva wa llung'anu eefo na muu na umangyi lwakwe ni lwa llung'anu fidina-si na masanga mfishiidima isiika nyashi yakwe-fo.

HOSEA 6:3

Nyira lumanyi Nndumi Iruva. Nawe nkuti nalusheye elyi kwakya, nalusheye sha mmbwa ya mateeeri.”

Marko 9:37

“Wo nndu ammbwarya fivana efi kimwi kyawo kyikee kya ishikummbwa yeny, mmbo ashiwarya yeny. Na nndu ashiwarya yeny, nshi yeny ashiwarya-fo, mmbo awarya yeu aleshiruma.”

Luka 9:48

Nalyo kavavia, “Wo nndu awarya kimwana ekyi ekumbwaa irina lyakwa, ni yeny ashiwarya.” “Wo nndu ashiwarya yeny mmbo awarya yeto aleshiruma. Kikavaany yeto akee n-du wa efo nnang'ani yaany moose, mmbo ava mmbwe nniini.”

Yohane 10:36

Afikaany, yeny shilevikwa Mweele ni Nde kashiruma na kunu ulaniny ni inda mwashivia mmbo sharuma Iruva, elyi shaamba, ‘Shikee Mwana wa Iruva?’

Yohane 11:42

Neeny shiveeshi-da, mmbo kwava mwiishyaarannya kyeeri kyoose. Indi kyashiniinga shakyaamba-u ni nkuka yeu wa vandu varingitye-u naambo vakooye ikusirya-u vamanyi ni yewe kuleshiruma.”

Yohane 14:26

Kyaindi yeto Mweekyi, we Mumuyo Mweele, yeto Nde anshenrumaa kikee kya irina lyakwa, mmbwe ashemufundaa findo fyoose navemukumbura fyoose shilemuvia.

Yohane 17:18

Na shaasa kuleshiruma shishe kunu ulaniny, ni indo neeny shilevaruma vafike ulaniny.

Yohane 17:21

Nawo vakooye iva vamwi woose shaasa yewe Nde kusangi neeny neeny shivesangyi neewe, naambo nawo-da vave vandu vasangyi neese, na ulana yelu luute-u ikusirya-u mmbo kuleshiruma yeny.

Yohane 17:23

Neeny shive mmbo nsangyi neewe neewe kusange neeny nawo-da vakooye iinutya iva vamwi, na ulana yelu luute-u imanya mmbo kuleshiruma yeny, kwavevakunda shaasa kuleshikunda yeny.

Yohane 17:25

Woi Nde kukee wa usumanu na ulana yelu nta lulakwiishi, yeny mmbo shilekumanya. Na yewo-da vakavemanya yewe mmbo kuleshiruma.

Yohane 17:8

Kimmba marero yoo kuleshianiinga nng'u shilevaniinga nawo. Nawo vakaawarya. Vakamanya dede mmbo shileuka kwafo. Vakakooya ikusirya-u ni yewe kuleshiruma.

Yohane 3:17

Sha mashika kimaruma Iruva karuma mwana wakwe nashe na kunu ulaniny, nshi anruma nashe yuutya ulana yelu uvingo-fo. Nndu kalema ikusirya nawe, we ammaa iwona uvingo kimmba anra nalakusirya na irina lya mwana wa Iruva wa ngitany.

Yohane 3:34

Mashika yeto alerumwa ni Iruva mmbo areraa marero a Iruva. Mashika Iruva nnyaniingyaa Mumuyo esheesyaa-fo.

Yohane 5:44

A niinda mushewonisaa mwaanya weekusirya-u mummbe vandu vevikyana nnduma muveni na veni nta mulalalakyaa iwonisa nnduma wuuka kwa yeto akee Iruva muni?

Yohane 6:57

Kyikava shaasa Nde yeto aleshiruma akee muni muu, neen shakaa na muu kimaruma kya Nde, nakiwo-da yeto ashilya akaa na muu kimaruma kyakwa.

Yohane 7:29

Yeny mmbo shimwiishi kimmba ni efo kwakwe shyuukye. Nawe mmbwe ashirummyi.”

Yohane 8:19

Naasa vakammbia, “A Nde yeto wafo akee kwi.” Yesu kaallwa, “Yeny mmushiishi-fo, nta Nde wakwa-fo. Kwee mmbo mweeshiishi yeny, mmbo mwemanyaa na Nde yeto wakwa.”

1 Vakorinto 15:34

Rundeny na urango shaasa kisumani, mulatanaa ulyamari, mashika vengyi mmbeshi Iruva-fo. Mmbo sharera indo naambo shimusute.

1 Vakorinto 8:4

Naasany kya mbony teelya findo fikee fyuute kiraso kwa mafwanu, lwiishi lukamanya ifwanu nshi kindo kya dede yaa ulaniny-fo, na kingyi sheelyi nkwiifo Iruva kuuta umwi nsi-fo.

2 Vakorinto 4:6

Mashika kimmba Iruva aleamba, “Sa imike ireeminy” mmbwe yeto alemika kunu miriminy yeeru, naambo naluniinge sa ya urango lwemanya Iruva lwiilolaa Yesu Kristo.

Vafilipi 3:10

Naambo shimmanyi we na wiidimi lwa iruka lyakwe na kya iitana nawe kya makyiva akwe, naambo shivakaniswa na ifwa lyakwe.

Vafilipi 3:8

Ee, kyailanya yefyo, kwakwa yeny mmbo shilelollya findo fyoose ni ruu kwainanisa na usha yelo lwiilanyi kyeeso lweemanya Kristo Yesu, Nndumi wakwa, yeto kimaruma kyakwe shilelollya findo fyoose ni ruu neefyaallwa sha mando naambo tupu shiwoni Kristo.

1 Vatesalonike 1:9

Ni elyi wo veni vakeevambisa mbony teru, shaasa lulesha kwany, na shaasa mulera maruva a wongo mukalatya Iruva, naambo murunndye Iruva yeu muni muu akee wa dede;

2 Vatesalonike 1:8

Ekee na kipalapala kya muro, etaiyaa yewo valaishi Iruva neewo valairikye Nrumi ya Nsia ya Nndumi weeru Yesu;

Vaebrania 3:1

Naasany, vanavama veele, mukee vaakanise uvaango lwa iruveeu, kusareny nnu kya Nrumi na Nkohani Nniini wa kyikusiryo kyeru, we Yesu.

2 Petro 1:2

Isarya lyimukae na urilalyi lwengerywa-u kwi immanya Iruva na Yesu Nndumi weeru.

2 Petro 1:3

Kimmba wiidimi lwa Ki-iruva lwallusimba findo fyoose fikwaani na muu na utele kya immanya yeto aleluvaanga na itumbe lyakwe na usha lwakwe muni.

2 Petro 1:8

Naasa kwakooya findo fya ngata yeyo fyawalawala efo kwany, mmbo fishemwekyaa mulave varoko ao valavikaa ndunda na yeni mmbo mwiishi Nndumi weeru Yesu.

1 Yohane 1:2

(mmuu ulemmaa ilollywa paa, neese lukalollya lukavevikya-u ukureekyi, na imoongoya yeni mbony ta muu wa llung'anu ukee kwa Iruva Nde, ukalollywa paa kweru).

1 Yohane 1:3

Ekyo lulekilollya lukavekiita mmbo lwamoongoya na yeni, naambo na yeni mukooye yaakana neese, na yaakaniswa lyeru ni ando amwi na Nde na Mwana wakwe Yesu Kristo.

1 Yohane 2:23

Yeto moose akana Mwana, nnyatiri Nde-fo, na yeto erikya Mwana mmbo avetiri Nde.

1 Yohane 4:6

Yese mmbo luukye kwa Iruva. Yeto eeshi Iruva mmbo alwaaranya yese, na yeto nalaukye kwa Iruva nnyalwaranyaa-fo. Kimaruma kya efyo mmbo lwamanya Mumuyo wa dede, lukavemanya na mumuyo wa ureti shaasa akai.

1 Yohane 5:20

Lukavemanya sheelyi Mwana wa Iruva alemmaa isha, kaveluniinga na wiidimi lwemanya yeto akee wa dede, neeseny mmbo lukee nnang'ani ya yeto akee wa dede, mmbwe Mwana yeto wakwe we Yesu Kristo. Yeu mmbwe Iruva wa dede, na muu wa llung'anu.