Yohane 15:2 - BIBILLYA Mareiyo Meele a Iruva

² Wo iramba lyikulunngye neeny lyikara lyilavika ndunda mmbo alyiammbwaa-fo. Na elyo lyiiyo lyoose lyivikaa ndunda kalyilyisa lyeengere ivika ndunda.

Kyaasa Kiiya

² Wo iramba lyikulunngye neeny lyikara lyilavika ndunda mmbo alyiammbwaa-fo. Na elyo lyiiyo lyoose lyivikaa ndunda kalyilyisa lyeengere ivika ndunda.

Yohane 15:2 Iomraidhean Croise

YOBU 17:9

Naakwa ni indo, mworotu mmbo atiraa usumanu lwakwe, nndu mwitana fya usumanu nnyaengeraa itira finya mmwasi.

SABURI 92:14

Mmbo vavikaa ndunda kufike ukuuny; Mmbo vavaa miri itiri finya.

FYAASO 4:18

Shia ya vandu vasaari ivakye ngesa ya nraasi, Shaasa imikyaa ikamika kutani nsanyiny wafika.

ISAYA 27:9

Yei nnyo ngata ukasha lwa vana va mmba ya Yakobo lushootwa-fo, niindo ulyamari lwakwe lushesarywa na irekyeka, mmbo ashelyamaraa fitara fyeerasya maruva a wongo, mawe avayo ashesewa-sewa sha yeela, Ashera nta na fitara fyeerasya ubani mfirewaa-u-fo.

ISAYA 29:19

Yewo veekunyiisa na vaturi vashekooya ikyesa wiiya efo kwa Nndumi Iruva, na yewo vakee vaturi vashekapaa nndoro wiiya kimaruma kya Iruva wa Israeli.

DANIELI 11:35

Maata ya valya varango vawaawa, naambo kiwote utefusu valya vasaa-u, vasangywa, na ilyiswa, kutani kyeeri ekyo kya mafurumyony kikee kideesye kyainukya.

HOSEA 6:3

Nyira lumanyi Nndumi Iruva. Nawe nkuti nalusheye elyi kwakya, nalusheye sha mmbwa ya mateeeri.”

MALAKI 3:3

Nave sha nndu akeeffwa fesa na muro na iyiilyisa. Nawe mmbo asheilyisaa vana va Levi, navasangye sha sahabu na fesa. Llyo vasheutyaa Nndumi Iruva firaso fyeeremutu.

Matayo 13:12

Kimmba nndu atiri kindo mmbo aniingwaa fiingyi katana afumbukywa. Indi yeto nalatiri kindo, mmbo asokwaa na kilya akooya atiri.

Matayo 13:33

Na kyaaso kingyi kaveera, “Umangyi lwa iruveeu mmbo lufwanani na kinruwo kitarang'aa kyeefumbisa nswa. Nndu nka kakiipoo kakisanda na nswa fideeva firaru. Nato ukatana wakwaana itarang'a deny.”

Matayo 15:13

Nawe kavavia, “Wo kindo kivaakye kiiyo kulaore kyammbaaywa ni Nde-yaakwa wa efo iruveeu mmbo kishiiluwaa.

Matayo 21:19

Kalollya nkuu umwi yoo mbai ya shia. Kandeulola, nalakooye-u nta kindo kuuta maru meni. Nawe kauvia, “Yewe kulakivike-se ndunda-fo na kufike llung'anu.” Na nkuu ulya nalyo yeni ukariika.

Matayo 25:29

Mashika wo nndu atiri findo mmbo asheengerywaa fiingyi katana aingifywa. Indi yeto nalatiri kindo, naakwa na kilya atiri mmbo akisokwaa.

Matayo 3:10

Na kyaara mmbo kyammaa ivikwa sindeny ya miri. Naasa wo nri wiiyo ulavikaa ndunda shisha mmbo umanywaa undeerwa murony.

Matayo 3:12

Nawe arie nndeeva na woko lwakwe na efo muunguny wakwe asheaiyaa-fo kwiile peru. Na nganu yeto nataallye efo mbesheny yakwe na muulu yeto nandeuvivya murony ularumikaa.”

Matayo 7:19

Na wo nri ulavikaa ndunda shisha mmbo ushemanywaa na yeerwa murony.

Marko 4:20

Na yewo veere ando a uteri usha mmbo yewo vashaaranyaa irero lya Iruva vakakyilumba, vakeenda vevikaa fimu, umwi kavika makumi araru, na ungyi makumi arindaru, na ungyi iyana.”

Luka 8:13

Na valya va efo iwe-u, mmbo vandu vearanya irero elyo, vakalyitira na nsia. Nawo kindo vauwa ni mirarii, mmbo vakusirye-u kivero tupu, na kyeeri kya yeeswa vakalakana-u.

Yohane 15:1

“Yeny ni nsabibu wa dede na Nde-yaakwa kava mmbwe nremi.

Yohane 15:16

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Yohane 15:3

Neeni mmbo mukee vailyise kimaruma kya ndera yakwa shammeemuvia.

Yohane 15:6

Kwakooya kulaore nndu akaa-fo akulungye neeny mmbo asheerwaa poo sha iramba nandeuma. Nang'u akasanyiryo andeerwa murony akorwa.

Yohane 15:8

Kindo Nde-yaakwa akooya ing'aniswa nakyo ni elyi mwavika ndunda shiingi, mukashiviiya vakiloshyony vakwa.

Yohane 17:12

Meendi sheekee nawo ni yeny shileva mwiivaringa kyikee kya irina lyafo. Shavaauwa, nta nkwiifo nndu waawo alereka-u kulaore ni mwana yeto wa ureti-fo, naambo kilya kikee kireiye kikooye indeinukya.

Varome 11:17

Kyaindi kwankooya maramba engyi ammanywa, neewe nri wa ngoroshony kwalungya-u, kwava umwi wa maramba yoo a nri yeto nsha na uredi lwa vayo,

Varome 11:22

Nkyelolany, usha na unyaasi lwa Iruva kwa valya veewa ni unyafi, indi kwafo yewe ni usha lwa Iruva, lyo kwankaa usheny yelo; lyo kyilammba, neewe-da mmbo kushemanywaa-u.

Varome 8:28

Neese mmbo lwiishi Iruva mmbo arundaa ando amwi na valya vankunndye evawonisyaa mesha, mmbo valya vakee vavaange shaasa akunndye.

1 Vakorinto 13:1

Na kwakooya sharera na fishomu fya vandu na fya varumi va iruveeu, shanra shilatira ukundi mmbo shava sha ipengele lyishoonaa.

Tito 2:14

yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.

Vaebrania 12:15

Mulollye nnu deny kulasheva nndu amina isarya lya Iruva, kwiiseny nnu naambo nri yeto uvavaa ulasheemya kwany ushemwaatara na veengyi vaone itefuswa.

1 Yohane 2:19

Nkweru valeuka lyo mmbekee veru-fo. Mashika kukooye vekee veru, mmbo vekaa ando amwi neese. Lyo mmbo valeuka-fo naambo kimanyike paa sheelyi nshi woose vakee veru-fo.

Usukuyony 3:19

Woose yewo shivakundye mmbo shavakyeemya na ivakapa; naasany marukkya kukurye.