Yohane 10:3 - BIBILLYA Mareiyo Meele a Iruva

³ Na yeto mwiiringa yoo ngiriny mmbo annduyaa. Na maanri alya akaarannya unyanga lwakwe. Na maanri alya akee akwe muni kaavaanga marina a vayo kaauwa na poo.

Kyaasa Kiiya

³ Na yeto mwiiringa yoo ngiriny mmbo annduyaa. Na maanri alya akaaranya unyanga lwakwe. Na maanri alya akee akwe muni kaavaanga marina a vayo kaauwa na poo.

Yohane 10:3 Iomraidhean Croise

SABURI 80:1

Loota kurwi kyafo ewe mwiisa Israeli, kuteteraa vana va Yosefu sha mooonri, Yewe kukee uwe ya fyuumbe efyo fiwangwaa, makerubi lumikye,

YUUKA 33:17

Nndumi Iruva kavia Mose, neeki kwakyaamba nshekitanaa-da, mashika elyi kwambona ikiiyo yaa kwakwa, neeny shikwishi irina lyafo,

FYAASO 27:23

Lola nisha ironda lyafo, Kulle nisha findo fyafo feevikkya,

KYIIMBO KYA FIIMBO 8:13

Yewe kukee nreminy, mbuya takwa mmbo vakee yaarannya unyanga lwafo; A nkye na yeny shikwaarannyi-dwa! Nndu nka

ISAYA 40:11

Ashiisaa ironda lyakwe sha mwiisi asanyirye mburu takwe maakony akwe, navavike ng'undeny takwe, na tilya tikeota vana tisheteterwa kwa waarya.

ISAYA 42:16

Mmbo shisheendee vafu miso vaire shia valaishi, shivatetere shieny valaishi. Shisheallwaa ireema lyive sa mbee yaawo, na ando a imungo ave kurambalalyi. Efi shishevatannyaa nta nshivaraafo.

Yohane 10:14

Mwiisi nsha mmbwe yeny. Mmbo shiveishi yoo akwa, nang'u aveshiishi yeny.

Yohane 10:16

Shitiri na maanri engyi-se, alakee a mfiri yeu. Nang'u nkuti shiende nau. Nang'u ashiitaa unyanga lwakwa. Na ironda lyive lyimwi na mwiisi nave umwi.

Yohane 10:4

Na alya akee akwe moose elyi aasomuta na poo kaira mbee asongoye. Na maanri alya akallatya kimmba eeshi unyanga lwakwe.

Yohane 10:9

Ngiri yeyo nnyo yeny. Kwakooya nndu aanga nafo ashyaaluye ngiri mmbwe akooya ikirwa, na yaanga nafo na isomuka nafo, navekooya na ura.

Yohane 6:37

Ekyo Nde anshiniinga nkyo kikusheyaa na kwakwa, Na nndu ankusheya na kwakwa nshishemweeraa poo-fo.

Yohane 6:45

Mmbo kikee kireiye efo fitabuny fya vakisuku kyeamba, nawo woose vakaa vave vafunde ni Iruva. Naasa, wo nndu amaarannya kyuuka na Nde na ikulosha mmbo ashaa na kwakwa-da.

Varome 8:30

Na valya alevasauwa uka elyo mbee, yewo kavavaanga, na valya alevavaanga, wo kaveekennya usumanu; na valya aleveekennya usumanu wo kavang'anisa.

1 Vakorinto 16:9

Mashika kulya mmbo shileruyo mwaango nniini nsha nnu, nafo veefo veengyi vakeshikapa fira.

Vafilipi 4:3

Ee-da, shikundye na yewe, ishinga uroye wakwa wa dede, kweekye vaka yewo, mashika mmbo valekapannya Nrumi ya Nsia ando amwi neeny, ando amwi na Klementi, ando amwi na yewo vengyi valeakana neeny nawo marina awo akee efo kyitabuny kya muu.

Vakolosai 4:3

muveluterevya neese kiwo, naambo Iruva naluruye mwaango wa irero lyakwe, luvambise kyama ekyo kya Kristo na nkyo ekyo kyileengye shafingwa.

2 Timoteo 2:19

Kyaindi lyo irero lya Iruva lyivangyi, lyikavikywa na kiringisyo ekyi, kyeyaamba, Nndumi eeshi yewo vakee vakwe, na kingyi-se, yeto moose mwiisenda Irina lya Nndumi nare uravi lakwe.

1 Petro 1:12

Vakaorwa sheelyi nshi kimaruma kyawo veni-fo, kyaindi kimaruma kyany nkyo vakafurukannya efyo, na mfyo muleongoywa ni valya valemoongoya Nrumi ya Nsia vekaywa ni Mumuyo Mweele yeto alerumwa auka iruveeu. Mbony eti naakwa ni vasu mmbo valangye itilola.

1 Yohane 4:6

Yese mmbo luukye kwa Iruva. Yeto eeshi Iruva mmbo alwaaranya yese, na yeto nalaukye kwa Iruva nnyalwaranyaa-fo. Kimaruma kya efyo mmbo lwamanya Mumuyo wa dede, lukavemanya na mumuyo wa ureti shaasa akai.

3 Yohane 1:14

Mashika mmbo shivikye nsia shikulollye uviny, lusherera kana kwa kana.

Usukuyony 20:15

Na nndu yeto nalandereiywa efo kyitabuny yekyo kya muu mmbo aleerwa iruveny llya lya muro.

Usukuyony 3:20

Lola-te, ekakau shisalalyi yoo mwaangony shyuukapa-kapaa; kwakooya nndu aita unyanga lwakwa kashiruya mwaango, mmbo nshangaa kwakwe shilye nawe shoonga, nawe nalye na yeny.

Usukuyony 7:17

Mashika Ngurana yeyo ya Iruva akee nnang'ani ya kitima ekyo kya itumbe, mmbo asheveesaa, nawe mmbo ashevateteraa yeengya ngyusoka titiri mura wa muu, na Iruva mmbo asheangata misoru myoose efo misony awo.”