Yohane 1:13 - BIBILLYA Mareiyo Meele a Iruva

¹³ Mmbo yewo valeirwa kilauka na samu nta kikundyony kya mwiili wa nndu, nta kikundyony kya nndu-fo, mmbo vairwa kyuuka na Iruva.

Kyaasa Kiiya

¹³ Mmbo yewo valeirwa kilauka na samu nta kikundyony kya mwiili wa nndu, nta kikundyony kya nndu-fo, mmbo vairwa kyuuka na Iruva.

Yohane 1:13 Iomraidhean Croise

Mapookyony 25:22

Vana vakakapannya efo nsangeny wakwe. Nawe kaamba, “Kwankooya ni indo, a mmbusha-ki ikaa na muu?” Kavesa Nndumi Iruva.

Mapookyony 25:28

Lyo Isaki kakunda Esau mashika elyi elyaa findo efyo ewaa, na Rebeka kakunda Yakobo.

Mapookyony 27:33

Isaki katirwa nkitetemu, kitetemu kininii nnu, kaamba, “a ni vi ndesa ulya asheengye shoonga? Neeny shammaa ilya kulaore yewe kwansha shammbikya mbora; yee nawe ammeevikywa mbora.”

Mapookyony 27:4

Kusheshisongosia shoonga irolaa yeyo shikunndye, kusheengye, naambo shilye; nkuvikye mbora shilandefwa.”

SABURI 110:3

Nkonu kukapaa vakiduva wafo vandu vafo, Mmbashekweekya sha laura elyi ngama, Vasero vafo wooloke wooka efo ifumbuunyeele.

Matayo 3:9

Nta mulakusare mwaambe, Nde weeru luntiri ni Abrahamu! Mmbo shamuvia, Iruva ashiidimaa iparya Abrahamu vana navaute naakwa kunu maweny.

Yohane 3:3

Yesu kanndouwa kaamba, “Ni dede kya dede shakuvia, kwakooya kulaore nndu ammiirwa lya kavii, nnashewonaa umangi lwa Iruva-fo.”

1 Vakorinto 3:6

Yeny mmbo shilevaaya Apolo siri; lyo yeto mwirosa ni Iruva.

Vafilipi 2:13

Mashika ni Iruva akeerunda mashora nnang'ani yaany, ikunda lyany na irunda lyany, mushiinutyaa mesha yoo akundye.

Tito 3:5

nshi kimaruma kya mashora mesha luletana yese-fo, nkimaruma kya ilyillya lyakwe, luleona llya luleirwa lya kavii na ivikwa wiiya kyuuka na Mumuyo Mweele.

Yakobo 1:18

Llya alekunda we muni mmbo alelwiira kyeendwa ni irero lyakwe lya dede, lukava vasongoru va fyuumbe fyoose.

1 Petro 1:23

Mashika mmbo muleirwa lya kavii, nshi kyuuka ufyariny yelo lukeesia-fo, nkwa yelo lulasiaa, na irero lya Iruva lyitiri muu, elyo lyakaa llung'anu.

1 Petro 1:3

Iruva naitikiswa, we Nde wa Nndumi weeru Yesu Kristo, yeto alelwiira lya kavii kyuuka na isarya lyakwe naambo luwoni ivika nsia elyo lyeende muu kimaruma kya iruka lya Yesu Kristo auka kwa vafu;

1 Petro 2:2

Mukee sha vakoku vaonika ulaalu indi, langeny urango luvakye malela alakee malonge-longe, naambo mwiidimi itumaa efo ukirony.

1 Yohane 3:9

Wo nndu akee mwiire ni Iruva nnyatanaa ulyamari-fo, mashika yewo wakwe mmbo vakaa nnang'ani yakwe; nta nnyashidimaa itana ulyamari-fo mashika mmbo awonikye kyuuka na Iruva.

1 Yohane 4:7

Vakunde vakwa, lukundani; mashika ikunda nkwa Iruva lyuukye, na yeto mwiikunda moose mmbo awonikye efo kwa Iruva kavemanya na Iruva.

1 Yohane 5:1

Wo nndu airikye sheelyi Yesu ni Kristo mmbo awonikye kyuuka na Iruva. Na wo nndu akundye Nde, mmbo akundaa na yeto aleirwa mmbwe.

1 Yohane 5:18

Lwiishi sheelyi wo nndu yeto akee mwiire ni Iruva nnyatanaa ulyamari-fo; mashika awonikye kyuuka na Iruva mmbo akwiisaa, nta yeto nravi nnyampaanaa-fo.

1 Yohane 5:4

Mashika wo kindo kyikee kyiire ni Iruva mmbo kivingaa ulana yelu, na elu llo uvingi lwa ivinga ulana, ni kyikusiryo ekyo kyeru.