Yohane 10:21 - BIBILLYA Mareiyo Meele a Iruva

²¹ Vengyi vakaamba, “Marero yoo arera nshi akee sha a nndu atirwa mmumuyo nkasha-fo. A mmbo kwiifo mumuyo nkasha ushiidimaa itarammbwa miso a vafu-miso?”

Kyaasa Kiiya

²¹ Vengyi vakaamba, “Marero yoo arera nshi akee sha a nndu atirwa mmumuyo nkasha-fo. A mmbo kwiifo mumuyo nkasha ushiidimaa itarammbwa miso a vafu-miso?”

Yohane 10:21 Iomraidhean Croise

SABURI 146:8

Neewo vafu miso Nndumi Iruva kavatarambwa miso awo. Nndumi Iruva keeboo yewo vakee ngatareny, kakunda yewo va usumanu.

SABURI 94:9

Yeto mwitana yaarwi, ashiidimaa-se iityaa? Yeto aleumba iriso, ashiidimaa-se

YUUKA 4:11

Nndumi Iruva kammbesa, “A mmbi yeto alesongosya kana kya nndu? Ao mbo-vi yeto aallwa nndu kava mbimbi ao mfu maarwi, ao nalole ao nafwe miso? A nshi yeny Nndumi Iruva?

YUUKA 8:19

Naasa vaanga valya vakavia Farao, “Kindo ekyi ni finya ta Iruva lyo nrima wa Farao ukaengera iva muumu nta nalavaarannyi, kyikava indo shaasa Nndumi Iruva aleamba.”

FYAASO 20:12

Kuri kashiitaa na iriso lyilollyaa, Moose e awii ni Nndumi Iruva aumbye,

Matayo 11:5

Vandu vafu miso veefo valolaa, na vandu vakee miketekete veefo vasheendaa, na va ivave veefo vasheeremukaa, na vandu vafu maarwi veefo vashiitaa; na vandu vafu veefo varutwaa, na vandu vakiva veefo vashoongoywaa nrumi ya Iruva ya nsia.

Matayo 4:24

Nalyo nnduma wakwe ukaenda ikwaana kulya Siria koose. Na vandu vakamweengya yewo woose velwee ndwari shive na shive na yewo velyilyiswa kyuumu, na yewo vatirwa ni mimuyo mikasha, vasukwa na fitongororo malungo. Nawe kavakira.

Yohane 10:22

Naasa kukafika nkonu nniini kulya Yerusalemu weekummbwa mmba ya Iruva ilesammywa. Na kyeeri kilya kiifo kikee kya mbeo.

Yohane 9:6

Amaamba indo kafishya maare si. Maare alya kaumba-umba nang'u mmbumba wa uteri. Mmbumba ulya wa uteri kawaamba yoo misony alya akwe.