Yohane 13:5 - BIBILLYA Mareiyo Meele a Iruva

⁵ Kawuya kaletya mura wa isamba nndeeveny. Kapooka isangya valya vakiloshyony marende nayaangata na soori ilya akufingye.

Kyaasa Kiiya

⁵ Kawuya kaletya mura wa isamba nndeeveny. Kapooka isangya valya vakiloshyony marende nayaangata na soori ilya akufingye.

Yohane 13:5 Iomraidhean Croise

Mapookyony 18:4

Reny weendwa mura munnnywa musangye marende any, mwimuye yaa kwasi ya nri yeu.

Mapookyony 19:2

Kaamba, “Vande vakwa, oshony kwakwa, mwaange mmba kwa ishinga lyany, mulale, muvesangya marende any. Na ngama nraasi mukupoo mukweengye.” Vakammbia, “Nshi indo-fo mmbo lukaa yoo poo kio tara-raa.”

Mapookyony 43:24

Nndu eto keende vandu yewo kwa Yosefu, kavaniinga mura, neevasangya marende, neeninga mishungu yaawo shoonga.

2 VAMANGYI 3:11

Indi Yehoshefati kaamba, yaa kwiiyo-se Nkisuku wa Nndumi Iruva, alweekye ivesa mbony eti efo kwa Nndumi Iruva? Ishinga lyimwi wa mangyi ya Israeli; karouwa kaamba, Kwiifo Elisha mwana wa Shafati, ulya mwiiletya Elia mura maakony akwe.

SABURI 51:2

Kushisangye deny uravi lwakwa, Kushisangye ulyamari lwakwa loose.

YUUKA 29:4

Numa kweendeny Aron na vana vakwe fika yoo mwaangony wa yeema lya ikwaanannya, yeele kuvailyise na mura.

ISAYA 1:16

Kusangyeny mukakwiilyisa muveni! Lakaneny na efyo fya ulyamari usanguny lwakwa, nta mulatani lyingyi ulyamari.

ESEKIELI 36:25

Shishemufwallya mura mmbaramu mwiile pyai, shishemusangya kirinda kyany kyoose na mafwanu any moose.

Valevi 14:8

Neeto eeremutwa nasangye masara na yuuta nrwe deny, neesamba neele deny, naasa naangeny neefo ulaleny, lyo nakae yoo poo ya yeema lyakwe ando a mikonu mfungare.

SEKARIA 13:1

Nkonu yeto usheshaa, mmbo kushevaa-fo usoka lweesangya na yiilyisa ulyamari na utefusu loose llwa mmba ya Davidi, na valya vakee Yerusalemu.

Luka 7:38

Kashesalala yoo numa ando aoroye nang'u marende ashiiyaa kanshoshotya misoru alya marendeny. Kawuya kaangata-u na fii ta nrwe wakwe. Nawe kamiminda-miminda marende alya akwe kaamba mafura alya.

Luka 7:44

Llyo kaindukya nka ulya kavia Simon, “Kulollye nka yeu-ro? Mmbo shaanga na kunu mmba kwafo, nta kulashiniinge mura wa marende akwa. Nawe katana ashishoshotya misoru yakwe marendeny. Kawuya kaangata na fii takwe ta nrweny.

Yohane 13:10

Yesu kammbia, “Yeto ansamba nnatiri kisanngyo-se-fo, kulaore ni marende meni, mmbo ameeremuka efo mwiiliny koose. Neeni mukee veeremutu-da, indi nshi moose-fo.”

Yohane 13:6

Naasa afika yoo kwa Simon Petro, we kammbia, “Nndumi a yewe mmbo kushisangyaa marende?”

Yohane 13:8

Petro kammbia, “Ode nta-fo nkusheeshisangyaa marende nakukafika indii-fo.” Yesu kanndouwa, “Kwakooya kulaore shakusangya marende nkukee umwi neeny-fo.”

Yohane 19:34

Indi vasikari valya ulya umwi kandosha yoo uvari na ifumu. Nang'u akataa mura usangyi na samu.

Mashora 22:16

Naasa ulaalu nkyokyi kukeevera? Salala kubatiswa, kusangyo ngyulyamari tafo, kwiivangaa irina lyakwe.’”

1 Vakorinto 6:11

Na vengyi vany mmbo mwekee va ngata yeyo; lyo mukailyiswa, mukaekennywa usumanu na irina lya Nndumi Yesu Kristo, na lya Mumuyo wa Iruva weeru.

Vaefeso 5:26

Naambo nayiilyise neeisangya na mura uriyani na irero lyakwe;

1 Timoteo 5:10

Nawe nkuti nakooye akureekyo mesha, kwakooya alerosa vana, neyaambya veny neesangya veele marende, na yeekya velyiswa ukyiva, neetana findo fisha etiri usau.

Vaebrania 10:22

luserikyeny ng'u na nrima wa dede, na kyikusiryo kivangyi, lukee vasangye mirima yeeru lure makusaro makasha, lukee vasangye miili yeeru na mura mweele.

1 Yohane 1:7

lyo kwakooya lweenda seny, shaasa we Nde akee seny, mmbo lushiitanaa luveni na veni, na samu ya Yesu Mwana wa Iruva mmbo yalusangya ulyamari loose.

1 Yohane 5:6

Yeu mmbwe alesha na mura na samu, Yesu Kristo, nshi alesha na mura da-fo, mmbo alesha na mura na samu da.

Usukuyony 1:5

lyingyi fyuukye kwa Yesu Kristo, akee nkureekyi wa dede, mwana wa mbee wa yewo vafiiye, na mangyi ya vamangyi va ulana. Yeto alukundye na ilusangya ngyulyamari teru na samu yakwe.

Usukuyony 7:14

Na yeny shammbia, “Woi Nndumi wakwa, ni yewe kwiishi.” Nawe kashivia, “Yewo mmbo valya valemmuuka ngatareny ilya ing'ani, nawo mmbo valensangya soori tawo vakaeelyisa na samu ya Ngurana ya Iruva.

VALETI 19:21

Naasa kavarwaa kwakwe, kavasangya marende, vakalya na shoonga, na nshungu ukaniingwa mare.

1 SAMUELI 25:41

Nawe kawa si kifulufulu kaamba, “Lola kishinga kyafo mmbo kikee ishinga lyeesangya vasero vafo marende.”