Yohane 15:5 - BIBILLYA Mareiyo Meele a Iruva

⁵ “Yeny ni nsabibu neeni mukava ni maramba a vayo. Yeto akaa-fo akulungye neeny, neeny shavekaa-fo shikulunngye nawe, mmbwe avikaa ndunda shiingyi. Mashika kwakooya muraukani neeny mmushiidimaa itana kindo nta-fo.

Kyaasa Kiiya

⁵ “Yeny ni nsabibu neeni mukava ni maramba a vayo. Yeto akaa-fo akulungye neeny, neeny shavekaa-fo shikulunngye nawe, mmbwe avikaa ndunda shiingyi. Mashika kwakooya muraukani neeny mmushiidimaa itana kindo nta-fo.

Yohane 15:5 Iomraidhean Croise

FYAASO 11:30

Mirunndye ya nndu nsaari mmbo yendee muu, Indi uravi mmbo lusokaa muu.

HOSEA 4:8

Efo ulyamariny lwa vandu vakwa mfo mwaviiya masimba nawo vakeengera ilyamara kavii kararu.

Matayo 13:21

Na kindo atura ni miraarii. Mmbo akee nndu wa veru-veru. Kwakooya ashaatarwaa ao irishiswa kimaruma kya ndera yeyo, nalyo yeni kauta-u nsindara.

Yohane 12:24

Ni dede kya dede shamuvia, “Mbekye yeyo ya nganu kwakooya kulaore yaoloka efo uteriny ikafiiya-fo, mmbo irewaa ikakaa yo sheni. Indi kwakooya yamfiiya-fo mmbo isheendee kimu kiingyi.

Yohane 15:16

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Yohane 5:19

Naasa Yesu kaallwa kavavia, “Ni dede kya dede shamuvia, We mwana nnyamanyaa itana kindo kikee kya shila yakwe muni, kulaore ni ekyo alollya Nde etanaa-fo. Mashika we kindo atana na mwana nakyo kavekitana indo-da.

Yohane 9:33

Kwee nndu yeto nalaukye kwa Iruva nneemanyaa itana nta kindo-fo.”

Mashora 4:12

Nta nkwiifo ukiro kwa ungyi nta umwi-fo, mashika nkwiifo irina lyingyi kwasi ya ngina vandu vakee vaniinge vakirwa llyo-fo.”

Varome 12:5

Niindo neese mmbo lukee filungo fya mwiili wa Kristo wo nndu kalungwa neeto ungyi.

Varome 6:22

Kyaindi ulaalu mukammaa ivikwa valeke mulakirunndyaa ulyamari, mwaaluwa mashinga a Iruva, nnyo mbusha yaany, llyo iilyiswa muute-u iwona muu wa llung'anu.

Varome 7:4

Naakiwony-da vanavama, yeni mmbo mulefiiya mavavaso na shia ilya ya mwiili wa Kristo, naambo muve masaa a ungyi, we yeto aleruka auka kwa vafu naambo lwidimi ivikya Iruva ndunda.

1 Vakorinto 10:16

A upata lulya lwa mbora luvikyaa mbora, nshi utarannyo lwa mwiili umwi, mashika yese loose mmbo lwawarya kipereshu kya nkate yeto umwi.

1 Vakorinto 12:12

Mashika kimwi na shaasa mwiili ukee umwi ukavetira filungo fiingyi, na filungo fyavayo fikaveva fiingyi, ni mwiili umwi lyo, niindo na Kristo akai.

1 Vakorinto 12:27

Naasany yeni mmbo mukee mwiili wa Kristo, na filungo wo kimwi ando a vayo.

2 Vakorinto 13:8

Mashika llushidimaa itana kindo kyoose kikapanaa na dede-fo. Mmbo lutanaa fyoose kimaruma kya dede.

2 Vakorinto 9:10

Na ulya mwaava mbeu kwa yeto mwivaaya, na nkate uve shoonga yakwe, mmbo ashemuniingaa mbeu teevaya neetifumbuta, nawe mmbo asheengeraa fimu fya usumanu lwany;

Vagalatia 5:22

Kyaindi ndunda ta Mumuyo ni ukundi, ifura, urilalyi, usisiryo, unndu usha, ilyillya, usaari,

Vaefeso 5:9

Kimmba ndunda ta sa ni usha lwa wo ngata na usumanu na dede;

Vafilipi 1:11

Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Vafilipi 4:13

Neefyo fyoose mmbo shaidima kyeendwa ni yeto mwiishisimba finya.

Vafilipi 4:17

Nta nshi shilangye mweengere ishitannya indo-fo, lyo mmbo shifurye kimaruma kya simbo yeto tany tikeengera ifumbuka efo kwany.

Vakolosai 1:10

Naambo mukee shaasa kimusumannyi mbee ya Nndumi mukooye insennya deny, muvevika ndunda shisha efo mashoreny mesha moose, na yeengera urango lweemanya Iruva.

Vakolosai 1:6

Nnyo yeyo ilemufikya shaasa ivekee ulaniny koose, ikavevika ndunda tilollyo, shaasa ikeeng'ana efo kwany uka llya muleiita na imanya nnu isarya elyo lya Iruva kya dede.

Yakobo 1:17

Wo ngata ya iniingya yeyo ikee shisha, na wo kindo kyaniingywa kyikava kisongovisi, mmbo kyauka kwa Iruva, yeto muni sa, yeto kwakwe kulaifo yalashika, nta iveruka-veruka.

1 Petro 2:4

Endeny kwa yeto akee iwe lyitiri muu, yelyo vandu valelyilema, kyaindi kwa Iruva mmbo lyikee isauwe, lyikavetira nnduma.

2 Petro 3:18

Lyo, endeny mwitumaa efo isaryeny lya Iruva, mwimanyaa Nndumi weeru we Mwiikira Yesu Kristo. Nnduma ni wakwe ulaalu na llung'anu.