Yohane 15:4 - BIBILLYA Mareiyo Meele a Iruva

⁴ Kekaeny-fo mukulunngye neeny, neeny shivekaa-fo shikulunngye neeni. Kyikava shaasa iramba lyilashiidimaa ivika ndunda lyikee kyaanya kya vayo kwakooya kulaore lyikulunngye na nsabibu, neeni ni kiwo-da, kwakooya kulaore mwakaa-fo mukulunngye neeny.”

Kyaasa Kiiya

⁴ Kekaeny-fo mukulunngye neeny, neeny shivekaa-fo shikulunngye neeni. Kikava shaasa iramba lyilashiidimaa ivika ndunda lyikee kyaanya kya vayo kwakooya kulaore lyikulunngye na nsabibu, neeni ni kiwo-da, kwakooya kulaore mwakaa-fo mukulunngye neeny.”

Yohane 15:4 Iomraidhean Croise

KYIIMBO KYA FIIMBO 8:5

A mmbi yeu akeesha auka sakeny Eekusingaa na nkunde wakwe? Nndu nka Mmbo shilekwaanta rony sindeny ya ipeera Ando mau epookywa mmavavyo a ufee, Yee alya kwewonikya.

HOSEA 14:8

Vandu va Israeli mmbashekisoraa maruva a wongo-fo. Mmbo nshevaringaa neerouwa fiterewo fyawo. Mmbo nshevavikyaa nruve vave sha nri ulanaa, shive kimayeny kya mbora tawo.”

Matayo 12:33

“Allweny nri uve nsha na ndunda ta vayo tiveshia. Ao allweny nri uve nkasha na ndunda ta vayo shikasha.

Luka 8:15

Na tilya ta uteri usha, to ni vandu vearanya irero elyo vakalyitira na nrima usongovye ukee nsha, vakavika kimu kimaruma kya elyi vakee vandu vakusirye-u.”

Yohane 14:20

Na nkonu yeto mweni, mushemanyaa yeny mmbo shikee llunge na Nde, neeni mmbo mukee valunge neeny, neeny shikee llunge neeni.

Yohane 17:23

Neeny shive mmbo nsangyi neewe neewe kusange neeny nawo-da vakooye iinutya iva vamwi, na ulana yelu luute-u imanya mmbo kuleshiruma yeny, kwavevakunda shaasa kuleshikunda yeny.

Yohane 6:56

Na nndu kalya mwiili wakwa kavena na samu yakwa mmbo akaa asangyi neeny, neeny nkaa nsangyi nawe.

Yohane 8:31

Naasa karera na Vayuda valya vakusirye nawe kaamba, “Kwakooya mwakaa mukutiri na ndera yakwa llyo-ny mushevaa vakiloshyony vakwa dede deny.

Mashora 11:23

Nawe ekifika neelollya isarya lya Iruva katirwa nnu ni nsia, kavaikyima vengere yeenda na Nndumi kya nrima deny.

Mashora 14:22

Vakavangisa mirima ya vakiloshyony, neevaikima vakae iirikyony lyilya, na ekyo sheelyi nkuti lwaange umangyiny lwa Iruva na mavina meengyi.

2 Vakorinto 13:5

Kweeseny muveni mulole kwakooya muselelyi iirikyony, kuvangiseny muveni. Ao ndesa mmbo mulakwiishi sheelyi Kristo akee nnang'ani yaany? Kulakooye llyo mulellemika.

Vagalatia 2:20

Mmbo shilekapywa nsalabeny ando amwi na Kristo; lyo ulaalu shikee na muu, nta nshi yeny-se-fo, ni Kristo akee nnang'ani yakwa, na muu yeu nkee nato wa mwiili yeu, mmbo nkee nato kikusiryony kya Mwana wa Iruva, yeto alelukunda kakuuta we muni kimaruma kyakwa.

Vaefeso 3:17

Kristo nakae efo miriminy yaany na kikusiryony mwiikutiri tapu uvasheny lwa ukundi.

Vafilipi 1:11

Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Vakolosai 1:23

mukaarye efo kikusiryony ekyo mwiikee uvasheny, muvangiswa, nta mulashiindutwaa mure ivika nsia lya Nrumi ya Nsia ilya muleeta mbony ta vayo, ilya ileongoyo fyuumbe fyoose fikee kwasi ya ngina, nnyo yeyo yeny Paulo shileva mwiifurukannya.

Vakolosai 1:27

Nawe Iruva kakunda iwoora shaasa usimba na itumbe lya kyama ekyi efo vanduny va masanga, nawo ni Kristo akee nnang'ani yaawo, ivika nsia kya itumbe elyo.

Vakolosai 2:6

Naasany shaasa mulewarya Kristo Yesu, we Nndumi weeru, endeny indo indo mwikee nawe;

1 Vatesalonike 3:5

Nkyo kimaruma kyeeri shilelemwa isisirya mmwasi, shileruma nndu nashemusaiya nalole kyikusiryo kyany, kulakooye nkumbi ashemweesa, yeni na usisiryo lwany luve ruu.

Vaebrania 10:39

Kyaindi lyo yese llusangyi na yewo vatirwa nnyinyira na vakeereka-fo, mmbo lukee na yewo vakikusiryo ekyo kikiraa mirima yeeru.

1 Yohane 2:6

Yeto ashambaa akee nnang'ani yakwe, mmbo kinkooye we muni nave shaasa we Kristo ekai.

2 Yohane 1:9

Yeto ailanya kyeeso nalasoraa ufundo lwa Kristo, we nnyatiri Iruva nnang'ani yakwe-fo. Lyo yeto akaa nnang'ani ya ufundo yelo, yeto mmbo atiri Nde na Mwana kiwo.