Yohane 1:14 - BIBILLYA Mareiyo Meele a Iruva

¹⁴ Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Kyaasa Kiiya

¹⁴ Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Yohane 1:14 Iomraidhean Croise

SABURI 2:7

Nawe mangyi mmbo asheambaa, Shamongoya ishingo lya Iruva Mwitorya, yewe ni mwana wakwa, na yeny ni Nndeyaafo.

SABURI 45:2

Mmbo kukee nsha kwailannya vandu Marero afo ni uleke. Nawe Iruva kakuniinga mbora llung'anu.

SABURI 85:9

Ni usumanu ukiro lwakwe lukee afii na yewo vemwindya; Na nng'anu wakwe usindaa urukeny lweru.

ISAYA 40:5

Na usuri lwa Nndumi Iruva lusheorwaa paa, na woose veefo na muu vashelollya kimmba kana kya Nndumi Iruva kyarera mbony eti.”

ISAYA 53:2

Mmbo alemia efo kisanguny kyakwe akee sha ndaru, sha nrarii uparaa maa yauka uteriny uumu, Nnetiri nta waantu nta utore vandu vallole-fo, nta usha lwakwe lulalusenyi yese.

ISAYA 7:14

Kyasia Nndumi muni ashemooraa kiringisyo, mwana wa kyika ashekufingaa nawe ashewona mwana wa vomi, nawe ashemmbaanga irina lyakwe ni Imanueli.

ESEKIELI 37:27

Mmbo shishekaa ando amwi nawo, shisheva Iruva waawo, nawo vasheva vandu vakwa.

Matayo 1:16

Yakobo kaira Yosefu we mmi wa Maria. Mmbwe aleira Yesu yeto avaangwa Kristo.

Luka 2:11

Mashika mwamiiryo NKIRA inu mmbwe Kristo akee Nndumi efo muriny wa Davidi.

Luka 2:7

Kaira mwana wakwe wa mbee kamfingya firami, kamwaara mundiny wa ng'umbe, nnyeli kulaore valeona mwaanya efo mmba ya veny.

Luka 9:32

Naasa Petro vakee varovye ni rwe na valya aryani nawo. Naasa kyeeri vookya rony vakalolya usuri llwa lwakwe na vasero valya vavii vasalali-u ando amwi nawe.

Yohane 1:1

Elyo mapookyony llyo Irero eefo. Nawe Irero ekee na Iruva. Nawe Irero ekee Iruva.

Yohane 11:40

Yesu kammbia, “A mmbo shilandekuvia kwakooya kwakusirya-u mmbo kushelollyaa itumbe lya Iruva?”

Yohane 14:6

Yesu kammbia, “Yeny ni shia na dede na muu. Nta nkwiifo nndu afika kwa Nde kulaore aroswa ni yeny-fo.

Yohane 14:9

Yesu kammbia, “Fyeeri efi fifye indo shankaa neeni, neewe kulandeshimanya Filipo? Yeto ashilollye yeny, mmbwe alollye Nde. A kyavaany inda elyi yewe kwaamba, ‘Lwoore Nde!’

Yohane 17:22

Na usuri yelo kushilyimmyi yeny neeny mmbo shivealyimmye wo, naambo vakooye iva vamwi,

Yohane 17:24

Woi Nde mmbo shakunda kya yewo kuleshivaniinga, nawo-da vakooye ikaa ando amwi neeny efo kundo shikai, naambo vakooye ilollya usuri lwakwa kushiniinngye kimmba kuleshikunda kulaore ulana yelu lwammbeiywa.

Yohane 18:37

Nalyo Pilato kammbia, “A kwavevaany mangi-ro?” Yesu kaallwa, “Ni yewe kwakyaamba kumuni mmbo shaveva mangyi-da. Kimaruma shawonika na kimaruma shasha na kunu ulaniny ni indevikya ekyo kyikee dede ukureeki. Na wo nndu aparikyeny efo dedeny mmbwe ashaaranyaa unyanga lwakwa.”

Yohane 2:11

Nkyo kindo kyeeora wende kya mbee Yesu aletana kulya Kana ya Galilaya, kaora usuri lwakwe paa na valya vakiloshyony kyakwe vakautau ikusirya nawe.

Yohane 3:16

Iruva mmbo eekunndye ulana karuma Mwana wakwe wa ngitany naambo wo nndu akusirye nawe nalakooye ireka kyeendi nawoni muu wa llung'anu.

Yohane 3:18

Nndu akusirye nawe nnasheonaa uvingo-fo. Nndu kalema ikusirya nawe, we ammaa iwona uvingo, kimmba anra nalakusirya na irina lya Mwana wa Iruva wa ngitany.

Yohane 6:51

Yeny mmbwe nkate wa muu yeto uleoloka wuuka iruveeu. Na nkate yeto kwakooya nndu aulya nnyashefwaa-fo. Na nkate yeto shinsimbaa ni mwiili wakwa shyoonisye nato ulana yelu muu.

Yohane 8:32

Neeni mushemanyaa ekyo kikee dede, kishemuvikaa muve valeke.”

Mashora 13:33

kyeyaamba, Iruva mmbo aleinutya kwa vana veru kyaasa kilya, llya aleruta Yesu; shaasa kikee kireiye kulya Saburiny ya kavii indi: ‘Yewe mmbwe Mwana wakwa inu shakwiira.’”

Varome 8:3

Mashika filya fileeshidimikaa ni mavavaso, mashika a ufwafwa lwa vayo lwa ngata ya mwiili, Iruva ekiruma mwana wakwe muni ekee na mwiili uvakye wa ulyamari, mmbo alevinga ulyamari mwiiliny;

Varome 9:5

nawo mmbo vasaawoye veru, neefo kwawo mfo Kristo aleuka kwi ngata ya mwiili. Mmbwe yeto akee uwe ya findo fyoose, Iruva, akee mwiitikiswa llung'anu, Amen.

1 Vakorinto 15:47

Nndu wa mbee ni wa ulaniny, mmbwa uteeri. Nndu wa kavii mmbo ookye iruveeu.

2 Vakorinto 12:9

Lyo we kashivia, “Isarya lyakwa lyikufye.” Mashika wiidimi lwakwa mmbo lwalyimba yoo kukee kufwafwa. Nasaany mmbo shirumana kimaruma kya ufwafwa lwakwa shikee na ifura iniini, naambo wiidimi lwa Kristo lushikaye.

Vagalatia 4:4

Na kutani llya fyeeri fileinana, llyo Iruva alelurumya mwana wakwe akee mwiire ni nka si ya uvavaso.

Vaefeso 3:8

Yeny Paulo, shinyiiye yeto akee n-du wa veele woose, mmbo shilesimbwa isarya elyi naambo shoongoye vandu va masanga mbony ta usimba lwa Kristo lulavaa yeesa.

Vakolosai 1:19

Mashika mmbo alekunda findo fyoose nafyo mmbo fishefurumyaa yoo kwakwe.

Vakolosai 2:3

mmbwe yeto kwakwe usimba loose lwa urango lukusurumyi

Vakolosai 2:9

Mashika yoo kwakwe nng'u usongovisi loose lwa Iruva lukai, efo mwiiliny.

1 Timoteo 3:16

Na kyama yekyo kya weele nkiniini. Iruva mmbo aleorwa paa kwi ngata ya mwiili na ngata yeyo ya mumuyo ikammanya mmbo akee nsumanu. Kalollyo mmbasu kavambiswa masangeny, kavikwa nsia kunu masangeny. Kavikwa uwe efo itumbeny.

Vaebrania 1:3

Kimmba we akee ngyesa ya usuri lwakwe na wende lwakwe, eshipoo fyoose na ivavaso lya wiidimi lwakwe, ekimaa ivika wiilyiso lwa ulyamari, mmbo alekaa rembo woko usha lwa Uniini lwakwe efo iruveeu;

Vaebrania 1:5

Mashika lyo mmbo alemmivia nsu ungau nta lyimwi, Nnyewe mwana-kwa, “Inu mmbo shakwiira.” Na lyingyi, “Neeny mmbo nshevaa Nde kwakwe nawe kwakwa nave mwana.”

Vaebrania 10:5

Nkyo elyi asha ulaniny mmbo aamba, Firaso fyekora na muro na fyaanu nkukundye-fo, lyo mwiili ukashideesya.

Vaebrania 2:11

Mashika yeto mwiilyisa na yewo veilyiswa, woose nkwa umwi vammyi. Kimmba kya ekyo nnyalollye sony ivavaanga vanavamaye-fo;

Vaebrania 5:5

Na kiwo-da naakwa ni Kristo nnyalekurosa we muni kava Nkohani Nniini-fo, mmbo kwiifo yeto alemmbia, Ni yewe Mwana wakwa. Inu mmbo shakwiira.

1 Yohane 4:14

Neese mmbo lwallollya na ikureekya sheelyi we Nde mmbo aleruma Mwana wakwe nave Mwikira wa ulana.

1 Yohane 4:9

Kimaruma kya efyo Ikunda lya Iruva mmbo lyilelollyo kweru, kyeyaamba Iruva mmbo aleruma Mwana wakwe wa ngitany ulaniny, naambo luwoni muu kyuuka nawe,

2 Yohane 1:7

Mashika ni vandu veengyi velembaa valensha-fo kunu ulaniny, valashiirikyaa sheelyi Yesu Kristo mmbo akeesha ekee na mwiili. Yeto mmbwe llembi na mwilema Kristo.

Usukuyony 19:13

Nawe mmbo aree soori ikee shikape efo samuny, na irina lyakwe kavaangwa, “Irero lya Iruva.”

Usukuyony 21:3

Shaita unyanga uniini lwishuukaa alya kitiminy kilya kya itumbe lwiishambaa, “Loleny-te, ando a Iruva ulaalu ni efo vanduny nawe mmbo ashekaa nawo, nawo vasheva vandu vakwe. Nawe Iruva muni ashekaa nawo.